ନୂଆଦିଲ୍ଲୀ,୨୬ା୨: ବର୍ତ୍ତମାନ ବଙ୍ଗୋପସାଗରରେ ଲଘୁଚାପ ଯୋଗୁ ତେଲଙ୍ଗାନା ରାଜ୍ୟଗୁଡ଼ିକରେ ବର୍ଷା ହେଉଛି। ଭାରତ ମହାସାଗରରେ ହୋରାସିଓ ନାମକ ଏକ ବଡ଼ ଘୂର୍ଣ୍ଣିଝଡ଼ ସୃଷ୍ଟି ହୋଇଥିବାରୁ ଲୋକମାନେ ଭୟଭୀତ ହୋଇପଡ଼ିଛନ୍ତି। ପାଣିପାଗ ବିଶେଷଜ୍ଞମାନେ କହିଛନ୍ତି, ଏହା ଏପର୍ଯ୍ୟନ୍ତ ବର୍ଷର ସବୁଠାରୁ ବିପଦପୂର୍ଣ୍ଣ ଘୂର୍ଣ୍ଣିଝଡ଼, ଘଣ୍ଟା ପ୍ରତି ୨୬୦ କିଲୋମିଟର ବେଗରେ ପବନ ବହିବାର ସମ୍ଭାବନା ଅଛି। ତେବେ ପାଣିପାଗ ବିଭାଗ କହିଛି, ଏହା ଭାରତ ଉପରେ କୌଣସି ପ୍ରଭାବ ପକାଇବ ନାହିଁ। ଦକ୍ଷିଣ ପଶ୍ଚିମ ଭାରତ ମହାସାଗରରେ ଏହି ବାତ୍ୟାଟି ରହିଛି।
ହାଇଦ୍ରାବାଦ ପାଣିପାଗ କେନ୍ଦ୍ର କହିଛି, ଆଜି ମଧ୍ୟ ବର୍ଷା ଜାରି ରହିବ। ସେମାନେ ସାଙ୍ଗାରେଡ୍ଡି, ରଙ୍ଗାରେଡ୍ଡି, ମେଡକ ଏବଂ କାମାରେଡ୍ଡି ଜିଲା ପାଇଁ ୟେଲୋ ଓ୍ବାର୍ନିଂ ଜାରି କରାଯାଇଛି। ଘଡ଼ଘଡ଼ି ଏବଂ ବିଜୁଳି ସହିତ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି।
ଗତ ଦୁଇ ଦିନ ଧରି, ହାଇଦ୍ରାବାଦର ପାଗ ବହୁତ ଥଣ୍ଡା ରହିଛି, ଆକାଶ ମେଘୁଆ ରହିଛି। ପାଣିପାଗ ବିଭାଗ କହିଛି ଯେ ଆଜି ମଧ୍ୟ ସମାନ ପାଗ ଜାରି ରହିବ। ସେମାନେ ଏହା ମଧ୍ୟ ସତର୍କ କରାଇଛନ୍ତି ଯେ, କିଛି ଅଞ୍ଚଳରେ ଘଡ଼ଘଡ଼ି ଏବଂ ବିଜୁଳି ସହିତ ହାଲୁକା ବର୍ଷା ହୋଇପାରେ। ବିଶେଷକରି, କୁଥବୁଲ୍ଲାପୁର, କୁକଟପାଲି, ସେରିଲିଙ୍ଗାମପାଲି, କ୍ୟାଣ୍ଟନମେଣ୍ଟ ଏବଂ ଅଲଓ୍ବାଲ ଭଳି ସ୍ଥାନରେ କିଛି ହାଲୁକା ଧରଣର ବର୍ଷା ହୋଇପାରେ।
କୁହାଯାଉଛି, ଏହି ବାତ୍ୟାକୁ ୨୦୨୬ର ଭୀଷଣ ବାତ୍ୟା କୁହାଯାଉଛି। ୧୯୯୯ରେ ଓଡ଼ିଶାରେ ହୋଇଥିବା ବାତ୍ୟା ପରି ଏହି ବାତ୍ୟା ହେବ। ତେବେ ଓଡ଼ିଶାରେ ଏହାର କୌଣସି ପ୍ରଭାବ ପକାଇବ ନାହିଁ। ଯାହା ଏକ ଆଶ୍ୱସ୍ତିକର ଖବର।
