ନୂଆଦିଲ୍ଲୀ,୪।୯: ସ୍ବାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ଟ୍ୟାକ୍ସ ବ୍ୟବସ୍ଥାରେ ବଡ଼ ପରିବର୍ତ୍ତନ ନେଇ ଘୋଷଣା କରିଥିଲେ। ସେ କହିଥିଲେ ଯେ ବର୍ତ୍ତମାନର ୪-ସ୍ଲାବ ବିଶିଷ୍ଟ GST ଢାଞ୍ଚାକୁ ସରଳ କରାଯାଇ ମାତ୍ର ୨ଟି ସ୍ଲାବରେ ପରିଣତ କରାଯିବ। ଏହି ନିଷ୍ପତ୍ତି ପ୍ରାୟ ୧୭୫ଟି ଉତ୍ପାଦ ଉପରେ ପ୍ରଭାବ ପକାଇବ, ଯେଉଁଥିରେ ଅଟୋମୋବାଇଲ କ୍ଷେତ୍ର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।
୩ ଓ ୪ ସେପ୍ଟେମ୍ବରରେ ଅନୁଷ୍ଠିତ GST କାଉନସିଲ ବୈଠକରେ ଏହି ନୂଆ ଢାଞ୍ଚାକୁ ଚୂଡ଼ାନ୍ତ ରୂପ ଦିଆଯାଇଛି। ଏଥିରେ ନିଷ୍ପତ୍ତି ହୋଇଛି ଯେ କେଉଁ କେଉଁ ଜିନିଷ ଉପରେ ନୂଆ ଟ୍ୟାକ୍ସ ହାର ଲାଗୁ ହେବ। ସରକାର ସଙ୍କେତ ଦେଇଛନ୍ତି ଯେ ବର୍ତ୍ତମାନର ୨୮% GSTକୁ ହ୍ରାସ କରି ୧୮% କରାଯାଉଛି। ଏହାଦ୍ୱାରା ଛୋଟ କର୍ ମୂଲ୍ୟରେ ପ୍ରାୟ ୭-୮% ହ୍ରାସ ହୋଇପାରେ।
ଛୋଟ କାରକୁ ସବୁଠୁ ଅଧିକ ଲାଭ:
ବର୍ତ୍ତମାନ ୪ ମିଟରରୁ ଛୋଟ ଏବଂ ୧.୨ ଲିଟର ଇଞ୍ଜିନ ବିଶିଷ୍ଟ ଗାଡ଼ି ଉପରେ ୨୮% GST ସହିତ ୧-୩% ସେସ ଲାଗୁ ହେଉଛି। ଅର୍ଥାତ ମୋଟ ଟ୍ୟାକ୍ସ ୨୯-୩୧% ହୋଇଯାଏ। କିନ୍ତୁ ପ୍ରସ୍ତାବିତ ପରିବର୍ତ୍ତନ ପରେ ଏହି ଗାଡ଼ି ୧୮% ସ୍ଲାବକୁ ଆସିବ। ଏହାଦ୍ୱାରା ମୂଲ୍ୟରେ ପ୍ରାୟ ୮% ହ୍ରାସ ହୋଇପାରେ।
ଉଦାହରଣ ସ୍ବରୂପ, Maruti Alto K୧୦, ଯାହାର ବର୍ତ୍ତମାନ ମୂଲ୍ୟ ୪.୨୩ ଲକ୍ଷ ଟଙ୍କାରୁ ଆରମ୍ଭ ହେଉଛି, ନୂଆ ଟ୍ୟାକ୍ସ ଢାଞ୍ଚା ପରେ ପ୍ରାୟ ୩.୮୯ ଲକ୍ଷ ଟଙ୍କାରେ ମିଳିପାରେ। ସେହିପରି Renault Kwidର ମୂଲ୍ୟରେ ପ୍ରାୟ ୪୫,୦୦୦ ଟଙ୍କା ପର୍ଯ୍ୟନ୍ତ ହ୍ରାସ ହୋଇପାରେ।
୧୦ ଲକ୍ଷର କାର୍ କେତେ ଶସ୍ତା ହେବ?
ଯଦି ଗୋଟିଏ ଗାଡ଼ିର ବେସ ମୂଲ୍ୟ ୧୦ ଲକ୍ଷ ଟଙ୍କା ଏବଂ ଏହା ଉପରେ ବର୍ତ୍ତମାନ ୨୮% GST ଓ ୩% ସେସ ଲାଗୁ ହେଉଛି, ତେବେ ଅନ୍-ରୋଡ ମୂଲ୍ୟ ପ୍ରାୟ ୧୩.୧୦ ଲକ୍ଷ ଟଙ୍କା ହେଉଛି। ନୂଆ ପ୍ରସ୍ତାବିତ ଢାଞ୍ଚାରେ ଯଦି ଟ୍ୟାକ୍ସ ୧୮% (ସେସ ବିନା) ହୁଏ, ତେବେ ସେହି ଗାଡ଼ି ପ୍ରାୟ ୧୧.୮୦ ଲକ୍ଷ ଟଙ୍କାରେ ମିଳିବ। ଅର୍ଥାତ ୧୦ ଲକ୍ଷ ଟଙ୍କାର ଗାଡ଼ି ପ୍ରାୟ ୧.୩ ଲକ୍ଷ ଟଙ୍କା ଶସ୍ତା ହେବ, ଯାହା ପ୍ରାୟ ୧୦% ସଞ୍ଚୟ।
ବଡ଼ ଗାଡ଼ି ଉପରେ ମଧ୍ୟ ରିହାତି:
ବଡ଼ ଏବଂ ମଧ୍ୟମ ଆକାରର ଗା ଉପରେ ବର୍ତ୍ତମାନ ୨୮% GST ସହିତ ୧୫-୨୨% ସେସ ଲାଗୁ ହେଉଛି। ଏହାଦ୍ୱାରା ମୋଟ ଟ୍ୟାକ୍ସ ୪୩%ରୁ ୫୦% ପର୍ଯ୍ୟନ୍ତ ପହଞ୍ଚୁଛି। ନୂଆ ଢାଞ୍ଚାରେ ସରକାର ଏଗୁଡ଼ିକୁ ୪୦%ର ଏକକ ସ୍ଲାବରେ ରଖିବାକୁ ପ୍ରସ୍ତୁତ ହେଉଛନ୍ତି। ସେସ୍ରେ ମଧ୍ୟ ହ୍ରାସ କରାଯିବ ଯାହା ଦ୍ୱାରା ଟ୍ୟାକ୍ସର ବୋଝ ଅଧିକ ନ ବଢ଼େ।
ଏହି ପରିବର୍ତ୍ତନରୁ SUV ସେଗମେଣ୍ଟର ଗା ଯେପରିକି Mahindra Scorpio ଓ Tharର ମୂଲ୍ୟରେ ୨ରୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ହ୍ରାସ ହୋଇପାରେ। ସେହିପରି Hyundai Creta, ଯାହାର ମୂଲ୍ୟ ବର୍ତ୍ତମାନ ୧୧.୧୧ ଲକ୍ଷ ଟଙ୍କାରୁ ଆରମ୍ଭ ହେଉଛି, ତାହାର ଦାମରେ ମଧ୍ୟ ନୋଟିସବଲ ହ୍ରାସ ଦେଖାଯାଇପାରେ।
କ’ଣ ହେବ ପ୍ରଭାବ?
ଯଦି GST ୨.୦ ଲାଗୁ ହୁଏ, ତେବେ ଏଣ୍ଟ୍ରି ଲେଭେଲ ଓ ମଧ୍ୟମ ଆକାରର ଗାଡ଼ି ମୂଲ୍ୟ ବହୁତ କମିପାରେ। ଏହା କେବଳ ଅଟୋମୋବାଇଲ କ୍ଷେତ୍ରକୁ ନୂଆ ଗତି ପ୍ରଦାନ କରିବ ନାହିଁ, ବରଂ ସାଧାରଣ ଲୋକଙ୍କ ଗାଡ଼ି କିଣିବାର ସ୍ବପ୍ନକୁ ମଧ୍ୟ ସହଜ କରିବ।
