ନୂଆଦିଲ୍ଲୀ,୧୬।୫: ଆଜିକାଲି ସବୁକିଛି ଡିଜିଟାଲ ହୋଇଗଲାଣି। ଟ୍ରାଫିକ ଚାଲାଣ ମଧ୍ୟ ଅନ୍ଲାଇନ୍ରେ ଆସୁଛି। ରାସ୍ତାରେ ଲାଗିଥିବା ହାଇଟେକ କ୍ୟାମେରାଗୁଡ଼ିକ କେତେବେଳେ ଗାଡ଼ିର ଫଟୋ ଉଠାଇ ଦିଅନ୍ତି ଏବଂ ଚାଲାଣ ଜାରି କରନ୍ତି ତାହା ଜଣାପଡ଼େ ନାହିଁ। ପରେ ଯେତେବେଳେ ମୋବାଇଲକୁ ଏକ SMS ଆସେ, ସେତେବେଳେ ଜଣାପଡ଼େ ଯେ ଚାଲାଣ ଜାରି କରାଯାଇଛି। ଅନେକ ସମୟରେ ଗାଡ଼ି ମାଲିକ ଏନେଇ ଅବଗତ ମଧ୍ୟ ନ ଥାନ୍ତି। କାରଣ ଗାଡ଼ିଟି ଯଦି ଅନ୍ୟ କେହି ଚଳାଇବା ସମୟରେ ଟ୍ରାଫିକ ନିୟମ ଭଙ୍ଗ ହୋଇଥାଏ ତେବେ ବି ସମାନ ଚାଲାଣ ମିଳିଥାଏ।
ଏପରି ପରିସ୍ଥିତିରେ ଗାଡ଼ି ମାଲିକଙ୍କୁ ସମୟ ସମୟରେ ଅନଲାଇନରେ କୌଣସି ଚାଲାଣ ବାକି ଅଛି କି ନାହିଁ ଯାଞ୍ଚ କରି ଦେଖିବା ଉଚିତ। ଭଲ କଥା ହେଉଛି ଯେ ଆପଣ ଏହି ପ୍ରକ୍ରିୟାକୁ ଘରେ ସହଜରେ କରିପାରିବେ। ଆସନ୍ତୁ ଜାଣିବା:
ଅନଲାଇନରେ ଚାଲାଣ କିପରି ଯାଞ୍ଚ କରିବେ:
୧. ସର୍ବପ୍ରଥମେ ପରିବହନ ବିଭାଗର ଅଫିସିଆଲ ୱେବସାଇଟ https://echallan.parivahan.gov.in କୁ ଯାଆନ୍ତୁ।
୨. ୱେବସାଇଟରେ “Check Challan Status” କିମ୍ବା “E-Challan Status” ବିକଳ୍ପକୁ ଚୟନ କରନ୍ତୁ।
୩. ଏହା ପରେ ଆପଣଙ୍କୁ ଆପଣଙ୍କର ଗାଡିର ପଞ୍ଜିକରଣ ନମ୍ବର, ଚାଲାଣ ନମ୍ବର (ଯଦି ଉପଲବ୍ଧ ଥାଏ), କିମ୍ବା ଡ୍ରାଇଭିଂ ଲାଇସେନ୍ସ ନମ୍ବର ଦେବାକୁ ପଡିବ। ଗାଡ଼ି ନମ୍ବର ବ୍ୟତୀତ, ଆପଣ ଡ୍ରାଇଭିଂ ଲାଇସେନ୍ସ ନମ୍ବର ଏବଂ ଚାଲାଣ ନମ୍ବର ମାଧ୍ୟମରେ ମଧ୍ୟ ସ୍ଥିତି ଯାଞ୍ଚ କରିପାରିବେ।
୪. ତା’ପରେ କ୍ୟାପଚା କୋଡ ପୂରଣ କରନ୍ତୁ ଏବଂ ଏହାକୁ ଦାଖଲ କରନ୍ତୁ।
୫. ପରେ ଆପଣ ଚାଲାଣର ସ୍ଥିତି ଦେଖିବେ।
୬. ଯଦି କୌଣସି ଚାଲାଣ ଜାରି କରାଯାଇଛି, ତେବେ ଆପଣଙ୍କୁ ଏହାର ତାରିଖ, କାରଣ ଏବଂ ଜରିମାନା ପରିମାଣ ଇତ୍ୟାଦି ବିଷୟରେ ସମ୍ପୂର୍ଣ୍ଣ ସୂଚନା ମିଳିଯିବ।
ଅନଲାଇନରେ ଚାଲାଣ କିପରି ପୈଠ କରିବେ?
ଯଦି ଚାଲାଣ ଜାରି ହୋଇଯାଇଥାଏ, ତେବେ ଆପଣ ତୁରନ୍ତ ସେହି ୱେବସାଇଟରୁ ଅନଲାଇନ ପେମେଣ୍ଟ କରିପାରିବେ। ଏଥିପାଇଁ ଆପଣ ଡେବିଟ କାର୍ଡ, କ୍ରେଡିଟ କାର୍ଡ, UPI କିମ୍ବା ନେଟ ବ୍ୟାଙ୍କିଂ ଭଳି ବିକଳ୍ପ ବ୍ୟବହାର କରିପାରିବେ।
ରାସ୍ତାରେ ଏହି ନିୟମଗୁଡ଼ିକୁ ପାଳନ କରନ୍ତୁ:
-ସମସ୍ତ ଆବଶ୍ୟକୀୟ କାଗଜପତ୍ର ସାଙ୍ଗରେ ରଖନ୍ତୁ – ଡ୍ରାଇଭିଂ ଲାଇସେନ୍ସ, RC (ପଞ୍ଜିକରଣ ପ୍ରମାଣପତ୍ର), ବୈଧ ବୀମା ଏବଂ PUC (ପ୍ରଦୁଷଣ ପ୍ରମାଣପତ୍ର)।
-ସମୟ ମଧ୍ୟରେ ବୀମା ନବୀକରଣ କରାନ୍ତୁ ଯଦି ଯାନବାହନ ବୀମାର ମିଆଦ ଶେଷ ହୋଇଯାଇଛି, ତେବେ ଏହାକୁ ସମୟ ମଧ୍ୟରେ ନବୀକରଣ କରିବାକୁ ଭୁଲନ୍ତୁ ନାହିଁ।
-ଟ୍ରାଫିକ ନିୟମ ପାଳନ କରନ୍ତୁ – ସିଗନାଲ ଡେଇଁବା, ଅଧିକ ଦ୍ରୁତ ଗତିରେ ଗାଡି ଚାଳନା ଏବଂ ଭୁଲ ଦିଗରେ ଗାଡି ଚାଳନା ଏଡାନ୍ତୁ।
-ଏହି ସବୁ କଥାକୁ ମନେ ରଖି, ଆପଣ କେବଳ ଚାଲାଣରୁ ରକ୍ଷା ପାଇପାରିବେ ନାହିଁ ବରଂ ରାସ୍ତାରେ ସୁରକ୍ଷିତ ଯାତ୍ରା ମଧ୍ୟ ସୁନିଶ୍ଚିତ କରିପାରିବେ।
