ଟେକ୍ସାସ,୧୦।୯: କଂଗ୍ରେସ ଏମପି ତଥା ଲୋକ ସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ ଆମେରିକା ଗସ୍ତ ସମୟରେ ପୁଣିଥରେ ଭାଜପା ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି। ପ୍ରଧାନମନ୍ତ୍ରୀ ମୋଦିଙ୍କ ସମ୍ପର୍କରେ ସେ ଏକ ବଡ଼ ବିବୃତ୍ତି ଦେଇଛନ୍ତି। ସେ କହିଛନ୍ତି ଯେ ସେ ପିଏମ ମୋଦିଙ୍କୁ ପସନ୍ଦ କରନ୍ତି।
ରାହୁଲ ଗାନ୍ଧୀ କହିଛନ୍ତି, ‘ଭାରତ ହେଉଛି ଭାଷା, ପରମ୍ପରା, ଧର୍ମର ଏକ ମିଳନ। ଯେତେବେଳେ ଭାରତୀୟ ଲୋକମାନେ ସେମାନଙ୍କର ଧାର୍ମିକ ସ୍ଥାନ ପରିଦର୍ଶନ କରନ୍ତି, ସେତେବେଳେ ସେମାନେ ସେମାନଙ୍କର ଦେବତା ସହିତ ବିଲିନ ହୋଇଯାଆନ୍ତି। ଏହା ହେଉଛି ଭାରତର ପ୍ରକୃତି। ଭାଜପା ଏବଂ ଆରଏସଏସର ଭୁଲ ଧାରଣା ହେଉଛି ଯେ ସେମାନେ ଭାବନ୍ତି ଭାରତ ବିଭିନ୍ନ ଜିନିଷର ସମୁହ ଅଟେ। ଆପଣ ଆଶ୍ଚର୍ଯ୍ୟ ହେବେ କିନ୍ତୁ ମୁଁ ମୋଦି ଜୀଙ୍କୁ ପସନ୍ଦ କରେ। ମୁଁ ପ୍ରକୃତରେ ନରେନ୍ଦ୍ର ମୋଦିଙ୍କୁ ଘୃଣା କରେ ନାହିଁ। ମୁଁ ତାଙ୍କ ଦୃଷ୍ଟିକୋଣ ସହିତ ସହମତ ନୁହେଁ, କିନ୍ତୁ ମୁଁ ତାଙ୍କୁ ଘୃଣା କରେ ନାହିଁ । ଅନେକ ସମୟରେ ମୁଁ ତାଙ୍କ ପ୍ରତି ସମବେଦନା ଜଣାଉଛି ।
