ପୂଜା କରିବା ସମୟରେ ଠାକୁରଙ୍କ ପାଖେ କର୍ପୂର ଆଳତି କଲେ ପରିବାରରେ ସୁଖଶାନ୍ତି ବୃଦ୍ଧି ହୋଇଥାଏ ବୋଲି ବିଶ୍ୱାସ କରାଯାଏ। ତେବେ ଏହି କର୍ପୂର ଆଳତି ଦ୍ୱାରା ଆଉ କ’ଣ ଶୁଭଫଳ ମିଳିଥାଏ ଆସନ୍ତୁ ଜାଣିବା ସେ ସମ୍ପର୍କରେ…
* ପରିବାର ସଦସ୍ୟଙ୍କ ଭିତରେ ପ୍ରେମ ଭଲ ପାଇବା ବଢାଇବାରେ କର୍ପୂର ଆଳତିର ଭୂମିକା ବେଶ୍ ଗୁରୁତ୍ୱପୂର୍ଣ୍ଣ ରହିଥାଏ। ସକାଳେ ପୂଜା କରିବା ସମୟରେ ହେଉ ଅଥବା ସନ୍ଧ୍ୟା ଦେବା ସମୟରେ ଯଦି କର୍ପୂର ଆଳତି କରି ଘର ସାରା ବୁଲାଯାଏ, ତା’ହେଲେ ଘରେ ଆର୍ଥିକ ଅଭିବୃଦ୍ଧି ହେବା ସହ ପରିବାରରେ ସୁଖଶାନ୍ତି ବୃଦ୍ଧି ପାଇଥାଏ ବୋଲି ବିଶ୍ୱାସ କରାଯାଏ। ଯଦି ଉଭୟ ସକାଳେ ଓ ସନ୍ଧ୍ୟାରେ କର୍ପୂର ଆଳତି କରୁଛନ୍ତି ତା’ହେଲେ ତ ଆହୁରି ଭଲ।
* ବେଳେବେଳେ ଛୋଟମୋଟ କଥାକୁ ନେଇ ସ୍ବାମୀସ୍ତ୍ରୀଙ୍କ ମଧ୍ୟରେ ମତାନ୍ତର ହୋଇଥାଏ। ତେଣୁ ଏଭଳି ସମସ୍ୟାରୁ ମୁକ୍ତି ପାଇବାକୁ ହେଲେ ପ୍ରତିଦିନ ରାତିରେ ଶୋଇବା ପୂର୍ବରୁ ଶୟନ କକ୍ଷରେ କିଛି କର୍ପୂର ଜାଳି ଘରସାରା ବୁଲାଇ ଦେଲେ ସୁଫଳ ମିଳେ ବୋଲି ବିଶ୍ୱାସ ରହିଛି।
* ସେହିପରି ରାତିରେ ଶୋଇବା ପୂର୍ବରୁ କୌଣସି ଏକ ରୂପା ପାତ୍ରରେ କର୍ପୂର ଜାଳି ରୋଷେଇ ଘରେ ଟିକେ ବୁଲାଇ ଦେଲେ ଘରେ କେବେ ବି ଖାଦ୍ୟାଭାବ ଦେଖା ଦେଇ ନଥାଏ। କିନ୍ତୁ ଧ୍ୟାନ ରଖିବେ, ରାତିରେ ଘରେ ସମସ୍ତେ ଖାଇ ସାରିବା ପରେ ରୋଷେଇ ଘରକୁ ଭଲ ଭାବେ ପରିଷ୍କାର କରି ଏହି ଉପାୟଟିକୁ କରିବା ବିଧ୍ୟେୟ।
