ଭିକ୍ଟୋରିଆ(ଅଷ୍ଟ୍ରେଲିଆ),୨୫ା୧୦: ଅଷ୍ଟ୍ରେଲିଆନ ପାରା ବ୍ୟାଡ୍ମିଣ୍ଟନ ଇଣ୍ଟରନ୍ୟାଶନାଲ ୨୦୨୫ରେ ଭାରତ ଆଧିପତ୍ୟ ବିସ୍ତାର କରି ପଦକ ତାଲିକାରେ ଶୀର୍ଷ ସ୍ଥାନ ସହ ଏହାର ଅଭିଯାନ ଶେଷ କରିଛି।
ଏଥିରେ ପାରାଲିମ୍ପିକ ଚାମ୍ପିୟନ ପ୍ରମୋଦ ଭଗତ ଦୁଇ ସ୍ବର୍ଣ୍ଣ ପଦକ ହାସଲ କରିଥିବା ବେଳେ ସୁକାନ୍ତ କଦମ ଗୋଟିଏ ସ୍ବର୍ଣ୍ଣ ଏବଂ ଗୋଟିଏ ରୌପ୍ୟ ଜିତିଥିଲେ। ଭଗତ ଫାଇନାଲରେ ନିଜ ଦେଶର ମନୋଜ ସରକାରଙ୍କୁ ୨୧-୧୫, ୨୧-୧୭ରେ ପରାସ୍ତ କରି ପୁରୁଷ ସିଙ୍ଗଲ୍ସ ଏସ୍ଏଲ୍୩ ଟାଇଟଲ ଜିତିଥିଲେ।
ସେ କଦମଙ୍କୁ ସାଥୀ କରି ଭାରତୀୟ ଯୋଡ଼ି ଉମେଶ ବିକ୍ରମ କୁମାର ଓ ସୂର୍ଯ୍ୟକାନ୍ତ ଯାଦବଙ୍କୁ ୨୧-୧୧, ୧୯-୨୧, ୨୧-୧୮ରେ ହରାଇ ପୁରୁଷ ଡବଲ୍ସ ଏସ୍ଏଲ୍୩-ଏସ୍ଏଲ୍୪ ଚାମ୍ପିୟନ ହୋଇଥିଲେ। କଦମ ପୁରୁଷ ସିଙ୍ଗଲ୍ସ ଏସ୍ଏଲ୪ କାଟେଗୋରୀରେ ରୌପ୍ୟ ଜିତିଥିଲେ। ଲଢୁଆ ପ୍ରଦର୍ଶନ ସତ୍ତ୍ୱେ ସେ ସୂର୍ଯ୍ୟକାନ୍ତଙ୍କଠାରୁ ୨୧-୧୩, ୨୧-୧୪, ୧୯-୨୧ରେ ହରାଇ ଦେଇଥିଲେ।
