ଗୁଆହାଟୀ,୨୬।୩: ଲୋକ ସଭା ନିର୍ବାଚନ ୨୦୨୪ ପାଇଁ ପ୍ରଥମ ପର୍ଯ୍ୟାୟ ଭୋଟ ପାଇଁ ଆଉ କିଛି ଦିନ ବାକି ଅଛି । ଆସାମରେ ଭୋଟ ପୂର୍ବରୁ ନିର୍ବାଚନ ପ୍ରଚାରରେ ନିୟୋଜିତ ରାଜନୈତିକ ଦଳ ସେମାନଙ୍କ ପ୍ରତିପକ୍ଷଙ୍କ ଉପରେ ଆକ୍ରମଣ କରୁଛନ୍ତି। ଏହି କ୍ରମରେ ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା କଂଗ୍ରେସ ଏମ୍ପି ରାହୁଲ ଗାନ୍ଧୀଙ୍କୁ ଟାର୍ଗେଟ୍ କରି କହିଛନ୍ତି ଯେ ତାଙ୍କ ଭବିଷ୍ୟତ ଅନ୍ଧକାରରେ ଅଛି ଏବଂ ୨୦୨୬ ପର୍ଯ୍ୟନ୍ତ କଂଗ୍ରେସ ବଞ୍ଚିବ ନାହିଁ।
ହିମନ୍ତ ବିଶ୍ବ ଶର୍ମା କହିଛନ୍ତି, କଂଗ୍ରେସ ଦଳକୁ ଭୋଟ ଦେବା ଅର୍ଥ ରାହୁଲ ଗାନ୍ଧୀଙ୍କୁ ଭୋଟ ଦେବା, ଭାଜପାକୁ ଭୋଟ ଦେବା ଅର୍ଥ ନରେନ୍ଦ୍ର ମୋଦିଙ୍କୁ ଭୋଟ ଦେବା। ଯେଉଁମାନେ ନରେନ୍ଦ୍ର ମୋଦିଙ୍କୁ ଭଲ ପାଆନ୍ତି ଏବଂ ବିିଶ୍ୱାସ ରଖିଛନ୍ତି କି ଭାରତର ବିଶ୍ୱଗୁରୁ ହେବେ। ସେମାନେ ଏହି ନିର୍ବାଚନରେ ଭାଜପାକୁ ଭୋଟ ଦେବେ। ଆଉ ଯେଉଁମାନେ ରାହୁଲ ଗାନ୍ଧୀଙ୍କୁ ଭୋଟ ଦେଲେ ସେମାନେ ଜାଣିଛନ୍ତି ଯେ ତାଙ୍କର ଭବିଷ୍ୟତ ଅତ୍ୟନ୍ତ ଦୁର୍ବଳ। ରାହୁଲ ଗାନ୍ଧୀଙ୍କ ଭବିଷ୍ୟତ ମଧ୍ୟ ଦୁର୍ବଳ ଏବଂ ତାଙ୍କ ଅନୁଗାମୀମାନଙ୍କ ଭବିଷ୍ୟତ ମଧ୍ୟ ଦୁର୍ବଳ ବୋଲି ସେ କହିଛନ୍ତି।
