ଚଣ୍ଡିଗଡ଼, ୧୬।୮ : ଶ୍ରୀ ଅକାଳ ତଖତ୍ ସାହେବ ଜାଠେଦାର ଜ୍ଞାନୀ ହରପ୍ରୀତ ସିଂ କହିଛନ୍ତି ଯେ ଦେଶ ବିଭାଜନ ସମୟରେ ପ୍ରାଣ ହରାଇଥିବା ଏବଂ ବିସ୍ଥାପନର ଯନ୍ତ୍ରଣା ଭୋଗୁଥିବା ଲକ୍ଷ ଲକ୍ଷ ଲୋକଙ୍କ ପାଇଁ ଭାରତ ଏବଂ ପାକିସ୍ତାନ ସରକାର ନିଜ ନିଜ ସଂସଦରେ ଶୋକ ପ୍ରସ୍ତାବ ପାରିତ କରନ୍ତୁ। ୧୯୪୭ରେ ଭାରତ-ପାକିସ୍ତାନ ବିଭାଜନ ସମୟରେ ମୃତ୍ୟୁ ଘଟିଥିବା ପଞ୍ଜାବୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ପାଇଁ ମଙ୍ଗଳବାର ଶ୍ରୀ ଅକାଳ ତଖତ୍ ସାହିବରେ ଏକ ସ୍ବତନ୍ତ୍ର ଆରଦାସ ସମାଗମ (ପ୍ରାର୍ଥନା ମଣ୍ଡଳୀ) ଆୟୋଜିତ ହୋଇଥିଲା।
ଅକାଳ ତଖତ୍ ସାହିବର ଜାଠେଦାର ଆରଦାସ ସମାଗମକୁ ସମ୍ବୋଧିତ କରି କହିଛନ୍ତି ଯେ ସ୍ବାଧୀନତାର ୭୫ ତମ ବାର୍ଷିକୀ ପାଳନ କରୁଥିବାବେଳେ ଉଭୟ ଦେଶର ସରକାର ଦେଶ ବିଭାଜନ ମୃତକଙ୍କୁ ସ୍ମରଣ କରିବା ଉଚିତ। ଯେଉଁମାନେ ବିସ୍ଥାପନର ଯନ୍ତ୍ରଣା ଭୋଗିଛନ୍ତି କିନ୍ତୁ ସରକାର ଏହାକୁ ଗୁରୁତ୍ୱପୂର୍ଣ୍ଣ ମନେ କରୁନାହାଁନ୍ତି।
ସେ କହିଛନ୍ତି ୧୯୪୭ ପୂର୍ବରୁ ଜନ୍ମ ହୋଇଥିବା ଲୋକଙ୍କୁ ଖୋଲା ହୃଦୟରେ ଭିଜା ଦିଆଯିବା ଉଚିତ ଯାହା ଦ୍ୱାରା ସେମାନେ ସହଜରେ ସେମାନଙ୍କର ଜନ୍ମସ୍ଥାନ, ପୈତୃକ ତଥା ଧାର୍ମିକ ସ୍ଥାନ ପରିଦର୍ଶନ କରିପାରିବେ। ୧୯୪୭ରେ ଦେଶ ବିଭାଜନରେ ଏବଂ ପରେ ପଞ୍ଜାବୀମାନେ ସର୍ବାଧିକ କ୍ଷତିଗ୍ରସ୍ତ ହୋଇଥିଲେ। ସେହିପରୀ ବଙ୍ଗୀୟମାନେ ମଧ୍ୟ କ୍ଷତି ସହିଥିଲେ । ପଞ୍ଜାବ ଏବଂ ବଙ୍ଗଳା ଦୁଇ ରାଜ୍ୟର ଲୋକମାନେ ବ୍ରିଟିଶମାନଙ୍କ ବିରୁଦ୍ଧରେ ଅଧିକ ଲଢ଼ିିଥିଲେ। ତେଣୁ ସେମାନଙ୍କ ରାଜ୍ୟକୁ ଭୟଙ୍କର ଭାବରେ ବିଭାଜନ କରି ଦଣ୍ଡିତ କରାଯାଇଥିଲା। ଉଭୟ ପଞ୍ଜାବ ଏବଂ ବଙ୍ଗଳାର ସମ୍ପତ୍ତି ବିଭାଜିତ ହୋଇଥିଲା। ବ୍ରିଟିଶମାନଙ୍କ ବିରୋଧରେ ସଂଗ୍ରାମରେ ଅଧିକାଂଶ ବଳିଦାନ ହେଉଛି ପଞ୍ଜାବୀ, ଶିଖ ଏବଂ ବଙ୍ଗୀୟମାନଙ୍କର ବୋଲି ସେ କହିଛନ୍ତି।
ଏହି ଯନ୍ତ୍ରଣା ପଞ୍ଜାବୀଙ୍କ ମନରେ ଜୀବନ୍ତ ଅଛି ଏବଂ ଯେତେବେଳେ ସେମାନେ ସେମାନଙ୍କର ଜନ୍ମସ୍ଥାନ ଦେଖିବାକୁ ଚାହାଁନ୍ତି। ଯେପରି ମୁସଲମାନମାନଙ୍କୁ ହଜ ଯିବା ବନ୍ଦ କରିବା, ହିନ୍ଦୁମାନଙ୍କୁ ଶ୍ରୀ କାଟାସ ରାଜ ମନ୍ଦିରକୁ ଯିବାକୁ ବାରଣ କରିବା ଅପରାଧ, ସେହିପରି ଶିଖମାନଙ୍କୁ ପାକିସ୍ତାନରେ ଥିବା ଶ୍ରୀ ନାନକ ସାହିବ ଏବଂ ଅନ୍ୟ ଶିଖ ଧର୍ମସ୍ଥଳକୁ ଯିବା ବନ୍ଦ କରିବା ଅପରାଧ ଅଟେ।
ଉଭୟ ଦେଶର ସରକାର ଏହି ପ୍ରସଙ୍ଗରେ ଆଲୋଚନା କରିବା ଉଚିତ ଏବଂ ସମସ୍ତ ଧର୍ମର ଲୋକଙ୍କୁ ସେମାନଙ୍କର ଧାର୍ମିକ ସ୍ଥାନ ପରିଦର୍ଶନ ପାଇଁ ଭିଜା ପ୍ରଦାନ କରିବା ପାଇଁ ଖୋଲା ହୃଦୟରେ କାର୍ଯ୍ୟ କରିବା ଉଚିତ ବୋଲି ସେ କହିଛନ୍ତି। ସେ ପଞ୍ଜାବରେ ଚାଲିଥିବା ପରିସ୍ଥିତିକୁ ନେଇ ଉଦବେଗ ପ୍ରକାଶ କରିଛନ୍ତି। ସେ କହିଛନ୍ତି ଯେ ବର୍ତ୍ତମାନ ପଞ୍ଜାବର ପରିସ୍ଥିତି ଅତ୍ୟନ୍ତ ଚିନ୍ତାଜନକ।
ନିଶା ସେବନ ତଥା ପ୍ରକୃତି ପ୍ରତି ଅବହେଳା ହେତୁ ପରିବେଶ ସଙ୍କଟ ଭଳି ଅମାନବୀୟ ଘଟଣା ପଞ୍ଜାବକୁ ଧ୍ୱଂସ ଆଡକୁ ନେଇଯାଉଛିନ୍ ପଞ୍ଜାବର ଯୁବପିଢ଼ିଙ୍କୁ ଡ୍ରଗ୍ସ ଏବଂ ପରିବେଶ ସଙ୍କଟରୁ ରକ୍ଷା କରିବା ପାଇଁ ଏକତ୍ର ହେବାକୁ ସେ ଆହ୍ବାନ ଦେଇଛନ୍ତି। ସମ୍ପ୍ରତି ବାୟୁ, ଜଳ ଏବଂ ସ୍ଥଳ ବିଷାକ୍ତ ହୋଇପଡିଛି। ଏହାକୁ ସୁରକ୍ଷିତ ରଖିବା ସମସ୍ତଙ୍କର କର୍ତ୍ତବ୍ୟ ଏବଂ ଧାର୍ମିକ ବିରୋଧୀ ତଥା ସାମାଜିକ ବିରୋଧୀ ଘଟଣା ଠିକ ନୁହେଁ ବୋଲି ସେ କହିଛନ୍ତି।
