ନୂଆଦିଲ୍ଲୀ,୯।୪: ଘରୋଇ ବଜାରରେ କ୍ରମାଗତ ଭାବେ ଇନ୍ଧନ ଚାହିଦା ବୃଦ୍ଧି ଘଟିବା ସହ ନୂତନ ମାଇଲଖୁଣ୍ଟ ହାସଲ କରିଛି। ଏପରି କି ୨୦୨୩-୨୪ ଆର୍ଥିକବର୍ଷ ଶେଷ ସୁଦ୍ଧା ଘରୋଇ ବଜାରରେ ଇନ୍ଧନ ଚାହିଦା ୫% ବୃଦ୍ଧି ପାଇଥିଲାବେଳେ ବ୍ୟବହାରରେ ୦.୬% ବାର୍ଷିକ ଭିତ୍ତିରେ ହ୍ରାସ ଘଟିଛି। ଉଲ୍ଲେଖଯୋଗ୍ୟ, ୨୦୨୪ ମାର୍ଚ୍ଚରେ ଭାରତର ଇନ୍ଧନ ବ୍ୟବହାର ବର୍ଷ ତୁଳନାରେ ୦.୬% ହ୍ରାସ ପାଇଛି। ଅବଶ୍ୟ, ୨୦୨୪ ଆର୍ଥିକ ବର୍ଷର ଇନ୍ଧନ ଚାହିଦା ପ୍ରାୟ ୫% ବୃଦ୍ଧି ପାଇଛି, ମୁଖ୍ୟତଃ ଅଟୋମୋବାଇଲ୍ ଇନ୍ଧନ ଏବଂ ନାଫଥା ଅଧିକ ବିକ୍ରି ହେତୁ ଏହି ଫଳାଫଳ ହାସଲ ହୋଇଛି ବୋଲି ତୈଳ ମନ୍ତ୍ରଣାଳୟର ପେଟ୍ରୋଲିୟମ ଯୋଜନା ଏବଂ ଆନାଲିସିସ୍ ସେଲ୍ (ପିପିଏସି)ର ଡାଟା ବେସରେ ଉଲ୍ଲେଖ କରାଯାଇଛି। ସେହିଭଳି ପିପିଏସିର ପ୍ରାଥମିକ ତଥ୍ୟ ଅନୁଯାୟୀ ତୈଳ ଚାହିଦା ପାଇଁ ପ୍ରକ୍ସି ସମୁଦାୟ ବ୍ୟବହାର ୨୦୨୪ ମାର୍ଚ୍ଚ ଶେଷ ସୁଦ୍ଧା ୨୧.୦୯ନିୟୁତ ମେଟ୍ରିକ୍ ଟନ୍ (ଦୈନିକ ୪.୯୯ମିଲିୟନ୍ ବ୍ୟାରେଲ୍)ରେ ପହଞ୍ଚତ୍ଛି। ଏପରି କି ଗତବର୍ଷ ସମାନ ଅବଧି ମଧ୍ୟରେ ରେକର୍ଡ ହୋଇଥିବା ୨୧.୨୨ ନିୟୁତ ଟନ୍ (୫.୦୨ ଏମ୍ବିପିଡି)ରୁ ଏହା ସାମାନ୍ୟ ହ୍ରାସ ପାଇଛି, ତେବେ ୨୦୨୪ ମାର୍ଚ୍ଚରେ ଶେଷ ହେଉଥିବା ଆର୍ଥିକବର୍ଷ ପାଇଁ ଇନ୍ଧନର ଚାହିଦା ରେକର୍ଡ ସର୍ବାଧିକ ୨୩୩.୨୭୬ ମିଲିୟନ ଟନ୍ (୪.୬୭ ଏମ୍ବିପିଡି) ରେ ପହଞ୍ଚତ୍ଛି; ଯାହା ପୂର୍ବ ବର୍ଷ ୨୨୩.୦୨୧ମିଲିୟନ ଟନ୍ (୪.୪୮ ଏମ୍ବିପିଡି)ଠାରୁ ଅଧିକ ବୋଲି ମନ୍ତ୍ରଣାଳୟ ଡାଟାବେସରେ ଉଲ୍ଲେଖ କରାଯାଇଛି। ମୁଖ୍ୟତଃ ଟ୍ରକ୍ ଏବଂ ବାଣିଜି୍ୟକ ଯାତ୍ରୀବାହୀ ଯାନ ଦ୍ୱାରା ବ୍ୟବହୃତ ଡିଜେଲ ବିକ୍ରି ୨୦୨୪ ମାର୍ଚ୍ଚରେ ୩.୧% ବୃଦ୍ଧି ହୋଇ ୮.୦୪ ମିଲିୟନ ଟନ୍ରେ ପହଞ୍ଚତ୍ଛି ଏବଂ ପୂର୍ବ ଆର୍ଥିକବର୍ଷ ପାଇଁ ଏହା ୪.୪% ବୃଦ୍ଧି ପାଇଛି। ଏହି ସମୟ ମଧ୍ୟରେ ପେଟ୍ରୋଲର ବିକ୍ରି ୬.୯% ବାର୍ଷିକ ବୃଦ୍ଧି ହୋଇ ୩.୩୨ ନିୟୁତ ଟନରେ ପହଞ୍ଚତ୍ଛି ଏବଂ ଆର୍ଥିକବର୍ଷ ପାଇଁ ଏହା ୬.୪% ବୃଦ୍ଧିଘଟିଛି। ସେହିପରି ସଡ଼କ ନିର୍ମାଣ ପାଇଁ ଗୁରୁତ୍ୱପୂର୍ଣ୍ଣ ବିଟୁମେନର ବିକ୍ରୟ ୨୦୨୪ ମାର୍ଚ୍ଚରେ ସ୍ଥିର ରହିଥିଲା କିନ୍ତୁ ଆର୍ଥିକବର୍ଷ ପାଇଁ ଏହା ୯.୯% ବୃଦ୍ଧି ଘଟିଛି। ଅପରପକ୍ଷରେ ରନ୍ଧନ ଗ୍ୟାସ୍ ଭାବେ ବ୍ୟବହୃତ ତରଳ ପେଟ୍ରୋଲିୟମ ଗ୍ୟାସ୍ (ଏଲପିଜି)ର ବିକ୍ରି ୮.୬% ବୃଦ୍ଧି ଘଟି ୨.୬୧ ନିୟୁତ ଟନରେ ପହଞ୍ଚତ୍ଛି ଏବଂ ଗତ ବର୍ଷର ଏହି ସମାନ ସମୟ ମଧ୍ୟରେ ନାଫଥା ବିକ୍ରି ୫.୫% ବୃଦ୍ଧି ଘଟି ପ୍ରାୟ ୧.୧୯ ମିଲିୟନ ଟନରେ ପହଞ୍ଚତ୍ଛି। ବିଶେଷ କରି ଇନ୍ଧନ ତୈଳର ବ୍ୟବହାର ୨୦୨୪ ମାର୍ଚ୍ଚରେ ୯.୭% ବାର୍ଷିକଭିତ୍ତିରେ ହ୍ରାସ ଘଟିଥିଲାବେଳେ ଆର୍ଥିକବର୍ଷ ପାଇଁ ୬.୩% ହ୍ରାସ ପାଇଛି ବୋଲି ମନ୍ତ୍ରଣାଳୟ ପକ୍ଷରୁ ବିସ୍ତୃତ ଭାବେ ସୂଚନା ଦିଆଯାଇଛି।
