ନୂଆଦିଲ୍ଲୀ,୧୭।୧୦: ଦେଶରେ କରୋନା ମହାମାରୀ ସଂକ୍ରମଣ ଜାରି ରହିଛି। ଆସନ୍ତା ସପ୍ତାହରେ କରୋନା ମହାମାରୀ ବିରୋଧରେ ଟିକାକରଣ ଅଭିଯାନରେ ଭାରତ ଇତିହାସ ରଚିବା ସହିତ ୧୦୦ କୋଟି ଲୋକଙ୍କୁ ଟିକାକରଣ ଲକ୍ଷ୍ୟ ପୂରଣ କରିବାକୁ ଯାଉଛି। ଭାରତ ୧୦ ମାସରେ ଏହି ଲକ୍ଷ୍ୟ ପୂରଣ କରିବାକୁ ଯାଉଛି। ବର୍ତ୍ତମାନ ସୁଦ୍ଧା ଦେଶରେ ୯୭ କୋଟି ୬୫ ଲକ୍ଷ ୮୯ ହଜାର ୫୪୦ ଜଣଙ୍କୁ ଟିକାଦାନ ସରିଛି।
ସେଥିମଧ୍ୟରେ ୬୯ କୋଟି ୫୦ଲକ୍ଷରୁ ଅଧିକଙ୍କୁ ପ୍ରଥମ ଡୋଜ୍ ଟିକା ପ୍ରଦାନ କରାଯାଇଛି। ସେହିପରି ୨୮ କୋଟି ୧୯ ଲକ୍ଷରୁ ଅଧିକଙ୍କୁ ଦ୍ୱିତୀୟ ଡୋଜ ଦିଆ ସରିିଛି। ଭାରତରେ ୧୮ ବର୍ଷରୁ ଅଧିକ ବୟସ୍କଙ୍କ ମଧ୍ୟରେ ୯୪ ଲକ୍ଷାୁ ଅଧିକଙ୍କୁ ଟିକାଦାନ କରାଯାଇଛି। ଏପର୍ଯ୍ୟନ୍ତ ପ୍ରାୟ ୭୦ ପ୍ରତିଶତ ଲୋକଙ୍କୁ ଟିକାର ପ୍ରଥମ ଏବଂ ପ୍ରାୟ ୩୦ ପ୍ରତିଶତ ଲୋକଙ୍କୁ ଉଭୟ ଡୋଜ୍ ଦିଆଯାଇଛି।
୧୭ ସେପ୍ଟେମ୍ବରରେ ଗୋଟିଏ ଦିନରେ ଅଢ଼େଇ କୋଟି ଲୋକଙ୍କୁ ଡୋଜ୍ ଦିଆଯାଇଥିଲା। ଟିକା ବିକଶିତ କରିବାକୁ ବର୍ଷ ବର୍ଷ ଲାଗିଥିଲା। ପ୍ରକୃତ ପକ୍ଷେ ଏକ ଟିକା ବିକଶିତ କରିବାକୁ ସାଧାରଣତଃ ୫ ରୁ ୧୦ ବର୍ଷ ସମୟ ଲାଗିଥାଏ। କିନ୍ତୁ, ଭାରତ ଏହି ଲକ୍ଷ୍ୟ କମ୍ ସମୟ ମଧ୍ୟରେ ପୂରଣ କରିପାରିଛି।
ସୂଚନାଯୋଗ୍ୟ, ଦେଶରେ ଚଳିତ ବର୍ଷ ୧୬ ଜାନୁଆରୀରୁ ସାର୍ବଜନୀକ ଟିକାକରଣ ଅଭିଯାନ ଆରମ୍ଭ ହୋଇଥିଲା।
