ପ୍ରବାସୀ ଶ୍ରମିକ ଏବଂ ସେମାନଙ୍କ ପରିବାରର ସଦସ୍ୟଙ୍କ ଅଧିକାରର ସୁରକ୍ଷା ସମ୍ପର୍କରେ ୧୮ ଡିସେମ୍ବର ୧୯୯୦ରେ ଜାତିିସଂଘର ସାଧାରଣ ସଭାରେ ଏକ ସଂକଳ୍ପ ଗ୍ରହଣ କରାଯାଇଥିଲା।ଜାତିସଂଘର ଇଣ୍ଟରନ୍ୟାସନାଲ ଅର୍ଗାନାଇଜେସନ ଫର ମାଇଗ୍ରେସନ (ଆଇଓଏମ୍) ଏଜେନ୍ସି ମାଧ୍ୟମରେ ଆନ୍ତର୍ଜାତୀୟ ସ୍ଥାନାନ୍ତରଣ ଦିବସ ମାଧ୍ୟମରେ ପ୍ରାୟ ୨୭୨ ନିୟୁତ ପ୍ରବାସୀଙ୍କ ସମସ୍ୟାର ସମାଧାନ ପାଇଁ ସଚେତନତା ସୃଷ୍ଟି ଲାଗି ଆହ୍ବାନ ଦିଆଯାଇଥିଲା। ସେହିପରି ୪୧ ମିଲିୟନରୁ ଅଧିକ ଆଭ୍ୟନ୍ତରୀଣ ବିସ୍ଥାପିତ ଲୋକଙ୍କ ସୁବିଧା ଉପରେ ଗୁରୁତ୍ୱାରୋପ କରାଯାଇଥିଲା। ଏହି ଅବସରରେ ବିଭିନ୍ନ ଦେଶର ପ୍ରାୟ ୫୦୦ରୁ ଅଧିକ କାର୍ଯ୍ୟାଳୟ ଏବଂ ଉପ-କାର୍ଯ୍ୟାଳୟ ତଥା ସରକାରୀ, ଅନ୍ତର୍ଜାତୀୟ ଓ ଘରୋଇ ନାଗରୀକ ସାମାଜିକ ସହଭାଗୀ ସଂସ୍ଥାଙ୍କ ଦ୍ୱାରା ନାନା ପ୍ରକାର କାର୍ଯ୍ୟକ୍ରମ ଆୟୋଜିତ ହୋଇଥାଏ। ପ୍ରବାସୀଙ୍କ କ୍ଷେତ୍ରରେ ସାମାଜିକ ସମନ୍ବୟ, ସମ୍ମାନ, ଶୋଷଣ, ଏକତା ନୀତି ଅନୁଯାୟୀ ମାନବିକ ତଥା ଶୃଙ୍ଖଳିତ ବ୍ୟବସ୍ଥା ଗ୍ରହଣ ଉପରେ ଏସବୁ କାର୍ଯ୍ୟକ୍ରମରେ ଗୁରୁତ୍ୱାରୋପ କରାଯାଇଥାଏ।
ଅନ୍ତର୍ଜାତୀୟ ପ୍ରବାସୀ ଦିବସ ଅବସରରେ ହୋଷ୍ଟ ତଥା ଘରୋଇ ଦେଶର ଅର୍ଥନୀତିରେ ଲକ୍ଷ ଲକ୍ଷ ପ୍ରବାସୀଙ୍କ ଅବଦାନକୁ ଚିହ୍ନିବା ଉପରେ ଗୁରୁତ୍ୱାରୋପ ହୋଇଥାଏ । ଏହା ସହିତ ସେମାନଙ୍କର ମୌଳିକ ମାନବିକ ଅଧିକାରକୁ ସମ୍ମାନ ଦେବା ସହିତ ସମସ୍ୟା ସମସ୍ୟା ସମାଧାନ ଲାଗି ସଚେତନତା ସୃଷ୍ଟି କରାଯାଇଥାଏ।
