ନୂଆଦିଲ୍ଲୀ,୩ା୯: ବିଦେଶରୁ ଆମଦାନୀ ହେଉଥିବା ଖାଇବାତେଲ ଉପରେ ଲାଗୁ ହେଉଥିବା କଷ୍ଟମ ଡ୍ୟୁଟି, କୃଷି ଇନ୍ଫ୍ରା ଓ ଡେଭଲପମେଣ୍ଟ ସେସ୍ର ରିହାତି ଅବଧି ଆଉ ୬ ମାସ ପର୍ଯ୍ୟନ୍ତ ବଢ଼ାଇ ଦିଆଯାଇଛି। ବର୍ତ୍ତମାନ ଖାଇବାତେଲ ଆମଦାନୀ ଉପରେ ୨୦୨୩ ମାର୍ଚ୍ଚ ପର୍ଯ୍ୟନ୍ତ ଏହି ଛାଡ଼ ସୁବିଧା ମିଳିବ। ୨୦୨୧ ଅକ୍ଟୋବରରେ ସରକାର ପ୍ରଥମ ଥର ପାଇଁ ଅଶୋଧିତ ସୋୟାବିନ, ସନ୍ଫ୍ଲାୱାର ଓ ପାମ୍ ଅଏଲ ଆମଦାନୀ ଉପରେ ୨୦୨୨ ମାର୍ଚ୍ଚ ପର୍ଯ୍ୟନ୍ତ କଷ୍ଟମ ଡ୍ୟୁଟି ଓ କୃଷି ଇନ୍ଫ୍ରା ଓ ଡେଭଲପମେଣ୍ଟ ସେସ୍ ଛାଡ଼ ଘୋଷଣା କରିଥିଲେ। ମାର୍ଚ୍ଚରେ ସେପ୍ଟେମ୍ବର ପର୍ଯ୍ୟନ୍ତ ଏହି ସମ୍ପ୍ରସାରଣ କରାଯାଇଥିବା ବେଳେ ସରକାର ଆଉ ୬ ମାସ ବଢ଼ାଇ ଦେଇଛନ୍ତି। ସେହିଭଳି ଗତ ଫେବୃୟାରୀରେ ସରକାର ମସୁର ଆମଦାନୀ ଉପରେ କୃଷି ଇନ୍ଫ୍ରା ଓ ଡେଭଲପମେଣ୍ଟ ସେସ୍ ରିହାତି ଘୋଷଣା କରିଥିଲେ।
