ନୂଆଦିଲ୍ଲୀ,୨୭।୧୦: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରୁଷରୁ ତେଲ କିଣିବା ପାଇଁ ଭାରତ ଉପରେ ୫୦ ପ୍ରତିଶତ ଶୁଳ୍କ ଲାଗୁ କରିଥିଲେ। ଏହି ନିଷ୍ପତ୍ତି ଭାରତୀୟ ବ୍ୟବସାୟୀଙ୍କ ପାଇଁ ଯଥେଷ୍ଟ କ୍ଷତି କରୁଥିଲା, କିନ୍ତୁ ଏବେ ଟ୍ରମ୍ପ ଏକ ବଡ଼ ଝଟକାର ସମ୍ମୁଖୀନ ହୋଇପାରନ୍ତି। ଚାଇନାକୁ ଭାରତର ରପ୍ତାନି ୨୨ ପ୍ରତିଶତ ବୃଦ୍ଧି ପାଇଛି। ୨୦୨୫-୨୬ ଆର୍ଥିକ ବର୍ଷର ପ୍ରଥମାର୍ଦ୍ଧରେ ଭାରତ ଯଥେଷ୍ଟ ଲାଭ ପାଇଛି।
ଭାରତ ଏବଂ ଚାଇନା ମଧ୍ୟରେ ସମ୍ପ୍ରତି ସମ୍ପର୍କରେ ଉନ୍ନତି ହୋଇଛି। ଭାରତ ପ୍ରତି ଚାଇନାର ମନୋଭାବ ବହୁତ ଆରାମଦାୟକ ହୋଇଛି ଏବଂ ଏହା ବାଣିଜ୍ୟକୁ ଲାଭ ଦେଇଛି। ୨୦୨୫ ଆର୍ଥିକ ବର୍ଷର ପ୍ରଥମାର୍ଦ୍ଧ ତୁଳନାରେ ୨୦୨୫-୨୬ର ପ୍ରଥମାର୍ଦ୍ଧରେ ଚୀନ୍କୁ ଭାରତର ରପ୍ତାନି ପ୍ରାୟ ୨୨% ବୃଦ୍ଧି ପାଇଛି। ଏଥିରେ ଟେଲିଫୋନ ସେଟ, ଚିଙ୍ଗୁଡ଼ି, ଆଲୁମିନିୟମ ଏବଂ କ୍ୟାପ୍ସିକମ ସମେତ ଅନ୍ୟାନ୍ୟ ସାମଗ୍ରୀ ଅନ୍ତର୍ଭୁକ୍ତ।
ଆମେରିକା ଶୁଳ୍କ ଭାରତର ଚିଙ୍ଗୁଡ଼ି ରପ୍ତାନି ଉପରେ ନକାରାତ୍ମକ ପ୍ରଭାବ ପକାଇଥିଲା। ଗ୍ଲୋବାଲ ଡାଟା ଅନୁଯାୟୀ, ଶୁଳ୍କ ଯୋଗୁ ଭାରତରୁ ଆମେରିକାକୁ ବିମାନ କାର୍ଗୋ ରପ୍ତାନି ୧୪ ପ୍ରତିଶତ ହ୍ରାସ ପାଇଛି। ଆନ୍ଧ୍ରପ୍ରଦେଶର ଚିଙ୍ଗୁଡ଼ି ଶିଳ୍ପ ପ୍ରାୟ ୨୫,୦୦୦ କୋଟି ଟଙ୍କାର ବ୍ୟାପକ କ୍ଷତି ସହିବ ବୋଲି ଆକଳନ କରାଯାଇଥିଲା। ଦାବି କରାଯାଇଥିଲା ଯେ, ଶୁଳ୍କ ଯୋଗୁ ୫୦ ପ୍ରତିଶତ ଅର୍ଡର ବାତିଲ କରାଯାଇଛି।
ଭାରତରେ ଚାଇନା ରାଷ୍ଟ୍ରଦୂତ ଶି ଫେଇହୋଙ୍ଗ ଭାରତ-ଚାଇନା ବାଣିଜ୍ୟ ବିଷୟରେ ଏକ ପୋଷ୍ଟ ଶେୟାର କରିଥିଲେ। ରପ୍ତାନି ଉପରେ ଖୁସି ପ୍ରକାଶ କରି ସେ ଲେଖିଛନ୍ତି, ୨୦୨୫-୨୬ ଆର୍ଥିକ ବର୍ଷର ପ୍ରଥମାର୍ଦ୍ଧରେ ଚାଇନାକୁ ଭାରତର ରପ୍ତାନି ୨୨ପ୍ରତିଶତ ବୃଦ୍ଧି ପାଇଛି। ଚାଇନା ପ୍ରିମିୟମ ଭାରତୀୟ ସାମଗ୍ରୀ ପାଇଁ ତା’ର ବଜାର ବିସ୍ତାର କରିବ।
ଆମେରିକାର ରାଷ୍ଟ୍ରପତି ଟ୍ରମ୍ପ ଭାରତ ଏବଂ ଚାଇନା ସମେତ ଅନ୍ୟ ଦେଶମାନଙ୍କ ଉପରେ ଶୁଳ୍କ ଲାଗୁ କରିଥିଲେ। ରୁଷିଆରୁ ତେଲ କିଣିବା ପାଇଁ ଟ୍ରମ୍ପ ଭାରତ ଉପରେ ୫୦ ପ୍ରତିଶତ ଶୁଳ୍କ ଲାଗୁ କରିଥିଲେ। ଚାଇନା ଏବଂ ଆମେରିକା ମଧ୍ୟରେ ଏକ ଶୁଳ୍କ ଯୁଦ୍ଧ ଦୀର୍ଘ ସମୟ ଧରି ଜାରି ରହିଥିଲା।
