ମେହବୁବନଗର,୨୯।୧୦ : ଭାରତ ଯୋଡୋ ଯାତ୍ରାରେ ତେଲେଙ୍ଗାନାରେ ମେହବୁବନଗରଠାରେ ଏକ ରାଲିରେ କଂଗ୍ରେସ ପକ୍ଷରୁ ରାହୁଲ ଗାନ୍ଧୀ କହିଛନ୍ତି ଯେ, ଦେଶରେ ଥିବା ଧନୀକଙ୍କ ସଂଖ୍ୟା ପୃଥିବୀରେ ସର୍ବାଧିକ। ତେବେ ବି ବେରୋଜଗାରୀଙ୍କ ସଂଖ୍ୟା ଦେଶରେ ବଢିବାରେ ଲାଗିଛି। ଏହା ପୃଥିବୀରେ ଅନ୍ୟ ତୁଳନାରେ ସର୍ବାଧିକ ରହିଛି। ଯଦି ତେଲେଙ୍ଗାନାରେ କଂଗ୍ରେସ ସରକାର ଗଠନ ହେବ ତେବେ ହସ୍ତତନ୍ତ ବୁଣାକାର ଯେଉଁ ଜିଏସଟି ଦେଇଛନ୍ତି ତାହା ସେମାନଙ୍କୁ ଫେରାଇ ଦିଆଯିବ।
କେନ୍ଦ୍ର ସରକାରଙ୍କ ଅପାରଗତା ଯୋଗୁ ଏବେ ଦେଶରେ ବେରୋଜଗାରୀ ୩୫ ବର୍ଷ ମଧ୍ୟରେ ସର୍ବୋଚ୍ଚସ୍ତରରେ ପହଞ୍ଚିଛି। ରାଜ୍ୟରେ ମୁଖ୍ୟମନ୍ତ୍ରୀ ଚନ୍ଦ୍ରଶେଖର ରାଓଙ୍କ ସରକାର ଅଛନ୍ତି। କେନ୍ଦ୍ରର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ତାଙ୍କୁ ସମର୍ଥନ କରୁଛନ୍ତି। ଉଭୟ ରାଜ୍ୟ ଏବଂ କେନ୍ଦ୍ରର ଶାସକ ଦଳ ବେପାରୀ ଭଳି କାର୍ଯ୍ୟ କରୁ୍ଛନ୍ତି। ଉଭୟ ସରକାରରେ ସାଧାରଣ ଲୋକଙ୍କ ସ୍ବାର୍ଥକୁ ଉପେକ୍ଷା କରାଯାଉଥିବା ରାହୁଲ ଅଭିଯୋଗ କରିଛନ୍ତି।
