ନୂଆଦିଲ୍ଲୀ,୧୬।୧: ମହାକାଶରେ ନୂଆ କୀର୍ତ୍ତିମାନ ରଚିଛି ଭାରତ। ଇସ୍ରୋର ସ୍ପେଡେକ୍ସ ମିଶନ ଐତିହାସିକ ଡକିଂରେ ସଫଳତା ହାସଲ କରିଛି। ପ୍ରଥମ ଥର ଲାଗି ଇସ୍ରୋ ଦୁଇଟି ଉପଗ୍ରହକୁ ପୃଥିବୀର କକ୍ଷପଥରେ ସଫଳତାର ସହ ସ୍ଥାପନ କରିଛି। ଏଥିସହ ଭାରତ ଏହି ସଫଳତା ହାସଲ କରିବାରେ ଆମେରିକା, ରୁଷିଆ ଏବଂ ଚାଇନା ପରେ ଚତୁର୍ଥ ଦେଶ ହୋଇଛି। ଏହା ଭାରତ ପାଇଁ ବାସ୍ତବରେ ଏକ ଗର୍ବର ମୁହୂର୍ତ୍ତ। ଏହାର ପରୀକ୍ଷଣ ଜାନୁଆରୀ ୧୨ ତାରିଖରେ ସମାପ୍ତ ହୋଇଥିଲା।
ଏହି ଐତିହାସିକ ସଫଳତା ପାଇଁ ଇସ୍ରୋ ଏହାର ସମଗ୍ର ଟିମ୍କୁ ଅଭିନନ୍ଦନ ଜଣାଇଛି। ଏଜେନ୍ସି କହିଛି ଯେ SpadeX ମିଶନର ଡକିଂ ପ୍ରକ୍ରିୟା ସଫଳତାର ସହ ସମାପ୍ତ ହୋଇଛି। ଏହା ଏକ ଐତିହାସିକ ମୁହୂର୍ତ୍ତ। ୧୫ ମିଟରରୁ ୩ ମିଟର ହୋଲ୍ଡ ପଏଣ୍ଟକୁ ଆଣିବାର ପ୍ରକ୍ରିୟା ସମାପ୍ତ ହୋଇଛି। ମହାକାଶଯାନଟି ସଫଳତାର ସହ ଧରାପଡ଼ିଥିଲା। ମହାକାଶରେ ସଫଳ ଡକିଂ ହାସଲ କରିବାରେ ଭାରତ ଚତୁର୍ଥ ଦେଶ ହୋଇଛି।
SpaDeX Docking Update:
🌟Docking Success
Spacecraft docking successfully completed! A historic moment.
Let’s walk through the SpaDeX docking process:
Manoeuvre from 15m to 3m hold point completed. Docking initiated with precision, leading to successful spacecraft capture.…
— ISRO (@isro) January 16, 2025
ରବିବାର ଜାନୁଆରୀ ୧୨ରେ ସ୍ପାଡେକ୍ସ ଉପଗ୍ରହ, ଚେଜର୍ ଏବଂ ଟାର୍ଗେଟ ପରସ୍ପରର ବହୁତ ନିକଟତର ହୋଇଥିଲେ। ଉଭୟ ଉପଗ୍ରହକୁ ପ୍ରଥମେ ୧୫ ମିଟର ଏବଂ ପରେ ୩ ମିଟର ପାଖକୁ ଅଣାଯାଇଥିଲା। ଏହାର ଗୋଟିଏ ଦିନ ପୂର୍ବରୁ, ଶନିବାର, ସ୍ପେସ ଡକିଂ ପରୀକ୍ଷଣ (ସ୍ପାଡେକ୍ସ) ମିଶନରେ ସାମିଲ ଦୁଇଟି ଉପଗ୍ରହ ମଧ୍ୟରେ ଦୂରତା ୨୩୦ ମିଟର ଥିଲା। ପୂର୍ବରୁ ଏହି ମିଶନକୁ ଦୁଇରୁ ତିନିଥର ସ୍ଥଗିତ କରାଯାଇଥିଲା।
ଇସ୍ରୋ ଡିସେମ୍ବର ୩୦ ତାରିଖରେ ଏହି ମିଶନ ଆରମ୍ଭ କରିଥିଲା। ସ୍ପେସ ଡକିଂ ପରୀକ୍ଷଣ ମିଶନର ଲକ୍ଷ୍ୟ ହେଉଛି ମହାକାଶରେ ଡକିଂ ପ୍ରଯୁକ୍ତିବିଦ୍ୟା ପ୍ରଦର୍ଶନ କରିବା, ଯାହା ଭାରତର ଭବିଷ୍ୟତର ମହାକାଶ ପ୍ରୟାସ ପାଇଁ ଗୁରୁତ୍ୱପୂର୍ଣ୍ଣ। ଏବେ ଏହି ମିଶନ ମହାକାଶ ଷ୍ଟେଶନ ଏବଂ ଚନ୍ଦ୍ରାୟଣ-୪ର ସଫଳତା ନିର୍ଣ୍ଣୟ କରିବ। ଡିସେମ୍ବର ୩୦ ତାରିଖରେ ଆନ୍ଧ୍ରପ୍ରଦେଶର ଶ୍ରୀହରିକୋଟାର ସତୀଶ ଧାୱନ ମହାକାଶ କେନ୍ଦ୍ରରୁ PSLV-C୬୦ ରକେଟ ସାହାଯ୍ୟରେ ISRO ଏହି ମିଶନକୁ ସଫଳତାର ସହ ଉତ୍କ୍ଷେପଣ କରିଥିଲା।
