ନୂଆଦିଲ୍ଲୀ: କରୋନା ମହାମାରୀ ଦ୍ୱାରା ସାରା ବିଶ୍ୱର ଅର୍ଥ ବ୍ୟବସ୍ଥା ବର୍ତ୍ତମାନ ପ୍ରଭାବିତ ହୋଇ ରହିଛି। ଭାରତୀୟ ଅର୍ଥ ବ୍ୟବସ୍ଥା ମଧ୍ୟ ଏହା ଦ୍ୱାରା କବଳିତ ହୋଇ ରହିଛି। ଚଳିତ ଆର୍ଥତ୍କ ବର୍ଷରେ ଭାରତର ମୋଟ ଘରୋଇ ଉତ୍ପାଦ(ଜିଡିପି) ୨୩.୯% ହ୍ରାସ ହୋଇଥିଲା। ସେହିଭଳି ଦ୍ୱିତୀୟ ତ୍ରୈମାସରେ ଏଥିରେ ୭.୫% ହ୍ରାସ ହୋଇଛି। ଏଭଳି ସ୍ଥିତିରେ ଭାରତୀୟ ଅର୍ଥ ବ୍ୟବସ୍ଥାକୁ ନେଇ ଅନ୍ତର୍ଜାତୀୟ ମୁଦ୍ରା ପାଣ୍ଠି(ଆଇଏମ୍ଏଫ୍ ) ବେଶ ଆଶାବାଦି ରହିଛି। ଭାରତର ଆର୍ଥତ୍କ ସୁଧାର ପ୍ରକ୍ରିୟା ଆଶାଠାରୁ ଅଧିକ ବୋଲି ଏହି ଅନ୍ତର୍ଜାତୀୟ ଏଜେନ୍ସି ଗୁରୁବାର ପ୍ରକାଶ କରିଛି। ଏହା କହିଛି ଯେ, ଭାରତର ଅର୍ଥ ବ୍ୟବସ୍ଥା ଦ୍ରୁତ ଗତିରେ ଟ୍ରାକ୍କୁ ଫେରୁଛି। ୨୦୨୦-୨୧ରେ ଘରୋଇ ବଜାରର ଜିଡିପି ୮% ଖସିବ ବୋଲି ଏହା ମତ ରଖିଛି। ପୂର୍ବରୁ ଏହି ଏଜେନ୍ସି କହିଥିଲା ଯେ, ଦେଶର ଜିଡିପି ୯% ଖସିବ। ବର୍ତ୍ତମାନ ଏହା ଜିଡିପି ଅନୁମାନରେ ସାମାନ୍ୟ ପରିବର୍ତ୍ତନ କରିଛି। ଜିଡିପି ଟ୍ରାକ୍କୁ ଫେରୁ ଥିବାରୁ ଅନ୍ୟ ଅନ୍ତର୍ଜାତୀୟ ଏଜେନ୍ସିଗୁଡିକ ମଧ୍ୟ ଆକଳନରେ ପରିବର୍ତ୍ତନ କରୁଥିବା ଦେଖାଯାଉଛି। ୨୦୨୧-୨୨ରେ ଭାରତ ୮% ଅଭିବୃଦ୍ଧି ହାସଲ କରିବ ବୋଲି ଏହି ଏଜେନ୍ସି ଏହାର ଏସିଆନ ଡେଭଲପମେଣ୍ଟ ଆଉଟଲୁକ ରିପୋର୍ଟରେ ପ୍ରକାଶ କରିଛି।
