ନୂଆଦିଲ୍ଲୀ,୨୩।୧୧: ୨୪ବର୍ଷର ରେକର୍ଡ ଭାଙ୍ଗିଲେ ମୁଖ୍ୟମନ୍ତ୍ରୀ ହେମନ୍ତ ସୋରେନ। ପ୍ରଥମ ଥର ପାଇଁ ଏକ ଦଳ ରାଜ୍ୟରେ ପୁର୍ନବାର କ୍ଷମତାକୁ ଫେରୁଛିି। ବର୍ତ୍ତମାନ ପର୍ଯ୍ୟନ୍ତ ଟ୍ରେଣ୍ଡରେ, ହେମନ୍ତ ସୋରେନ ମେଣ୍ଟକୁ ସମ୍ପୂର୍ଣ୍ଣ ସଂଖ୍ୟାଗରିଷ୍ଠତା ହାସଲ କରିଛନ୍ତି। ଝାଡଖଣ୍ଡର ୮୧ଟି ସିଟ ମଧ୍ୟରୁ ଇଣ୍ଡିଆ ମେଣ୍ଟ ଆଗରେ ରହିଛି। ଏଥିମଧ୍ୟରୁ ୧୦ଟି ଆସନରେ ବିଜୟର ବ୍ୟବଧାନ ୧୦ ହଜାରରୁ ଅଧିକ ଭୋଟ ରହିଛି।
ଏଭଳି ପରିସ୍ଥିତିରେ ପ୍ରଶ୍ନ ଉଠୁଛି ଯେ, ନିଜର ସମସ୍ତ ଶକ୍ତି ଲଗାଇବା ସତ୍ତ୍ୱେ ଝାଡ଼ଖଣ୍ଡରେ ଭାଜପା କିପରି କ୍ଷମତାକୁ ଆସିପାରିଲା ନାହିଁ? ରାଜନୈତିକ ବିଶେଷଜ୍ଞଙ୍କନୁସାରେ ଭାରତୀୟ ଜନତା ପାର୍ଟିର କୌଣସି ଚେହେରା ତୃଣମୂଳ ସ୍ତରରେ ଦୃଢ ନ ଥିଲେ। ପାର୍ଟିରେ ସିଏମ ମୁହଁର ଦୁଇଟି ଫ୍ରଣ୍ଟ୍ରନର୍ସ (ବାବୁ ଲାଲ ମାରାଣ୍ଡି ଏବଂ ଚମ୍ପାଇ ସୋରେନ) ରହିଥିଲେ। କୌତୁହଳର ବିଷୟ, ଉଭୟ ଟର୍ନକୋଟ ଥିଲେ। ବିଧାନସଭା ନିର୍ବାଚନ ପୂର୍ବରୁ ଚମ୍ପାଇ ଭାଜପାରେ ଯୋଗ ଦେଇଥିଲେ।
ଆକ୍ସିସ ମାଇ ଇଣ୍ଡିଆର ଏକଜିଟ ପୋଲ ଅନୁଯାୟୀ ହେମନ୍ତଙ୍କ ଲୋକପ୍ରିୟତା ଝାଡଖଣ୍ଡର ଚମ୍ପାଇ ଏବଂ ବାବୁ ଲାଲଙ୍କ ତୁଳନାରେ ଦୁଇ ଗୁଣ ଅଧିକ ଥିଲା। ଏହି ସର୍ଭେରେ ୪୧ ପ୍ରତିଶତ ଲୋକ ହେମନ୍ତଙ୍କୁ ମୁଖ୍ୟମନ୍ତ୍ରୀ ଭାବରେ ପସନ୍ଦ କରିଥିଲେ। ଏହାର ତୁଳନାରେ, ଚମ୍ପାଇଙ୍କୁ ୭ ପ୍ରତିଶତ ଲୋକ ଏବଂ ମାରାଣ୍ଡିଙ୍କୁ ୧୩ ପ୍ରତିଶତ ଲୋକ ପସନ୍ଦ କରିଥିଲେ।
ଜୁଲାଇ ୨୦୨୪ରେ ପଦ ଗ୍ରହଣ କରିବା ପରେ ହେମନ୍ତ ସୋରେନ ମହିଳା ଭୋଟ ବ୍ୟାଙ୍କ ଉପରେ ଧ୍ୟାନ ଦେଇଥିଲେ। ସୋରେନ ମହିଳାମାନଙ୍କ ପାଇଁ ମୈୟା ସମ୍ମାନ ଯୋଜନା କାର୍ଯ୍ୟକାରୀ କରିଥିେ। ଏହି ଯୋଜନା ଅଧୀନରେ ପ୍ରତ୍ୟେକ ମହିଳାଙ୍କ ବ୍ୟାଙ୍କ ଆକାଉଣ୍ଟରେ ମାସକୁ ୧୦୦୦ ଟଙ୍କା ଜମା କରାଯାଇଥିଲା। ହେମନ୍ତ ଝାଡଖଣ୍ଡର ଆଦିବାସୀ ପ୍ରାଧାନ୍ୟ ଅଞ୍ଚଳରେ ଏକପାଖିଆ ଭାବରେ ଜିତୁଥିବା ପରି ମନେହୁଏ। ସମଗ୍ର ନିର୍ବାଚନରେ ହେମନ୍ତ ଆଦିବାସୀ ଅସ୍ମିତା ପ୍ରସଙ୍ଗ ଉଠାଉଥିଲେ।
