ଭୁବନେଶ୍ୱର,୨୦।୭ (ଅଭୟ ଦାଶ): ଦେଶର ପ୍ରମୁଖ ସ୍ମାର୍ଟଫୋନ ବ୍ରାଣ୍ଡ୍ ତଥା ଗ୍ଲୋବାଲ ଆଇକୋନିକ୍ ଟେକ୍ନୋଲୋଜି କମ୍ପାନୀ ‘ଅନର’ର ବହୁ ପ୍ରତୀକ୍ଷିତ ୨୦୦ ସିରିଜ ( ଅନର ୨୦୦ପ୍ରୋ ୫ଜି ଏବଂ ଅନର ୨୦୦ ୫ଜି ମଡେଲ)ର ସର୍ବଭାରତୀୟ ଉନ୍ମୋଚନ ନିକଟରେ ହୋଇଯାଇଛି। ଏପରିକି କମ୍ପାନୀର ସ୍ବୀକୃତିପ୍ରାପ୍ତ ଡିଷ୍ଟ୍ରିବ୍ୟୁଟର (ଓଡ଼ିଶା ବଜାର) ଏସ୍ଏ ଇନ୍ଫୋସିସ ପ୍ରାଇଭେଟ୍ ଲିମିଟେଡ୍ ଆନୁକୂଲ୍ୟରେ ଏହି ସିରିଜକୁ ଓଡ଼ିଶା ବଜାରରେ ପ୍ରବେଶ କରାଇଛି। ଏହି ପରିପ୍ରେକ୍ଷୀରେ ଶୁକ୍ରବାର ଏସ୍ଏ ଇନ୍ଫୋସିସ୍ ପ୍ରାଇଭେଟ୍ ଲିମିଟେଡ୍ ପକ୍ଷରୁ ଏକ ସ୍ବତନ୍ତ୍ର ଅନାବରଣ ଉତ୍ସବର ଆୟୋଜନ କରାଯାଇଥିଲା।
ଉଲ୍ଲେଖଯୋଗ୍ୟ, ଅନର ୨୦୦ ସିରିଜ ୨ଟି ଭାରିଆଣ୍ଟ ଯଥା ଅନର ୨୦୦ ପ୍ରୋ ୫ଜି ଏବଂ ଅନର ୨୦୦ ୫ଜି ମଡେଲରେ ଉପଲବ୍ଧ ହେଉଥିଲାବେଳେ ଉଭୟ ମଡେଲରେ ଅନେକ ପ୍ରକାର ଫିଚର ଓ ଫାସିଲିଟ ସାମିଲ ରହିଛି। ଏପରିକି ୨ଟି ଆକର୍ଷଣୀୟ ରଙ୍ଗରେ ଉପଲବ୍ଧ ଏହି ସ୍ମାର୍ଟଫୋନ ଯଥାକ୍ରମେ ୫୭,୯୯୯ ଟଙ୍କା ଏବଂ ୩୪,୯୯୯ ଟଙ୍କା ରହିଛି।
ସେହିଭଳି ସୀମିତ ଅବଧି ପାଇଁ ଆକର୍ଷଣୀୟ ଅଫର ମଧ୍ୟ ଏହି ସ୍ମାର୍ଟଫୋନ ଉପରେ ଗ୍ରାହକଙ୍କୁ ଯୋଗାଇ ଦିଆଯାଉଛି। ଏ ସମ୍ପର୍କରେ ଏଚ୍ଟେକ୍ର ଯୁଗ୍ମ ପରିଚାଳନା ନିର୍ଦ୍ଦେଶକ ସିପି ଖାଣ୍ଡେଲଓ୍ବାଲ କହିଛନ୍ତି, ଅନର ୨୦୦ ସିରିଜର ଆନୁଷ୍ଠାନିକ ଶୁଭାରମ୍ଭ ସହ ବଜାର ପ୍ରବେଶ କରାଇଥିବାରୁ ଆମେ ବେଶ୍ ଉତ୍ସାହିତ ଅଛୁ। ଏପରିକି ଏହି ମଡେଲଦ୍ୱୟ ଅତ୍ୟାଧୁନିକ ଜ୍ଞାନକୌଶଳ ସହ ଆର୍ଟିଫିସିଆଲ ଇଣ୍ଟେଲିଜେନ୍ସି ବା ଏଆଇ ପରିଚାଳିତ ପୋଟ୍ରେଟ୍ ଫଟୋଗ୍ରାପ୍ତି, ଉତ୍କୃଷ୍ଟ ଡିସ୍ପ୍ଲେ ଟୋକ୍ନୋଲୋଜି ଓ ପ୍ରଦର୍ଶନ କ୍ଷମତା ସହିତ ଅନର ୨୦୦ ସିରିଜ ଶିଳ୍ପରେ ନୂଆ ବେଞ୍ଚମାର୍କ ସୃଷ୍ଟି କରିବ ବୋଲି ସେ ବିସ୍ତୃତ ଭାବେ ମତପ୍ରକାଶ କରିଛନ୍ତି।
