ଦିଗପହଣ୍ଡି,୧୫।୩(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଅଞ୍ଚଳରେ ପବିତ୍ର ଚୈତ୍ର ପ୍ରତିପଦା ତିଥି ଦୋଳ ଉତ୍ସବ ଅବସରରେ ଯୁବକ ଗୋଷ୍ଠୀ ପକ୍ଷରୁ ହୋଲି ଖେଳ ରବିବାର ଅନୁଷ୍ଠିତ ହୋଇଯାଇଛି। ସହର ସମେତ ଆଖପାଖ ଗ୍ରାମାଞ୍ଚଳ ମାନଙ୍କରେ ଯୁବକ ମାନେ ସଂଘବଦ୍ଧ ହୋଇ ବିଭିନ୍ନ ରଙ୍ଗ ବେରଙ୍ଗ ର ଫଗୁ ଅବିର ହୋଲି ଧରି ଭାଇଚାରା ପ୍ରଦର୍ଶନ କରି ପରସ୍ପରକୁ ହୋଲିର ଶୁଭେଚ୍ଛା ଜଣାଇବା ସହ ସକାଳୁ ମଧ୍ୟାହ୍ନ ଯାଏଁ ସାହି ବସ୍ତି ବୁଲି ହୋଲି ଖେଳିଥିଲେ। ଯୁବକମାନେ ପୂର୍ବ ପ୍ରସ୍ତୁତି କ୍ରମେ ପ୍ରତିବର୍ଷ ଭଳି ଚଳିତବର୍ଷ ମାଇକ ସାଉଣ୍ଡ ବକ୍ସ ଲଗାଇ ବିଭିନ୍ନ ସିନେ ସଙ୍ଗୀତର ତାଳେ ତାଳେ ନୃତ୍ୟ କରି ହୋଲି ଖେଳିଥିଲେ। ସେହିପରି ବିଭିନ୍ନ ରାଧା କୃଷ୍ଣ ମନ୍ଦିରରେ ଶ୍ରୀ ଜିଉ ମାନଙ୍କ ଦୋଳ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଛି।ବହୁ ସଂଖ୍ୟକ ଶ୍ରଦ୍ଧାଳୁ ମନ୍ଦିରରେ ପହଞ୍ଚି ପୂଜାର୍ଚ୍ଚନା କରିବା ସହ ସମୂହ ଭାବେ ଅବିର ଖେଳିଥିଲେ।
