ଫୁଲବାଣୀ ଅଫିସ, ୨୦ା୭- ରାଜ୍ୟ ସରକାର ମତ୍ସ୍ୟଜୀବୀମାନଙ୍କୁ ମାଛଚାଷ ଲାଗି ପ୍ରୋତ୍ସାହନ ଦେଉଛନ୍ତି। ଏବେ ମହିଳା ସ୍ବୟଂ ସହାୟିକା ଗୋଷ୍ଠୀ ଯେଭଳି ମାଛ ଚାଷ କରି ଲାଭବାନ୍ ହେବେ ସେ ନେଇ ବି ଯୋଜନା ହୋଇଛି। ଜୀବନ ଜୀବୀକା ମିଶନରେ କନ୍ଧମାଳ ଜିଲାର ବିଭିନ୍ନ ପଞ୍ଚାୟତ ପୋଖରୀରେ ମହିଳା ସ୍ବୟଂ ସହାୟିକା ଗୋଷ୍ଠୀ ମାଛଚାଷ କରି ନିଜର ଉନ୍ନତି ସହ ଜିଲାରେ ମାଛର ଚାହିଦାକୁ ପୂରଣ କରିବା ଲକ୍ଷ୍ୟ ରହିଛି। ହେଲେ ଏ ପର୍ଯ୍ୟନ୍ତ ତାହା ହୋଇନାହିଁ ଅର୍ଥାତ ମାଛ ଉପତ୍ାଦନ ହୋଇନି ା ଜିଲାରେ ମାଛର ଯେତିକି ଚାହିଦା ରହିଛି ତାହାଠୁ କମ୍ ଉପତ୍ାଦନ ହେଉଛି ା ଲୋକେ ଆନ୍ଧ୍ର ମାଛ ଉପରେ ନିର୍ଭର କରୁଛନ୍ତି। ପଡୋଶୀ ବୌଦ୍ଧ ଜିଲାରୁ ବି କିଛି ମାଛ ଆସୁଛି। ଏପଟେ ଜିଲାରେ ମତ୍ସ୍ୟଜୀବୀଙ୍କୁ ତାଲିମ୍ ସହ ପ୍ରୋତ୍ସାହନ ପାଇଁ ପର୍ଯ୍ୟାପ୍ତ ଅର୍ଥ ଖର୍ଚ୍ଚ ହେଉଥିବା ବିଭାଗ ପକ୍ଷରୁ କୁହାଯାଉଛି।
କନ୍ଧମାଳ ଜିଲାର ଫୁଲବାଣୀ, ଫିରିଙ୍ଗିଆ ଓ କ.ନୂଆଗାଁଠାରେ ୩ଟି ମତ୍ସ୍ୟ ଉପତ୍ାଦନ କେନ୍ଦ୍ର ରହିଛି। ଫୁଲବାଣୀଠାରେ ୧ ଏକର ୯ ଡେସିମିଲ ଜମିରେ ଥିବା ଏହି ଉପତ୍ାଦନ କେନ୍ଦ୍ରରେ ପ୍ରତିବର୍ଷ ୨୯୨ କି.ଗ୍ରା. ଗୁଣ୍ଡ ଯାଆଁଳ ଛଡ଼ାଯାଇଥାଏ। ସେଗୁଡିକ ବଡ଼ ହେଲା ପରେ ଫିରିଙ୍ଗିଆର ତଣ୍ଡ୍ରିଗାଁ ଓ କ.ନୂଆଗାଁର ସିର୍ତ୍ତିଗୁଡ଼ାଠାରେ ଥିବା ଯାଆଁଳ ଉପତ୍ାଦନ କେନ୍ଦ୍ରରେ ଛଡ଼ାଯାଏ ା ସେଠାରେ ବିକ୍ରି କରାଯାଇଥାଏ। ଏବେ ସ୍ବୟଂ ସହାୟିକା ଗୋଷ୍ଠୀଙ୍କୁ ପ୍ରାଧାନ୍ୟ ଦିଆଯାଇ ଯାଆଁଳ ଦିଆଯାଉଛି ା ସେମାନେ ଲିଜ୍ ଅବା ସରକାରଙ୍କ ପ୍ରୋତ୍ସାହନ ଅନୁସାରେ ନେଇଥିବା ପଞ୍ଚାୟତ ପୋଖରୀ କିମ୍ବା ବନ୍ଧରେ ଯାଆଁଳ ଛାଡି ଆତ୍ମ ନିର୍ଭରଶୀଳ ହେବେ ା ହେଲେ ସ୍ବୟଂ ସହାୟିକା ଗୋଷ୍ଠୀ ବର୍ତ୍ତମାନ ପର୍ଯ୍ୟନ୍ତ ମାଛ ଉପତ୍ାଦନ କରି ନାହନ୍ତି।
ଅନ୍ୟପକ୍ଷରେ ଫୁଲବାଣୀ ମତ୍ସ୍ୟ ଯାଆଁଳା ଉପତ୍ାଦନ କେନ୍ଦ୍ର ଜରାଜୀର୍ଣ୍ଣ ଅବସ୍ଥାରେ ପଡି ରହିଥିବା ବେଳେ ଫିରିଙ୍ଗିଆରେ ଥିବା ମତ୍ସ୍ୟ ବିଭାଗର ପୋଖରୀଗୁଡ଼ିକ ଶୁଖିଲା ପଡ଼ିଛି। କର୍ମଚାରୀମାନଙ୍କ ପାଇଁ ନିର୍ମିତ କ୍ୱାର୍ଟର୍ସ ମରାମତି ଅଭାବରୁ ଭାଙ୍ଗିରୁଜି ଗଲାଣି। ଜିଲାର ୧୨ ବ୍ଲକରେ ସହକାରୀ ମତ୍ସ୍ୟ ଅଫିସର ପଦବୀଗୁଡିକ ମଧ୍ୟରୁ ୩ଟିରେ କର୍ମଚାରୀ ଥିବା ବେଳେ ୯ଟି ବ୍ଲକରେ ଖାଲିପଡିଛି। ଫୁଲବାଣୀସ୍ଥିତ ମତ୍ସ୍ୟ ବିଭାଗରେ ମତ୍ସ୍ୟ ସହାୟକ ପଦବୀ ଓ ବରିଷ୍ଠ କିରାଣି ପଦବୀ ଦୀର୍ଘଦିନ ହେଲା ଖାଲିପଡିଛି। ଫଳରେ ମତ୍ସ୍ୟଚାଷୀମାନେ କୌଣସି ବିଷୟରେ ଜାଣିବା ପାଇଁ ଆସିଲେ କାହାକୁ ନ ପାଇ ନିରାଶରେ ଫେରୁଛନ୍ତି। ଗତ କିଛିବର୍ଷ ହେଲା ଉପଯୁକ୍ତ ପ୍ରୋତ୍ସାହନ ଓ ଜ୍ଞାନକୌଶଳ ଅଭାବରୁ ମାଛ ଉପତ୍ାଦନ କମିବାରେ ଲାଗିଛି। ଫଳରେ ବ୍ୟବସାୟୀମାନେ ଆନ୍ଧ୍ରରୁ ମାଛ ଆଣି ଚଢ଼ାଦରରେ ବିକ୍ରି କରୁଛନ୍ତି। ଅଭିଯୋଗ କଲେ କେହି ଶୁଣିବାକୁ ନାହିଁ ା ଏ ସମ୍ପର୍କରେ ସହକାରୀ ମତ୍ସ୍ୟ ଅଧିକାରୀ ଜ୍ଞାନରଞ୍ଜନ ସେଠୀଙ୍କ ସହ ଯୋଗାଯୋଗ କରିବାରେ ସେ କହିଛନ୍ତି, ବିଭାଗରେ ଆବଶ୍ୟକ ସଂଖ୍ୟକ କର୍ମଚାରୀ ନାହାନ୍ତି। ଅନୁଦାନ ମଧ୍ୟ କମ୍ ଆସୁଛି। ଏହାବ୍ୟତୀତ ରକ୍ଷଣାବେକ୍ଷଣ ଅଭାବରୁ ପୋଖରୀ ଗୁଡିକରେ ପାଣି ମଧ୍ୟ ରହୁନି। ଫଳରେ ମାଛଚାଷ ବ୍ୟାହତ ହେଉଛି। ଆଗାମୀ ଦିନରେ ସ୍ବୟଂ ସହାୟିକା ଗୋଷ୍ଠୀ ଭଲ ମାଛ ଉପତ୍ାଦନ କରିବେ ବୋଲି ଆଶା ରଖିଛୁ ା କେବଳ ମହିଳା ସ୍ବୟଂ ସହାୟିକା ଗୋଷ୍ଠୀ ନୁହଁନ୍ତି, ଅନ୍ୟମାନେ ମଧ୍ୟ ସରକାରଙ୍କ ମାଛ ଚାଷ ଯୋଜନାରେ ସାମିଲ ହୋଇ ଉପତ୍ାଦନ ବଢ଼ାଇଲେ ଜିଲାର ଚାହିଦା ପୂରଣ ହେବ ବୋଲି ସହକାରୀ ମତ୍ସ୍ୟ ଅଧିକାରୀ ପ୍ରକାଶ କରିଛନ୍ତି।
