ନୂଆଦିଲ୍ଲୀ,୨୯।୩: ୨୮ ମାର୍ଚ୍ଚରୁ ବେଙ୍ଗାଲୁରୁର ଏମ୍. ଚିନ୍ନାସ୍ୱାମୀ ଷ୍ଟାଡିୟମରେ RCB ବନାମ SRH ମଧ୍ୟରେ ପ୍ରଥମ ମୁକାବିଲା ସହ ଆଇପିଏଲ୍ର ନୂଆ ସିଜିନ୍ ଆରମ୍ଭ ହୋଇଛି।। ଟିକେଟ୍ ବିକ୍ରି ଆରମ୍ଭ ହେବା ମାତ୍ରେ ପ୍ରଶଂସକଙ୍କ ମଧ୍ୟରେ ପ୍ରବଳ କ୍ରେଜ୍ ଦେଖିବାକୁ ମିଳିଛି।
କିପରି ବୁକ୍ କରିବେ ଅନଲାଇନ୍ ଟିକେଟ୍?
ଆଜିକାଲି ଡିଜିଟାଲ୍ ପ୍ଲାଟଫର୍ମ ଜରିଆରେ ଟିକେଟ୍ ବୁକିଂ କରିବା ସବୁଠାରୁ ସହଜ।
1. ଆପ୍ ବ୍ୟବହାର କରନ୍ତୁ: BookMyShow, Paytm Insider କିମ୍ବା Zomato (District App) ମାଧ୍ୟମରେ ଆପଣ ଟିକେଟ୍ ବୁକ୍ କରିପାରିବେ।
2. ମ୍ୟାଚ୍ ଚୟନ: ଆପ୍ରେ ‘IPL 2026’ ସେକ୍ସନକୁ ଯାଇ ନିଜ ପସନ୍ଦର ମ୍ୟାଚ୍ ଏବଂ ଷ୍ଟାଡିୟମ୍ ବାଛନ୍ତୁ।
3. ସିଟ୍ ଚୟନ: ଷ୍ଟାଡିୟମ୍ ମ୍ୟାପ୍ ଦେଖି ନିଜ ବଜେଟ୍ ଅନୁସାରେ ଷ୍ଟାଣ୍ଡ୍ ଏବଂ ସିଟ୍ ଚୟନ କରନ୍ତୁ।
4. ପେମେଣ୍ଟ ଓ ଇ-ଟିକେଟ୍: ପେମେଣ୍ଟ ସରିବା ପରେ ଆପଣଙ୍କୁ ହ୍ୱାଟସ୍ଆପ୍ କିମ୍ବା ଇମେଲ୍ରେ ଇ-ଟିକେଟ୍ ମିଳିଯିବ। କିଛି ଷ୍ଟାଡିୟମରେ ଏହି ଇ-ଟିକେଟ୍ ବଦଳରେ ଫିଜିକାଲ୍ ଟିକେଟ୍ ନେବା ବାଧ୍ୟତାମୂଳକ ହୋଇଥାଏ।
ଟିକେଟ୍ର ମୂଲ୍ୟ କେତେ?
ସାଧାରଣ ଦର୍ଶକଙ୍କ ଠାରୁ ଆରମ୍ଭ କରି କର୍ପୋରେଟ୍ ଗେଷ୍ଟଙ୍କ ପର୍ଯ୍ୟନ୍ତ ସମସ୍ତଙ୍କ ପାଇଁ ଭିନ୍ନ ଭିନ୍ନ କ୍ୟାଟେଗୋରୀ ରହିଛି:
ସାଧାରଣ ଷ୍ଟାଣ୍ଡ୍: ₹୪୯୯ ରୁ ₹୭୫୦ (ସାଧାରଣ ପ୍ରଶଂସକଙ୍କ ପାଇଁ ଶସ୍ତା)।
ପ୍ରିମିୟମ୍ ଷ୍ଟାଣ୍ଡ୍/କ୍ଲବ୍ ହାଉସ୍: ₹୫,୦୦୦ ରୁ ₹୨୫,୦୦୦।
କର୍ପୋରେଟ୍ ବକ୍ସ: ₹୩୦,୦୦୦ ରୁ ଅଧିକ।
ଅଫଲାଇନ୍ ଟିକେଟ୍ ମିଳିବ କି?
ଯଦି ଆପଣ ଅନଲାଇନ୍ ଟିକେଟ୍ ପାଇନାହାନ୍ତି, ତେବେ ଷ୍ଟାଡିୟମ୍ କାଉଣ୍ଟରରୁ ଟିକେଟ୍ କିଣିବାର ସୁଯୋଗ ରହିଛି। ମାତ୍ର RCB, MI କିମ୍ବା CSK ଭଳି ବଡ଼ ଦଳର ମ୍ୟାଚ୍ ପାଇଁ କାଉଣ୍ଟରରେ ଟିକେଟ୍ ମିଳିବା କଷ୍ଟକର। ମ୍ୟାଚ୍ର କିଛି ଦିନ ପୂର୍ବରୁ ସକାଳ ୧୦ଟାରୁ ଷ୍ଟାଡିୟମ୍ ଗେଟ୍ ପାଖରେ ଥିବା ବକ୍ସ ଅଫିସରୁ ଟିକେଟ୍ ସଂଗ୍ରହ କରାଯାଇପାରିବ।
IPL 2026: କିଛି ଗୁରୁତ୍ୱପୂର୍ଣ୍ଣ ମ୍ୟାଚ୍
୨୮ ମାର୍ଚ୍ଚ- RCB vs SRH-ବେଙ୍ଗାଲୁରୁ
୨୯ ମାର୍ଚ୍ଚ-| MI vs KKR-ମୁମ୍ବାଇ (ୱାଙ୍ଖେଡେ)
|୩୦ ମାର୍ଚ୍ଚ-RR vs CSK-ଗୁଆହାଟୀ |
ଚଳିତ ସିଜିନ୍ରେ ମୋଟ ୧୦ଟି ଦଳ ମଧ୍ୟରେ ୭୦ଟି ଲିଗ୍ ମ୍ୟାଚ୍ ଖେଳାଯିବ। ଦିଲ୍ଲୀ ଏବଂ ଅହମ୍ମଦାବାଦରେ ମଧ୍ୟ ହାଇ-ଭୋଲଟେଜ୍ ମ୍ୟାଚ୍ ପାଇଁ ଜୋରଦାର ପ୍ରସ୍ତୁତି ଚାଲିଛି।
