ନୂଆଦିଲ୍ଲୀ,୧୪।୧: ମହାକୁମ୍ଭରେ ହୋଇଛି ମହାସମାବେଶ। ବିଶ୍ୱର ଚାରିଆଡୁ କୋଟିକୋଟି ଶ୍ରଦ୍ଧାଳୁଙ୍କ ପ୍ରୟାଗରାଜରେ ସମାଗମ ହୋଇଛି। ପ୍ରଥମ ଦିନରେ ୧.୬କୋଟିରୁ ଅଧିକ ଭକ୍ତ ଯୋଗ ଦେଇଛନ୍ତି। ଏଥିରେ ବାବା, ନାଗାସାଧୁ ଓ ଅଘୋରୀଙ୍କ ପରି ବହୁ ସାଧୁ ଆସିଛନ୍ତି। ଏଥିରେ ଅନେକ ସାଧୁ ଲାଇମ୍ ଲାଇଟକୁ ମଧ୍ୟ ଆସୁଛନ୍ତି। ଯେପରି ଜଣେ ହେଲେ ହର୍ଷା ରିଚାରିଆ। ଜଣେ ସୁନ୍ଦରୀ ସ୍ବାଧୀ ଏବେ ସବୁଠି ଚର୍ଚ୍ଚାର ବିୟେ ପାଲଟିଛନ୍ତି। ଏହାପରେ ପରେ ଏବେ ଜଣେ ଆଇଆଇଟିଆନ ବାବା ଗଣମାଧ୍ୟମରେ ହେଡଲାଇନରେ ଆସିଛନ୍ତି।
ଅଭୟ ସିଂହ ଓରଫ ମଶାଣି ଗୋରଖ, ଯିଏକି ଆଇଆଇଟିଆନ ବାବା ଭାବରେ ମଧ୍ୟ ଜଣାଶୁଣା। ଚଳିତ ମହାକୁମ୍ଭରେ ପହଞ୍ଚିଛନ୍ତି। ଶାନ୍ତ ହସ, ପ୍ରଫୁଲ୍ଲ ଆଚରଣ ଏବଂ ତାଙ୍କ ଦାମ୍ଭିକ କଥାରେ ସେ ଏବେ ସାରା ଗଣମାଧ୍ୟମର ମନ ମୋହିଛନ୍ତି। ମଶାଣି ଗୋରଖ ଭାରତୀୟ ପ୍ରଯୁକ୍ତିବିଦ୍ୟା ସଂସ୍ଥାନ (IIT) ବମ୍ବେରେ ଏରୋସ୍ପେସ ଇଞ୍ଜିନିୟରିଂ ଅଧ୍ୟୟନ କରିଛନ୍ତି। ତଥାପି, ସେ ପରେ ବିଜ୍ଞାନ ଏବଂ ଅନ୍ତରୀକ୍ଷ ଜଗତ ଛାଡି ନିଜକୁ ବୁଝିବା ଏବଂ ଈଶ୍ୱରଙ୍କୁ ବୁଝିବା ପାଇଁ ଜଣେ ସନ୍ନ୍ୟାସୀ ପାଲଟିଛନ୍ତି।
ଅଭୟ ସିଂହ ତାଙ୍କ ନାମକୁ ମଶାଣି ଗୋରଖରେ ପରିବର୍ତ୍ତନ କରି ଭଗବାନ ଶିବଙ୍କୁ ତାଙ୍କ ଜୀବନ ଉତ୍ସର୍ଗ କରିଛନ୍ତି। ସେ ରାଘବ ଏବଂ ଜଗଦୀଶ ଭଳି ଅନ୍ୟ ନାମରେ ମଧ୍ୟ ଜଣାଶୁଣା। ସେ ହରିୟାଣାର ବାସିନ୍ଦା ଏବଂ IIT ବମ୍ବେରେ ଚାରି ବର୍ଷ ପାଇଁ ଅଧ୍ୟୟନ କରିଥିଲେ। କିନ୍ତୁ ପରେ ଡିଜାଇନରେ ମାଷ୍ଟର ଡିଗ୍ରୀ ହାସଲ କରି ଏବଂ ଫଟୋଗ୍ରାଫିରେ କାମ କରି “କଳା ଆଡକୁ” ତାଙ୍କର କ୍ୟାରିଅର ପରିବର୍ତ୍ତନ କରିଥିଲେ। ସେ ଛାତ୍ରମାନଙ୍କୁ ପଦାର୍ଥ ବିଜ୍ଞାନର ଟ୍ରେନିଂ ମଧ୍ୟ ଦେଇଥିଲେ। IIT ବାବା ଏହା ମଧ୍ୟ ପ୍ରକାଶ କରିଥିଲେ ଯେ, ସେ “ଜୀବନର ଅର୍ଥ ବୁଝିବା” ପାଇଁ philosophy courses Post-Modernism, Socrates and Plato ପଢିଥିଲେ। ଅନେକ କ୍ୟାରିୟରରେ ବିଫଳ ହେବା ପରେ, ସେ ଘରକୁ ଚାଲି ଯାଇଥିଲେ।
“ଏବେ ମୁଁ ବୁଝିପାରୁଛି ଯେ ଏହା ପ୍ରକୃତ ଜ୍ଞାନ। ଯଦି ଆପଣ ମନ କିମ୍ବା ମାନସିକ ସ୍ବାସ୍ଥ୍ୟକୁ ବୁଝିବାକୁ ଚାହାଁନ୍ତି, ତେବେ ଆପଣ ଏହା (ଆଧ୍ୟାତ୍ମିକତା ମାଧ୍ୟମରେ) କରିପାରିବେ। ସେ ଆହୁରି କହିଛନ୍ତି, ଲୋକମାନେ କ’ଣ ଭାବୁଛନ୍ତି ତାହା ନିଶ୍ଚିତ ନୁହେଁ। ତୁମେ ଯାହା ଭାବୁଛ ତା’ ଉପରେ ଗୁରୁତ୍ୱ ଦିଅ।
ତେବେ ଆଇଆଇଟି ବାବାଙ୍କୁ ପଚରାଯାଇଥିଲା କି, ଇଞ୍ଜିନିୟର ଛାତ୍ରଙ୍କ ବହୁତ ପ୍ରେମିକା ଥାଆନ୍ତି? କ’ଣ ସେ ସମୟରେ ଆପଣଙ୍କର ବି ପ୍ରେମିକା ଥିଲେ। ଏହାର ଉତ୍ତରରେ ବାବା କହିଛନ୍ତି, ହଁ ସେତେବେଳେ ମୋର ବହୁତ ପ୍ରେମିକା ଥିଲେ। ସେହି ସମୟରେ ମୁଁ ଗୁଡାଏ ଓଲଟପାଲଟ କାମ କରୁଥିଲି। ଆଉ ଏବେ ଯେତେବେଳେ ସଂସାର ଛାଡି ଦେଇଛି ତେବେ ପ୍ରେମିକା ନ ଥିଲେ ବୋଲି ସଫେଇ ଦେବି ନାହିଁ।
