ଦିଗପହଣ୍ଡି,୧।୨(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଚଷାନିମଖଣ୍ଡି ପଞ୍ଚାୟତ ବଡପଦା ଗ୍ରାମ ସ୍ଥିତ ଶ୍ରୀ ଉଦୟନାଥେଶ୍ୱର ଶୈବ ପୀଠରେ ଚାଲିଥିବା ପଞ୍ଚକୁଣ୍ଡିୟ ଶ୍ରୀରାମ ତାରକ ବିଶ୍ୱଶାନ୍ତି ମହାଯଜ୍ଞ ରବିବାର ପବିତ୍ର ମାଘ ପୂର୍ଣ୍ଣିମା ତିଥିରେ ପୂର୍ଣ୍ଣାହୁତି ହୋଇଯାଇଛି । ଗତ ୨୨ ତାରିଖ ଠାରୁ ପଣ୍ଡିତ ସୁଧାଂଶୁ କରଙ୍କ ପୌରହିତ୍ୟରେ ଆରମ୍ଭ ହୋଇଥିବା ଏହି ମହାଯଜ୍ଞରେ ପ୍ରତ୍ୟହ ଘୃତ ଯଜ୍ଞ, ନାମ ଯଜ୍ଞ, ଅନ୍ନ ଯଜ୍ଞ ଅନୁଷ୍ଠିତ ହୋଇଥିବା ବେଳେ ପୂର୍ଣ୍ଣାହୁତିରେ ଗଞ୍ଜାମ – ଗଜପତି ଜିଲାର ବିଭିନ୍ନ ଅଞ୍ଚଳରୁ ସହସ୍ରାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା।
ଦିଗପହଣ୍ଡି ବ୍ଲକର ପୂର୍ବତନ ଅଧ୍ୟକ୍ଷ ତଥା ଜିଲା ପରିଷଦ ସଦସ୍ୟ ବିପିନ ଚନ୍ଦ୍ର ପ୍ରଧାନ ଏଥିରେ ଯୋଗ ଦେଇ ଯଜ୍ଞ ନାରାୟଣଙ୍କ ଦର୍ଶନ କରିବା ସହ ବ୍ଲକର ସମସ୍ତ ଜନସାଧାରଣଙ୍କ ମଙ୍ଗଳ ଉଦ୍ଦେଶ୍ୟରେ ଆହୂତି ପ୍ରଦାନ କରିଥିଲେ। ପୂର୍ଣ୍ଣାହୁତି କାର୍ଯ୍ୟକ୍ରମରେ ଲିଙ୍ଗରାଜ ପଣ୍ଡା ଓ ସହଧର୍ମିଣୀ କର୍ତ୍ତା ଆସନ ଅଳଙ୍କୃତ କରିଥିଲେ।
ଶ୍ରଦ୍ଧାଳୁ ଭକ୍ତଙ୍କ ଶୃଙ୍ଖଳିତ ଦର୍ଶନ ଓ ଦୀର୍ଘ ୧୧ ଦିନ ବ୍ୟାପି ଅନୁଷ୍ଠିତ ମହାଯଜ୍ଞକୁ ପରିଚାଳନା କମିଟି ସଭାପତି ରଞ୍ଜନ କୁମାର ପାଣିଗ୍ରାହୀ, ସମ୍ପାଦକ ରବିଚନ୍ଦ୍ର ଗୈାଡ, ଉପସଭାପତି କିଶୋର ଚନ୍ଦ୍ର ସର୍ଦ୍ଦାର ଓ ଦାଶରଥି ବେହେରା, ସହସମ୍ପାଦକ ସିମାଞ୍ଚଳ ଗୌଡ଼, କୋଷାଧ୍ୟକ୍ଷ ବି. ବାବୁ ପାତ୍ର, ଜିଲା ପରିଷଦ ସଦସ୍ୟ ରାଧାକାନ୍ତ ମହାଙ୍କୁଡ, ସକ୍ରିୟ କାର୍ଯ୍ୟକର୍ତ୍ତା ଚିତ୍ରସେନ ଗୌଡ଼, ପ୍ରତାପ ଦିକ୍ଷୀତ, ଶିବରାମ ପ୍ରଧାନ, ବାବୁଲା ସାହୁ,ଅଭି ଗୌଡ଼, ସୁଦୟା ମଳିକ, ବିଶ୍ଵନାଥ ଜାନି, ବୀର ମଳିକ, ତ୍ରିନାଥ ପଣ୍ଡା,ବାବୁ ପଣ୍ଡା, ଶଙ୍କର ଦଳେଇ,ଉଦୟ ଗୌଡ଼ ପ୍ରମୁଖ ପରିଚାଳନା କରିଥିବା ବେଳେ ଚଷାନିମଖଣ୍ଡି, ନିମଖଣ୍ଡି ପେଣ୍ଠ, ଖମ୍ବାରିଗାଁ ଏବଂ ଭୀଷ୍ମଗିରି ପଞ୍ଚାୟତ ଅଧିନ ବିଭିନ୍ନ ଗ୍ରାମର ବାସିନ୍ଦା ପରିଚାଳନାରେ ସହଯୋଗ କରିଥିଲେ।
