କରୋନା ଲଢ଼େଇରେ ଶିଳ୍ପଜଗତ

ବାଙ୍ଗାଲୋର,୨୯।୪:  ଦେଶର ଦ୍ୱିତୀୟ ବୃହତ୍‌ ଜନବହୁଳ ରାଷ୍ଟ୍ର ଭାରତରେ କରୋନା ମହାମାରୀ ବର୍ତ୍ତମାନ ସଙ୍କଟ ସୃଷ୍ଟି କରିଛି। କରୋନାର ଦ୍ୱିତୀୟ ଲହର ଯୋଗୁ ସଂକ୍ରମଣ ବର୍ତ୍ତମାନ ବଢ଼ିଥିବା ବେଳେ ଏହା ଚିନ୍ତାର କାରଣ ପାଲଟିଛି। ଏଭଳି ସ୍ଥିତିରେ ଦେଶର ଶିଳ୍ପ ଜଗତ କରୋନା ଲଢ଼େଇରେ ନିଜର ଯୋଗଦାନ ରଖିଛି। ଆମାଜନ, ଇଣ୍ଟେଲ,ଗୁଗଲ ଭଳି ବହୁରାଷ୍ଟ୍ରୀୟ କମ୍ପାନୀ ବାଦ୍‌ ଟାଟାସନ୍ସ, ରିଲାଏନ୍ସ ଇଣ୍ଡଷ୍ଟ୍ରିଜ, ଜେଏସ୍‌ଡବ୍ଲ୍ୟୁ ଭଳି ଭାରତୀୟ କମ୍ପାନୀଗୁଡ଼ିକ କୋଭିଡ୍‌ ଲଢ଼େଇରେ ନିରନ୍ତର ଉଦ୍ୟମ ଜାରି ରଖିଛନ୍ତି। ମେଡିକାଲ ଯନ୍ତ୍ରାଂଶ ବିମାନ ଯୋଗେ ପରିବହନ ସହ ମେଡିକାଲ ଅକ୍ସିଜେନ ଲାଗି ପାଣ୍ଠି ପ୍ରଦାନ ଭଳି କାମ ଶିଳ୍ପଜଗତ କରୁଥିବା ନଜରକୁ ଆସିଛି।
ବର୍ତ୍ତମାନର ଚ୍ୟାଲେଞ୍ଜିଂ ସମୟକୁ ନଜରରେ ରଖି ଉତ୍ତମ ସମନ୍ବୟ ସହିତ ଘରୋଇ କ୍ଷେତ୍ର ଯୋଗଦାନର ଆବଶ୍ୟକତା ରହିଛି ବୋଲି ଇଣ୍ଡିଆନ ଷ୍ଟାଟିଷ୍ଟିକାଲ ଇନ୍‌ଷ୍ଟିଚ୍ୟୁଟ୍‌ର ଅର୍ଥନୀତିଜ୍ଞ ମଧୁରା ସ୍ବାମୀନାଥନ କହିଛନ୍ତି। ସୂଚନାଯୋଗ୍ୟ, ଆମାଜନ ଅକ୍ସିଜେନ ଯନ୍ତ୍ରାଂଶ ବିମାନ ଯୋଗେ ପରିବହନ ଲାଗି ପାଣ୍ଠି ପ୍ରଦାନ କରିଛି। ଗୁଗଲ ପକ୍ଷରୁ ନନ୍‌ ପ୍ରଫିଟ ଏବଂ ଅନ୍‌ଲାଇନ ଆଡ୍‌ ଗ୍ରାଣ୍ଟ, ଡେଲଏଟ ପକ୍ଷରୁ ଅକ୍ସିଜେନ ଯନ୍ତ୍ରାଂଶ, ତରଳ ଅମ୍ଳଜାନ ପରିବହନ ଲାଗି ଟାଟାର କ୍ରାୟୋଜେନିକ କଣ୍ଟେନର ବ୍ୟବସ୍ଥା କରିଛି। ରିଲାଏନ୍ସ ଇଣ୍ଡଷ୍ଟ୍ରିଜ ଏହାର ରିଫାଇନେରିରୁ ଅକ୍ସିଜେନ ଯୋଗାଣ କରୁଛି। ସେହିଭଳି ଜିନ୍ଦଲ ଷ୍ଟେନ୍‌ଲେସ, ଜେଏସ୍‌ପିଏଲ୍‌, ବେଦାନ୍ତ, ଆଦାନୀ ଗ୍ରୁପ୍‌ ଅକ୍ସିଜେନ ଯୋଗାଣ ଦିଗରେ କାମ କରୁଛନ୍ତି। ଆଇଟିସି ୨୪ କ୍ରାୟୋଜେନିକ କଣ୍ଟେନର ବ୍ୟବସ୍ଥା କରିଥିବା ବେଳେ ଅଲକାର୍ଗୋ ଲଜିଷ୍ଟିକ, ସାଓମି, ପେଟିଏମ୍‌ ଏବଂ ଜୋମାଟୋ ଭଳି କମ୍ପାନୀ ମଧ୍ୟ ନିଜର ଯୋଗଦାନ ରଖୁଛନ୍ତି।

ପେଟିଏମ୍‌ ଯୋଗାଇବ ୨୧ ହଜାର ଅକ୍ସିଜେନ କନ୍‌ସେନ୍‌ଟ୍ରେଟର
ଫାଇନାନ୍ସିଆଲ ସର୍ଭିସ କମ୍ପାନୀ ପେଟିଏମ୍‌ ୨୧ ହଜାର ଅକ୍ସିଜେନ କନ୍‌ସେନ୍‌ଟ୍ରେଟର(ଓସି) ଉପଲବ୍ଧ କରାଇବା ଲାଗି ଯୋଜନା ରଖିଛି। ମେ ମାସ ପ୍ରଥମ ସପ୍ତାହରୁ ଏହା ଉପଲବ୍ଧ ହେବ ବୋଲି ଜଣାପଡିଛି। କମ୍ପାନୀ ଏଥିଲାଗି ଲୋକଙ୍କ ନିକଟରୁ ୫ କୋଟି ଟଙ୍କାର ପାଣ୍ଠି ସଂଗ୍ରହ କରିଛି। ମୋଟ ୧୦ କୋଟି ଟଙ୍କାର ଓସି ଲାଗି ବର୍ତ୍ତମାନ ଅର୍ଡର ଦିଆଯାଇଛି। ଲୋକ ଦେଇଥିବା ଅର୍ଥ ବାବଦ ଅବଶିଷ୍ଟ ଅର୍ଥ କମ୍ପାନୀ ପ୍ରଦାନ କରିବ ବୋଲି କହିଛି। ଲୋକଙ୍କୁ ତ୍ୱରିତ ସହାୟତା କରିବା ଲାଗି ପେଟିଏମ୍‌ ଫାଉଣ୍ଡେଶନ ପକ୍ଷରୁ ବର୍ତ୍ତମାନ ସୁଦ୍ଧା ଅର୍ଡର ପ୍ରଦାନ କରାଯାଇଥିବା କମ୍ପାନୀର ପ୍ରତିଷ୍ଠାତା ବିଜୟ ଶେଖର ଶର୍ମା କହିଛନ୍ତି।

ହ୍ୟୁଣ୍ଡାଇ ଦେଲା ୨୦ କୋଟିର ରିଲିଫ୍‌ ପ୍ୟାକେଜ
ହ୍ୟୁଣ୍ଡାଇ ମୋଟର ଇଣ୍ଡିଆ ପକ୍ଷରୁ ବୁଧବାର ୨୦ କୋଟି ଟଙ୍କାର ରିଲିଫ ପ୍ୟାକେଜ ସମ୍ପର୍କରେ ଘୋଷଣା କରାଯାଇଛି। କୋଭିଡ୍‌-୧୯ର ଦ୍ୱିତୀୟ ଲହର ଯୋଗୁ ଭାରତକୁ କମ୍ପାନୀ ପକ୍ଷରୁ ଏଭଳି ସହାୟତା କରାଯାଇଛି। ମହାରାଷ୍ଟ୍ର, ଦିଲ୍ଲୀ, ହରିୟାଣା, ତେଲଙ୍ଗାନା, ତାମିଲନାଡୁ ଭଳି ସବୁଠାରୁ ପ୍ରଭାବିତ ରାଜ୍ୟଗୁଡିକରେ ରିଲିଫ ସହାୟତା ଭାବେ କମ୍ପାନୀର ଏହି ଅର୍ଥ ଖର୍ଚ୍ଚ ହେବ। ହସ୍ପିଟାଲଗୁଡିକରେ ଅକ୍ସିଜେନ ପ୍ଲାଣ୍ଟ ସ୍ଥାପନ, ଗୁରୁତର ରୋଗୀଙ୍କୁ ସହାୟତା ଭଳି ବିଭିନ୍ନ କାର୍ଯ୍ୟକ୍ରମ ଲାଗି ଏହି ଅର୍ଥ ଖର୍ଚ୍ଚ ହେବ ବୋଲି କମ୍ପାନୀ ପକ୍ଷରୁ ସୂଚନା ରହିଛି।


Enter your email to get our daily news in your inbox.

All Right Reserved By Dharitri.Com

୭୩ ବର୍ଷରେ ସୁନା ୧୦ ଗ୍ରାମ୍‌ ଦାମ୍‌ ବଢ଼ିଛି ୬୦୦ ଗୁଣା: ୧୯୪୭ରେ ଥିଲା ୮୮ ଟଙ୍କା…

ନୂଆଦିଲ୍ଲୀ,୧୫।୮: ଦେଶ ୧୯୪୭ ଅଗଷ୍ଟ ୧୫ରେ ସ୍ବାଧୀନ ହୋଇଥିଲା। ଇତିମଧ୍ୟରେ ୭୩ ବର୍ଷ ବିତି ଯାଇଛି। ଏହି ସମୟ ମଧ୍ୟରେ ଦେଶର ଜନସଂଖ୍ୟା ବଢ଼ି ୧୩୦...

ଆରମ୍ଭ ହେଲା ଏମ୍‌ପିସି ବୈଠକ;ରେପୋ ହାର ହ୍ରାସ ଆଶାରେ ଶିଳ୍ପ ଜଗତ

ନୂଆଦିଲ୍ଲୀ,୬-୮: ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ( ଆର୍‌ବିଆଇ) ଗଭର୍ନର ଶକ୍ତିକାନ୍ତ ଦାସଙ୍କ ଅଧ୍ୟକ୍ଷତାରେ ମୁଦ୍ରା ନୀତି କମିଟି (ଏମ୍‌ପିସି) ବୈଠକ ସୋମବାରଠାରୁ ଆରମ୍ଭ ହୋଇଛି। ଏହା...

ଭାଇ ଅନିଲଙ୍କ କମ୍ପାନୀ ଉପରେ ଥିଲା ମୁକେଶ ଅମ୍ବାନୀଙ୍କ ନଜର: ଏବେ କିଣିବା ପ୍ଲାନ୍‌କୁ ମିଳିଲା ମଞ୍ଜୁରୀ

ନୂଆଦିଲ୍ଲୀ,୫।୧୨: ମୁକେଶ ଅମ୍ବାନୀଙ୍କ ଟେଲିକମ୍‌ କମ୍ପାନୀ ରିଲାଏନ୍ସ ଜିଓ ଅନୀଲ ଅମ୍ବାନୀଙ୍କ ଇନ୍‌ଫ୍ରାଟେଲର ସମ୍ପତ୍ତିକୁ ଅଧିଗ୍ରହଣ କରିବାକୁ ଯାଉଛି। ଏଥିପାଇଁ ଜିଓକୁ ରାଷ୍ଟ୍ରୀୟ କମ୍ପାନୀ ବିଧି...

ଫ୍ଲାଇଂ ଟ୍ୟାକ୍ସି ବ୍ୟବସାୟ କରିବ ଏୟାରଏସିଆ

ନୂଆଦିଲ୍ଲୀ : ମ୍ୟାଲେସିଆର ଏୟାରଲାଇନ୍ସ ଏୟାରଏସିଆ ଗ୍ରୁପ୍‌ ବିଏଚ୍‌ଡି ଆସନ୍ତା ବର୍ଷ ଫ୍ଲାଇଂ ଟ୍ୟାକ୍ସି ବ୍ୟବସାୟ ଆରମ୍ଭ କରିବାକୁ ଆଗ୍ରହ ପ୍ରକାଶ କରିଛି। କମ୍ପାନୀର ମୁଖ୍ୟ...

୬୮,୮୨୫ କୋଟି ଋଣ କରିବେ ରାଜ୍ୟ

ନୂଆଦିଲ୍ଲୀ: ଜିଏସ୍‌ଟି ରାଜସ୍ବ ହ୍ରାସକୁ ଭରଣା କରିବା ଲାଗି ଓଡ଼ିଶା ସମେତ ମୋଟ ୨୦ଟି ରାଜ୍ୟ ବଜାରରୁ ଋଣ କରିବେ। ଏହି ରାଜ୍ୟଗୁଡିକ ମୋଟ ୬୮,୮୨୫...

ଷ୍ଟକ୍‌ ମାର୍କେଟକୁ ଆସିବ ଏଲ୍‌ଆଇସି

ନୂଆଦିଲ୍ଲୀ,୩୦-୭: ମୋଦି ସରକାର ଦେଶର ସର୍ବବୃହତ ଜୀବନ ବୀମା କମ୍ପାନୀ(ଏଲ୍‌ଆଇସି)କୁ ଷ୍ଟକ୍‌ ମାର୍କେଟରେ ତାଲିକାଭୁକ୍ତ କରିବାକୁ ଯୋଜନା କରୁଛନ୍ତି। ଚଳିତ ଆର୍ଥିକ ବର୍ଷରେ ପୁଞ୍ଜିପ୍ରତ୍ୟାହାରରୁ ଅଧିକ...

ହୋଣ୍ଡା ଟୁହ୍ବିଲର୍ସ ପକ୍ଷରୁ ଶିଶୁଦିବସ ପାଳନ

ଭୁବନେଶ୍ୱର,୧୭-୧୧: ହୋଣ୍ଡା ଟୁହ୍ବିଲର୍ସ ଲିମିଟେଡ ପକ୍ଷରୁ ସାରା ଦେଶରେ ୧୪ ଟ୍ରାଫିକ ଟ୍ରେନିଂ ପାର୍କରେ ଶିଶୁ ଦିବସ ପାଳନ କରାଯାଇଛି। ଭାରତୀୟ ସଡକକୁ ସୁରକ୍ଷିତ କରିବା...

ଆଉ ୯୦ ଟ୍ରେନ୍‌ ବାତିଲ୍‌

ନୂଆଦିଲ୍ଲୀ,୨୧-୩: ଶୁକ୍ରବାର ରେଲଓ୍ବେ ଆଉ ୯୦ ଟ୍ରେନ ବାତିଲ କରିଛି। ଏଗୁଡିକ ମାର୍ଚ୍ଚ ୨୦ରୁ ୩୧ ଯାଏ ଚଳାଚଳ କରିବ ନାହିଁ। କରୋନା ପ୍ରଭାବରୁ ଯାତ୍ରୀ...

Advertisement


Archives

Model This Week

Why Dharitri