ଦିନ ଥିଲା ୧ଜିବି ଡାଟା ମାସେ ଯାଏ ବ୍ୟବହାର କରାଯାଉଥିଲା। ହେଲେ ବର୍ତ୍ତମାନ ସମୟରେ ଇଣ୍ଟରନେଟର ବ୍ୟବହାର ବୃଦ୍ଧି ପାଇଛି। ତା ସହ ବଢ଼ିଛି ମନୋରଞ୍ଜନର ପ୍ଲାଟଫର୍ମ। ସେଥିରୁ ଗୋଟିଏ ହେଲା ୟୁଟ୍ୟୁବ୍। ଅନେକ ଏଥିରେ ଭିଡିଓ ଦେଖିବାକୁ ଭଲ ପାଆନ୍ତି। ହେଲେ ଡାଟା ଶୀଘ୍ର ଶେଷ ହୋଇଯାଉଥିବାରୁ ସେଥିରୁ ବିରତ ହୋଇଥାନ୍ତି। ଆଜି କିଛି ଟିପ୍ସ ସେଭଳି ବ୍ୟବହାରକାରୀଙ୍କ ଲାଗି କହିବାକୁ ଯାଉଛୁ, ଯେଉଁମାନେ ଭିଡିଓ ଦେଖିଲେ ବି ଡାଟା ଖର୍ଚ୍ଚ କରିବାକୁ ଚାହାନ୍ତି ନାହିଁ।
ଭିଡିଓ କ୍ୱାଲିଟି କମ୍ କରନ୍ତୁ:
ଏହା ସବୁଠାରୁ ସାଧାରଣ ଉପାୟ ଅଟେ। ହେଲେ ବହୁ ଉପାଦୟ। ୟୁଟ୍ୟୁବ ଭିଡିଓ ଦେଖିବା ସମୟରେ କ୍ୱାଲିଟି କମ୍ କରିଦେଲେ ଅଧିକ ଡାଟା ସଞ୍ଚୟ କରିପାରିବେ।
ଅଫଲାଇନ୍ ମୋଡର ବ୍ୟବହାର କରନ୍ତୁ:
ୟୁଟ୍ୟୁବ୍ରେ ଅଫଲାଇନ୍ ମୋଡ୍ର ବ୍ୟବହାର କରି ଆପଣ ଭିଡିଓକୁ ଅଫଲାଇନ୍ରେ ଡାଉନଲୋଡ କରିପାରିବେ। ପରେ ଇଣ୍ଟରନେଟ ନ ଥିଲେ ବି ଭିଡିଓ ଦେଖିପାରିବେ।
ଅଟୋପ୍ଲେକୁ ବନ୍ଦ କରନ୍ତୁ:
ଆପଣ ୟୁଟ୍ୟୁବର ଅଟୋପ୍ଲେ ଫିଚ୍ରକୁ ବନ୍ଦ କରିଦିଅନ୍ତୁ। କାରଣ ଗୋଟିଏ ଭିଡିଓ ଶେଷ ହେବା ପରେ ଆଗାମୀ ଭିଡିଓ ଅଟୋମେଟିକ୍ ଆରମ୍ଭ ହୋଇଯିବ। ଏହାଦ୍ୱାରା ଅଧିକ ଡାଟା ସରିବ।
ଓ୍ବାଇଫାଇ ମିଳିଲେ କରନ୍ତୁ ଡାଉନଲୋଡ:
ଯଦି ଆପଣ ମୋବାଇଲ ଡାଟାରୁ ଭିଡିଓ ଦେଖିଥାନ୍ତି ତେବେ ଆପଣ ଓ୍ବାଇଫାଇରେ ଏହାକୁ ଡାଉନଲୋଡ କରିନେଇପାରନ୍ତି। ପରେ ଇଣ୍ଟରନେଟ ବିନା ତାକୁ ଦେଖିପାରିବେ।
ଡାଟା ସେଭିଂସ୍ ଅପଶନର ଉପଯୋଗ କରନ୍ତୁ:
ୟୁଟ୍ୟୁବ୍ ଆପ୍ଲିକେଶନରେ ଉପଲବ୍ଧ ହେଉଥିବା ଡାଟା ସେଭିଂ ଅପଶନ୍ର ଉପଯୋଗ କରନ୍ତୁ। ଏହାଦ୍ୱାରା ଡାଟାର ବ୍ୟବହାର କମ୍ ହେବ।
ଆଡବ୍ଲକରର ବ୍ୟବହାର କରନ୍ତୁ: ବିଜ୍ଞାପନଗୁଡ଼ିକୁ ବ୍ଲକ କରିବା ଲାଗି ଆଡବ୍ଲକ୍ ଏକ୍ସଟେଶନର ଉପଯୋଗ କରନ୍ତୁ। କାରଣ ବିଜ୍ଞାପନ ଯୋଗୁ ଅଧିକ ଡାଟା ଶେଷ ହୋଇଥାଏ।
ୟୁଟ୍ୟୁବ୍ ମ୍ୟୁଜିକ୍: ଯଦି ଆପଣ କେବଳ ଭିଡିଓକୁ ଶୁଣୁଛନ୍ତି ତେବେ ୟୁଟ୍ୟୁବ୍ ମ୍ୟୁଜିକ୍ର ବ୍ୟବହାର କରିପାରିବେ। ଏହାଦ୍ୱାରା ଅନେକ ଡାଟା ବଞ୍ଚିବ।
