ନୂଆଦିଲ୍ଲୀ,୧୩।୬: ଅହମଦାବାଦରେ ୧୨ ଜୁନ ୨୦୨୫ରେ ଏୟାର ଇଣ୍ଡିଆ ବିମାନ ଦୁର୍ଘଟଣାରେ ପୂର୍ବତନ ଗୁଜୁରାଟ ମୁଖ୍ୟମନ୍ତ୍ରୀ ବିଜୟ ରୂପାନୀଙ୍କ ମୃତ୍ୟୁ ହୋଇଛି। ଏୟାର ଇଣ୍ଡିଆର ବିମାନ AI-171, ଯେଉଁଥିରେ ସେ ଯାତ୍ରା କରୁଥିଲେ, ଉଡ଼ାଣ ଭରିବାର କିଛି ମିନିଟ ପରେ ଅହମଦାବାଦର ମେଘନାନିଗର ଅଞ୍ଚଳରେ ଏହା ଦୁର୍ଘଟଣାଗ୍ରସ୍ତ ହୋଇଥିଲା। ବିମାନଟି ବିଜେ ମେଡିକାଲ କଲେଜର ଡାକ୍ତରୀ ହଷ୍ଟେଲ ଉପରେ ପଡ଼ିଥିଲା, ଯେଉଁଥିରେ ଅନେକ ଲୋକଙ୍କର ମୃତ୍ୟୁ ହୋଇଥିଲା। ରୂପାନୀଙ୍କ ମୃତ୍ୟୁ ଖବର କେବଳ ଗୁଜରାଟରେ ନୁହେଁ ବରଂ ସାରା ଦେଶରେ ଶୋକର ଲହରୀ ଖେଳିଯାଇଛି। ତେବେ ରୂପାନୀ ଯିବା ପରେ ପଛରେ କେତେ ସମ୍ପତି ଛାଡି ଯାଇଛନ୍ତି ତାକୁ ନେଇ ଏବେ ଚର୍ଚ୍ଚା ହେଉଛି।
ବିଜୟ ରୂପାନୀ ପ୍ରାୟ ୯.୨୧ କୋଟି ଟଙ୍କାର ସମ୍ପତ୍ତି ଛାଡି ଯାଇଛନ୍ତି। ନିର୍ବାଚନୀ ଶପଥପତ୍ର ଅନୁଯାୟୀ, ତାଙ୍କ ସମ୍ପତ୍ତିରେ ସ୍ଥାବର ଏବଂ ଅସ୍ଥାବର ଉଭୟ ସମ୍ପତ୍ତି ଅନ୍ତର୍ଭୁକ୍ତ।
ନିର୍ବାଚନ ଶପଥପତ୍ର ଅନୁଯାୟୀ ସ୍ଥାବର ସମ୍ପତ୍ତି:
ନଗଦ: ୨,୧୦,୨୩୩ ଟଙ୍କା
ବ୍ୟାଙ୍କ ଜମା: ୭୪,୯୩,୧୫୮ ଟଙ୍କା
ଶେୟାର ଏବଂ ମ୍ୟୁଚୁଆଲ ଫଣ୍ଡ: ୩,୦୦,୯୬,୪୧୨ ଟଙ୍କା
ବୀମା ପଲିସି: ୧୬,୫୬,୧୨୨ ଟଙ୍କା
ଅଳଙ୍କାର: ୧୭,୯୪,୬୭୨ ଟଙ୍କା
ଯାନବାହାନ: ୧୭,୮୫,୪୮୦ ଟଙ୍କା
ମୋଟ ସ୍ଥାବର ସମ୍ପତ୍ତି: ୫.୪୩ କୋଟି ଟଙ୍କା (ପ୍ରାୟ)
ସ୍ଥାବର ସମ୍ପତ୍ତିର ବିବରଣୀ
ରାଜକୋଟରେ ଅଣକୃଷି ଜମି: ୧.୪୧ କୋଟି ଟଙ୍କା
ଆବାସିକ ସମ୍ପତ୍ତି: ୨.୦୩ କୋଟି ଟଙ୍କା
ବାଣିଜ୍ୟିକ ସମ୍ପତ୍ତି: ୨୧ ଲକ୍ଷ ଟଙ୍କା
ମୋଟ ସ୍ଥାବର ସମ୍ପତ୍ତି: ୩ କୋଟି ଟଙ୍କା
ପତ୍ନୀ ଅଞ୍ଜଳିବେନଙ୍କ ସମ୍ପତ୍ତି କେତେ?
୨୦୨୨ ମସିହାର ଶପଥପତ୍ର ଅନୁଯାୟୀ, ବିଜୟ ରୂପାନୀଙ୍କ ପତ୍ନୀ ଅଞ୍ଜଳିବେନଙ୍କର ମଧ୍ୟ ପ୍ରାୟ ୧.୫ କୋଟି ଟଙ୍କାର ସମ୍ପତ୍ତି ଥିଲା। ଏଥିରେ ୫୦ ଲକ୍ଷ ଟଙ୍କାର ସ୍ଥାବର ସମ୍ପତ୍ତି ଏବଂ ୧ କୋଟି ଟଙ୍କାର ଅସ୍ଥାବର ସମ୍ପତ୍ତି ଅନ୍ତର୍ଭୁକ୍ତ, ଯାହା ଅହମଦାବାଦ ଏବଂ ରାଜକୋଟ ଭଳି ପ୍ରମୁଖ ଅଞ୍ଚଳରେ ଅବସ୍ଥିତ।
ନିର୍ବାଚନ ଶପଥପତ୍ର ଅନୁଯାୟୀ ବିଜୟ ରୂପାନୀଙ୍କର ପ୍ରାୟ ୮୩ ଲକ୍ଷ ଟଙ୍କାର ଋଣ ଥିଲା। ସେ ଏହି ଋଣ ତାଙ୍କ ନିକଟ ପରିବାର ସଦସ୍ୟ ଯେପରିକି ଅଞ୍ଜଳିବେନ ଏବଂ ସହଯୋଗୀ ଯେପରିକି ବିପିନଭାଇଙ୍କଠାରୁ ନେଇଥିଲେ।
