ଭୁବନେଶ୍ୱର,୩୦।୪: ଆଦିତ୍ୟ ବିର୍ଲା ଗ୍ରୁପର ଅଗ୍ରଣୀ କମ୍ପାନୀ ହିଣ୍ଡାଲ୍କୋର ବହୁ ପ୍ରତୀକ୍ଷିତ ତଥା ଅଭିନବ ପ୍ରକଳ୍ପ ‘ଜ୍ଞାନାର୍ଜନ’ ନିକଟରେ ହୀରାକୁଦଠାରେ ଆନୁଷ୍ଠାନିକ ଭାବେ ଶୁଭାରମ୍ଭ ହୋଇଯାଇଛି। ବିଶେଷ କରି ପଞ୍ଚମ ଓ ଦଶମ ଶ୍ରେଣୀର ଛାତ୍ରୀଛାତ୍ରଙ୍କୁ ଅଗ୍ରଣୀ ଶିକ୍ଷାନୁଷ୍ଠାନଗୁଡିକରେ ପ୍ରବେଶ କରାଇବା ପାଇଁ ଏହା ଲକ୍ଷ୍ୟ ରଖିଛି। ସେହିଭଳି ଏହି ପ୍ରକଳ୍ପ ବୁର୍ଲାର ଆଲୋକ ସହିତ ସହଭାଗିତା ଜରିଆରେ ହୀରାକୁଦର ସାଇ ୱାର୍ଲଡ ସ୍କୁଲ ଏବଂ ମହମ୍ମଦପୁରର ସରକାରୀ ନୋଡାଲ ହାଇସ୍କୁଲ ଠାରେ ନିଜର ଶିକ୍ଷାକେନ୍ଦ୍ର ସ୍ଥାପନ କରିଛି।
ଏ ସମ୍ପର୍କରେ ହିଣ୍ଡାଲ୍କୋର ବିଜ୍ନେସ ହେଡ୍ (ମାଇନିଂ ଓ କ୍ଲଷ୍ଟର ହେଡ୍ ସମ୍ବଲପୁର) କୈଳାସ ପାଣ୍ଡେ କହିଛନ୍ତି, ଜ୍ଞାନାର୍ଜନ ପ୍ରୋଜେକ୍ଟ ଶିକ୍ଷାଗତ ସଶକ୍ତୀକରଣ ଏବଂ ଗୋଷ୍ଠୀର ପ୍ରଗତି ନିମନ୍ତେ ଆରମ୍ଭ ହୋଇଛି। ସେହିପରି ଶିକ୍ଷାଗତ ଦିଗରୁ ଊର୍ଦ୍ଧ୍ୱରେ ଏହି ପ୍ରକଳ୍ପ ସୃଜନଶୀଳତାକୁ ପ୍ରୋତ୍ସାହିତ କରିବାକୁ ପ୍ରବନ୍ଧ ଲିଖନ, ତର୍କ, ଗୀତ, ନୃତ୍ୟ ଏବଂ ପ୍ରଶ୍ନୋତ୍ତର ଆଦି ଅତିରିକ୍ତ କାର୍ଯ୍ୟକଳାପ ଏବଂ ଜଟିଳ ଚିନ୍ତନ ଉପରେ ମଧ୍ୟ ଗୁରୁତ୍ୱ ଦେଉଛି। ବିଶେଷ କରି ସମ୍ବଲପୁର ବିଶ୍ୱବିଦ୍ୟାଳୟ, ସମ୍ବଲପୁର ଚିଡିଆଖାନା ଏବଂ ହୀରାକୁଦ ଡ୍ୟାମ୍ ଭଳି ପ୍ରମୁଖ ସ୍ଥାନକୁ କ୍ଷେତ୍ର ପ୍ରଦର୍ଶନସ୍ତରୀୟ ଗସ୍ତ ଅନନ୍ୟ ଅନୁଭୂତି ପ୍ରଦାନ କରୁଥିବାବେଳେ ଯୋଗ ଅଧିବେଶନ ଶାରୀରିକ ଏବଂ ମାନସିକ କଲ୍ୟାଣକୁ ମଧ୍ୟ ପ୍ରୋତ୍ସାହିତ କରୁଛି।
