ଭଲ ଚାକିରି ସହ ଆପଣ ଦରମାର ପ୍ୟାକେଜ ଦେଖିଥା’ନ୍ତି। ଏପରିକି ଲୋକଙ୍କୁ ଦେଶରେ ଭଲ ପ୍ୟାକେଜର ଦରମା ନ ମିଳିଲେ ସେମାନେ ବିଦେଶରେ ଭଲ ଦରମା ପାଇବା ପାଇଁ ସ୍ବିଚ୍ କରନ୍ତି। ଦରମା କଥା ଏଥିପାଇଁ ଏଠାରେ ଉଲ୍ଲେଖ କରୁଛୁ କି, ଆପଣ ଜାଣନ୍ତି କି କେଉଁ ଦେଶରେ ଚାକିରିରେ ସବୁଠାରୁ ଅଧିକ ଦରମା ମିଳିଥାଏ।
ସବୁଠାରୁ ଅଧିକ ଦରମା ଦେଉଥିବା ଦେଶ ହେଉଛି ସ୍ବିଜରଲାଣ୍ଡ। ଦ୍ୱିତୀୟରେ ଲ୍ୟୁକ୍ସେମବର୍ଗ ତୃତୀୟରେ ସିଙ୍ଗାପୁର ଚତୁର୍ଥରେ ଆମେରିକା, ପଞ୍ଚମରେ ରହିଛି କାତାର। ଏହି ପରିପ୍ରେକ୍ଷୀରେ ୱାଲର୍ଡ ଅଫ ଷ୍ଟାଟିଷ୍ଟିକ୍ସ ଦ୍ୱାରା ଏକ ତାଲିକା ପ୍ରକାଶ ପାଇଛି, ଯେଉଁଥିରେ ଏହିସବୁ ଦେଶଗୁଡିକର ତାଲିକା ପ୍ରକାଶ ପାଇଛି।
ୱାଲର୍ଡ ଅଫ ଷ୍ଟାଟିଷ୍ଟିକ୍ସର ତଥ୍ୟ ଅନୁସାରେ ବିଶ୍ୱର ସବୁଠାରୁ ଅଧିକ ଦରମା ସ୍ବିଜରଲ୍ୟାଣ୍ଡରେ ମିଳିଥାଏ। ଟ୍ୟାକ୍ସ ପରେ ଏଠାରେ ଲୋକଙ୍କ ହାରାହାରି ମାସିକ ଦରମା ହେଉଛି $୬,୧୨୮ ଅର୍ଥାତ ପ୍ରାୟ ୫,୧୦,୧୦୨ଟଙ୍କା। ୪ର୍ଥ ସ୍ଥାନରେ ଥିବା ଆମେରିକାରେ ମାସକୁ ଦରମା ୪୬୭୫ ଡଲାର ଅର୍ଥାତ ୩,୮୯,୧୬୦ଟଙ୍କା। ତାଲିକାରେ ଅଷ୍ଟ୍ରେଲିଆର ସ୍ଥାନ ୧୧, ଜର୍ମାନୀ ୧୩, କାନାଡା ୧୪, ବ୍ରିଟେନ ୧୬, ସ୍ବିଡେନ ୧୯, ଦକ୍ଷିଣ କୋରିଆ ୨୪, ଜାପାନ ୨୭ତମ ସ୍ଥାନରେ ରହିଥିବାବେଳେ ଭାରତ ୬୨ତମ ସ୍ଥାନରେ ରହିଛି।
ମାସିକ ବେତନ ଥିବା ଦେଶ ତାଲିକାରେ ଭାରତ ୬୨ ତମ ସ୍ଥାନରେ ରହିଛି। ବିଶ୍ୱ ପରିସଂଖ୍ୟାନରେ ପ୍ରକାଶିତ ତଥ୍ୟ ଅନୁଯାୟୀ, ଭାରତର ଲୋକଙ୍କ ହାରାହାରି ମାସକ ଦରମା ୫୯୮ ଡଲାର ଅର୍ଥାତ ପ୍ରାୟ ୪୯,୭୭୭,୭୩ ଟଙ୍କା ଅଟେ। ଯାହା ସ୍ବିଜରଲାଣ୍ଡର ମାସିକ ଦରମା ଠାରୁ ଦଶଗୁଣା କମ୍। ଆଶ୍ଚର୍ଯ୍ୟକର କଥା ଏହା କି, ଶକ୍ତିଶାଳୀ ରାଷ୍ଟ୍ର ଋଷିଆ ଏହି କ୍ଷେତ୍ରରେ ଭାରତ ଠାରୁ ପଛରେ ରହିଛି। ତାଲିକାରେ ଋଷିଆର ସ୍ଥାନ ୬୯। ଅର୍ଥନୀତିରେ ଭାଙ୍ଗିପଡିଥିବା ଆମ ପଡୋଣୀ ଦେଶ ପାକିସ୍ତାନରେ ହାରାହାରି ମାସିକ ଦରମା ୧୬୯ ଡଲାର ଅର୍ଥାତ ୧୪,୦୬୭ହଜାର ଟଙ୍କା। ଏହି ତାଲିକାରେ ପାକିସ୍ତାନ ୯୬ତମ ସ୍ଥାନରେ ରହିଛି। ଏହି କ୍ରମରେ ଚାଇନାରେ ହାରାହାରି ଦରମା ୯୯୪ ଡଲାର ଅର୍ଥାତ ୮୨,୭୩୮ଟଙ୍କା। ତାଲିକାରେ ଚାଇନା ୪୫ତମ ସ୍ଥାନରେ ରହିଛି।
