କୋରାପୁଟ,୧୩ା୧୨(ଅମିତାଭ ବେହେରା): କୋଡିଙ୍ଗା ମାଳି ବକ୍ସସାଇଡ୍ ପରିବହନ ହାଇଓ୍ବା ଓ କାର୍ ମୁହାମୁହିଁ ଧକ୍କା ହେବାରୁ ବୁଧବାର ଜଣଙ୍କର ଜୀବନ ଯାଇଥିବା ବେଳେ ୩ ଜଣ ଗୁରୁତର ହୋଇଛନ୍ତି। ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ ଅଞ୍ଚଳ ଗୁମାର ଲୋକେ ଭୁବନେଶ୍ୱର ଯାଇ ଫେରୁଥିବା ସମୟରେ ଦୁର୍ଘଟଣାରେ ଶିକାର ହୋଇଛନ୍ତି। କାର୍ ଡ୍ରାଇଭରଙ୍କ ସମେତ ୪ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଲକ୍ଷ୍ମୀପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା ପରେ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜକୁ ସ୍ଥାନାନ୍ତର କରାଯାଇଥିଲା। ତେବେ କୋରାପୁଟ ମେଡିକାଲରେ ସବୀର ସାହୁଙ୍କ ମୃତ୍ୟୁ ଘଟିଥିବା ବେଳେ ଗୁରୁତର ଶିବରାମ ଆଚାର୍ଯ୍ୟ, ଦିନେଶ ମିଶ୍ର ଓ ବିମଳ ଚୌଧୁରୀ ଏବେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି। ଘଟଣାଟି ୩୨୬ ନମ୍ବର ଜାତୀୟ ରାଜପଥ ଲକ୍ଷ୍ମୀପୁର ଥାନା ଅନ୍ତର୍ଗତ ଟିମାଝଲା ଛକ ନିକଟରେ ଘଟିଛି। ହାଇଓ୍ବା ଘଟଣାସ୍ଥଳରୁ ଫେରାର ଖବର ପାଇ ଲକ୍ଷ୍ମୀପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
