ଭୁବନେଶ୍ୱର,୨୬ା୪: ହୋଣ୍ଡା ମୋଟରସାଇକେଲ ଆଣ୍ଡ ସ୍କୁଟର ଇଣ୍ଡିଆ (ଏଚ୍ଏମ୍ଏସ୍ଆଇ)କୁ ନିକଟରେ ଆଉ ଏକ ସଫଳତା ସହ ପୂର୍ବ ଭାରତ ବଜାରରେ କମ୍ପାନୀ ନୂତନ ମାଇଲଖୁଣ୍ଟ ହାସଲ କରିଛି। ଏପରିକି କ୍ରମାଗତ ଭାବେ ବ୍ୟବସାୟିକ ବିସ୍ତାର ମାଧ୍ୟମରେ ଏଚ୍ଏମ୍ଏସ୍ଆଇ ପୂର୍ବ ଭାରତରେ ୮ନିୟୁତ ୟୁନିଟ୍ ଗାଡ଼ି ବିକ୍ରୟ କରିବାରେ ଉଲ୍ଲେଖନୀୟ ସଫଳତା ହାସଲ ସହ ସମ୍ପୃକ୍ତ ଅଞ୍ଚଳର ୨ଚକିଆ ଗ୍ରାହକଙ୍କ ପାଇଁ ପସନ୍ଦଯୋଗ୍ୟ ବ୍ରାଣ୍ଡ୍ ଭାବେ ନିଜକୁ ପୁନଃ ପ୍ରମାଣିତ କରିଛି।
କମ୍ପାନୀର ଏହି ସଫଳତା ପୂର୍ବାଞ୍ଚଳର ଗ୍ରାହକ(ବିହାର, ଝାଡ଼ଖଣ୍ଡ, ପଶ୍ଚିମବଙ୍ଗ, ଓଡ଼ିଶା ଏବଂ ଉତ୍ତର-ପୂର୍ବ ଭାରତ ଭଳି ରାଜ୍ୟକୁ ନେଇ ଗଠିତ)ଙ୍କୁ ଉଚ୍ଚ-ଗୁଣାତ୍ମକ, ଅଭିନବ ଏବଂ ନିର୍ଭରଯୋଗ୍ୟ ୨ଚକିଆ ଯାନ ଯୋଗାଇବାର ପ୍ରତିବଦ୍ଧତାକୁ ସୂଚିତ କରୁଛି।
ଏ ସମ୍ପର୍କରେ ଏଚ୍ଏମ୍ଏସ୍ଆଇର ନିର୍ଦ୍ଦେଶକ (ବିକ୍ରୟ ଏବଂ ମାର୍କେଟିଂ) ଯୋଗେଶ ମାଥୁର କହିଛନ୍ତି, ପୂର୍ବାଞ୍ଚଳରେ ୮ ନିୟୁତ ବିକ୍ରିର ନୂତନ ମାଇଲଖୁଣ୍ଟ ହାସଲକରି ଆମେ ବେଶ୍ ଉତ୍ସାହିତ ଅଛୁ। ଏପରିକି ଗ୍ରାହକମାନେ ରଖିଥିବା ବିଶ୍ୱାସ ଓ ଆଦରର ପ୍ରମାଣ। ଆମ ଉପରେ କ୍ରମାଗତ ବିଶ୍ୱାସ ପାଇଁ ଆମେ ଆମର ଗ୍ରାହକ ଏବଂ ଡିଲର ଅଂଶୀଦାରମାନଙ୍କ ନିକଟରେ କୃତଜ୍ଞ ଅଛୁ।
