ଜୟପୁର,୮।୮ : ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ କହିଛନ୍ତି ସେ ମୁଖ୍ୟମନ୍ତ୍ରୀ ପଦ ଛାଡିବାକୁ ଚାହୁଁଛନ୍ତି। ମୁଁ ଅନେକ ଥର ଭାବୁଛି କିନ୍ତୁ ରାଜ୍ୟ ମୁଖ୍ୟମନ୍ତ୍ରୀ ପଦ ମୋତେ ଛାଡୁନାହିଁ। ସେ କହିଛନ୍ତି ମୁଁ ଗଣମାଧ୍ୟମ ବ୍ୟକ୍ତିବିଶେଷଙ୍କୁ କହିବାକୁ ଚାହେଁ ମୁଁ ଯାହା ବି କହିବି, ମୁଁ ଚିନ୍ତାକରି କହିବି। ରାଜନୀତିରେ ମୁଁ ପ୍ରତ୍ୟେକ ଶବ୍ଦକୁ ଭଲଭାବେ ଯାଞ୍ଚ୍ କରି କହିଥାଏ। ଭାବ ନାହିଁ ମୁଁ କମେଡି କରୁଛି କିନ୍ତୁ ଏହି ପୋଷ୍ଟ ମୋତେ ଛାଡୁନାହିଁ ।
ମୁଁ ଏତେ ବଡ କଥା କହୁଛି, ଏଥିପାଇଁ ମଧ୍ୟ ସାହସ ରହିବା ଆବଶ୍ୟକ । ମୁଁ ହାଇ କମାଣ୍ଡର ନିଷ୍ପତ୍ତି ଗ୍ରହଣ କରେ। ଅଶୋକ ଗେହଲୋଟ ଗତ ୪ ଦିନ ମଧ୍ୟରେ ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ପଦ ଛାଡିବା ବିଷୟରେ କଥା ହୋଇଛନ୍ତି। ଏହାପୂର୍ବରୁ ୩ ଦିନ ପୂର୍ବରୁସେ ସମାନ କଥା କହିଥିଲେ। ସୋମବାର, ମୁଖ୍ୟମନ୍ତ୍ରୀ ରାଜ୍ୟର ୧୯ ଟି ନୂତନ ଜିଲା ଗଠନ କରିଛନ୍ତି। ଏହି ନୂତନ ଜିଲା ଏବଂ ତିନୋଟି ଡିଭିଜନର କାର୍ଯ୍ୟକାରିତା ଆନୁଷ୍ଠାନିକ ଭାବରେ ଆରମ୍ଭ ହୋଇଛି। ଏହା ସହିତ ବର୍ତ୍ତମାନ ରାଜ୍ୟରେ ଜିଲା ସଂଖ୍ୟା ୫୦ ଛୁଇଁଥିବାବେଳେ ଡିଭିଜନ ସଂଖ୍ୟା ୧୦ରେ ପହଞ୍ଚିଛି।
ରାଜସ୍ଥାନରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଏହି ନିଷ୍ପତ୍ତିକୁ ସିଏମ ଗେହଲଟଙ୍କର ମାଷ୍ଟରଷ୍ଟ୍ରୋକ ଭାବରେ ବିବେଚନା କରାଯାଉଛି। ଦୀର୍ଘ ଦିନ ଧରି ଦାବି ହୋଇ ଆସୁଥିବା ସ୍ଥାନଗୁଡିକରେ ସେ ଏହି ନୂତନ ଜିଲା ଗଠନ କରିଛନ୍ତି। ଗେହଲୋଟଙ୍କର ଘନିଷ୍ଠ ସ୍ବାଧୀନ ବିଧାୟକ ବାବୁଲାଲ ନାଗରଙ୍କର ଡୁଡୁ ଏବଂ ରାମକେଶ ମୀନାଙ୍କ ଗଙ୍ଗାପୁର ସିଟି ବିଧାନସଭା ନିର୍ବାଚନମଣ୍ଡଳୀରେ ମଧ୍ୟ ଜିଲା ଗଠନ କରାଯାଇଛି।
