ନୂଆଦିଲ୍ଲୀ,୧୬।୩: ଦେଶର ପ୍ରମୁଖ ଦୁଇଚକିଆ ଯାନ ନିର୍ମାତା ‘ହୋଣ୍ଡା ମୋଟରସାଇକେଲ ଆଣ୍ଡ୍ ସ୍କୁଟର ଇଣ୍ଡିଆ’(ଏଚ୍ଏମ୍ଏସ୍ଆଇ) ଲିମିଟେଡ୍ର ନୂଆ ୧୦୦ସିସି ମୋଟରସାଇକେଲ ‘ସାଇନ୍ ୧୦୦’ର ସର୍ବଭାରତୀୟ ଉନ୍ମୋଚନ କରାଯାଇଛି। ବିଶେଷକରି ଓବିଡି୨ ନିୟମ ପାଳନ କରୁଥିବା ସହ ସବୁଠୁ ସୁଲଭ ଓ ଇନ୍ଧନ ମିତବ୍ୟୟୀ ହୋଇପାରିଛି।
ଏ ସମ୍ପର୍କରେ ଏଚ୍ଏମ୍ଏସ୍ଆଇର ପରିଚାଳନା ନିର୍ଦ୍ଦେଶକ,ସଭାପତି ଓ ସିଇଓ ଆତସୁସି ଓଗାତା କହିଛନ୍ତି, ସାରା ଭାରତର ଲୋକମାନଙ୍କ ପାଖରେ ଗମନାଗମନ ସୁବିଧା ଓ ସୁଲଭତା ପହଞ୍ଚାଇବା ଦିଗରେ ସାଇନ୍ ୧୦୦ ହେଉଛି ହୋଣ୍ଡାର ପରବର୍ତ୍ତୀ ବଡ଼ ପଦକ୍ଷେପ। ମୌଳିକ କମ୍ୟୁଟର ବର୍ଗରେ ଗ୍ରାହକମାନଙ୍କ ପାଇଁ ଏକ ସୁଦୃଢ଼, ଭରସାଯୋଗ୍ୟ ଓ ଇନ୍ଧନ ମିତବ୍ୟୟୀ ମୋଟରସାଇକେଲକୁ ଉପସ୍ଥାପନ କରି ଆମେ ଗର୍ବିତ।
ସେହିଭଳି ଏଚ୍ଏମ୍ଏସ୍ଆଇର ଅପରେଟିଂ ଅଫିସର (ବିକ୍ରି ଓ ମାର୍କେଟିଂ) ଯୋଗେଶ ମାଥୁର କହିଛନ୍ତି, ଭାରତୀୟ ଗ୍ରାହକମାନଙ୍କ ଲାଗି ସମ୍ପୂର୍ଣ୍ଣ ନୂଆ ୧୦୦ସିସି ମୋଟରସାଇକେଲ ସାଇନ୍ ୧୦୦କୁ ଉନ୍ମୋଚନ କରି ଆମେ ଏକ ନୂଆ ଯାତ୍ରା ଆରମ୍ଭ କରିଛୁ। ଅପରପକ୍ଷରେ ନୂଆ ସାଇନ୍-୧୦୦ରେ ୧୦୦ ସିସିର ଓବିଡି ୨ନିୟମ ପାଳନ କରୁଥିବା ପିଜିଏମ୍-ଏଫ୍ଆଇ ଇଞ୍ଜିନ ରହିଛି, ଯେଉଁଥିରେ ଏନ୍ହାନ୍ସଡ୍ ସ୍ମାର୍ଟ ପାୱାର (ଇଏସ୍ପି) ସୁବିଧା ରହିଛି। ଏଥିରେ ପ୍ରୋଗ୍ରାମଡ୍ ଫୁଏଲ୍ ଇଞ୍ଜେକ୍ସନ (ପିଜିଏମ୍-ଏଫ୍ଆଇ),ଫ୍ରିକ୍ସନ ରିଡକ୍ସନ ଓ ସେଲେନୋଏଡ୍ ଭାଲ୍ଭ ରହିଛି। ଏଥିରେ ସାଇଡ୍ ଷ୍ଟାଣ୍ଡ୍ ସହିତ ଇଞ୍ଜିନ ଇନ୍ହିବିଟର, କମ୍ବି ବ୍ରେକ୍ ସିଷ୍ଟମ୍ (ସିବିଏସ୍) ସହ ଇକ୍ୱିଲାଇଭର, ୧୨୪୫ ଏମ୍ଏମ୍ର ହ୍ବିଲ୍ ବେସ୍, ୧୬୮ଏମ୍ଏମ୍ର ଗ୍ରାଉଣ୍ଡ୍ କ୍ଲିୟରାନ୍ସ ରହିଛି। ଏଚ୍ଏମ୍ଏସ୍ଆଇ ପକ୍ଷରୁ ସାଇନ୍ ୧୦୦ ଉପରେ ୩ ବର୍ଷର ସାଧାରଣ ଓ ୩ ବର୍ଷର ବିକଳ୍ପ ବର୍ଦ୍ଧିତ ୱାରେଣ୍ଟି ସମେତ ୬ ବର୍ଷର ୱାରେଣ୍ଟି ପ୍ରଦାନ କରାଯାଉଛି। ୫ଟି ରଙ୍ଗ କଳା ସହିତ ରେଡ୍ ଷ୍ଟ୍ରାଇପ୍, ବ୍ଲାକ୍ ସହିତ ବ୍ଲୁ ଷ୍ଟ୍ରାଇପ୍, ବ୍ଲାକ୍ ସହିତ ଗ୍ରୀନ୍ ଷ୍ଟ୍ରାଇପ୍, ବ୍ଲାକ୍ ସହିତ ଗୋଲ୍ଡେନ୍ ଷ୍ଟ୍ରାଇପ୍ ଓ ବ୍ଲାକ୍ ସହିତ ଗ୍ରେ ଷ୍ଟ୍ରାଇପ୍ ରେ ସାଇନ୍ ୧୦୦ ଉପଲବ୍ଧ ହେବ। ଏହାର ଏକ୍ସ ଶୋ’ରୁମ୍ ମୂଲ୍ୟ ୬୪,୯୦୦ ଟଙ୍କା ରଖାଯାଇଛି।
