ଶ୍ରୀନଗର, ୩।୧୦: ଶ୍ରୀନଗର ମ୍ୟୁନିସିପାଲିଟି କର୍ପୋରେସନର କମିଶନର ତଥା ୟୁପିଏସସି ଟପ୍ପର ଟିନା ଡାବିଙ୍କ ପୂର୍ବତନ ସ୍ବାମୀ ଆଇଏଏସ ଅଥର ଅମିର ଖାନ ଦ୍ୱିତୀୟ ବିବାହ କରିଛନ୍ତି। ଅମିର ଡା. ମେହେରିନ କାଜିଙ୍କୁ ବିବାହ କରିଛନ୍ତି। ସୋସିଆଲ ମିଡିଆରେ ଅଥର ତାଙ୍କ ବିବାହର ଭିଡିଓ ଶେୟାର କରିଛନ୍ତି। ଅଥରଙ୍କୁ ଏକ ଧଳା ଶେରୱାନିରେ ଦେଖାଯାଇଥିବାବେଳେ ମେହେରିନଙ୍କୁ ଲେହେଙ୍ଗାରେ ଦେଖିବାକୁ ମିଳିଥିଲା।
ଉଭୟଙ୍କ ଗତ ଜୁଲାଇ ମାସରେ ନିର୍ବନ୍ଧ ସମ୍ପନ୍ନ ହୋଇଥିଲା। ଅକ୍ଟୋବର ୧ରେ ଦୁହେଁ ବିବାହ କରିଛନ୍ତି। ସୋସିଆଲ ମିଡିଆ ପ୍ଲାଟଫର୍ମରେ ଫଟୋ ଶେୟାର କରିଛନ୍ତି।
ମେହେରିନ କାଜ ରାଜୀବ ଗାନ୍ଧୀ କର୍କଟ ପ୍ରତିଷ୍ଠାନ ଏବଂ ଅନୁସନ୍ଧାନ କେନ୍ଦ୍ରରେ କାର୍ଯ୍ୟ କରୁଛନ୍ତି। ସେ ଫ୍ୟାଶନ ଇଣ୍ଡଷ୍ଟ୍ରିରେ ସକ୍ରିୟ ଅଛନ୍ତି। ଇନଷ୍ଟାଗ୍ରାମରେ ମେହେରିନଙ୍କ ୩.୫ ଲକ୍ଷରୁ ଅଧିକ ଫଲୋଅର୍ସ ଅଛନ୍ତି।
ଅଥର ପୂର୍ବରୁ ୨୦୧୫ ୟୁପିଏସ୍ସି ଟପର ଟିନା ଡାବିଙ୍କୁ ବିବାହ କରିଥିଲେ। ଅଥର ମଧ୍ୟ ସେହି ବର୍ଷ ୟୁପିଏସ୍ସିରେ ଦ୍ୱିତୀୟ ସ୍ଥାନ ହାସଲ କରିଥିଲେ। କିନ୍ତୁ ବିବାହର ବର୍ଷେ ପରେ ଉଭୟଙ୍କ ମଧ୍ୟରେ ଛାଡପତ୍ର ହୋଇଥିଲା। ଗତ କିଛି ଦିନ ତଳେ ଟିନା ଡାବି ଆଇଏଏସ୍ ପ୍ରଦୀପ ଗଓ୍ବାଣ୍ଡେଙ୍କୁ ବିବାହ କରିଥିଲେ।
