ଯାଜପୁର ଅଫିସ,୧।୨: ଯାଜପୁର ଜିଲା ଅଧିନସ୍ଥ ଚଇନପୁର ଗ୍ରାମପଞ୍ଚାୟତ ବିଦ୍ୟାଧରପୁର ଗ୍ରାମର ଅଶୋକ ତ୍ରିପାଠୀଙ୍କ ବାଡ଼ିରୁ ସୋମବାର ପୂର୍ବାହ୍ନରେ ମୁଣ୍ଡ ବିହୀନ ଶିଶୁର ମୃତଦେହ ଜବତ ହୋଇଛି।
ସୂଚନାନୁଯାୟୀ ବାଡ଼ିର ମାଲିକ ଅଶୋକ ତ୍ରିପାଠୀ ସୋମବାର ପୂର୍ବାହ୍ନରେ ମୃତ ଶିଶୁଟି ପଡ଼ିଥିବାର ଦେଖି ଆଖପାଖ ଲୋକଙ୍କୁ ଜଣାଇଥିଲେ। ଲୋକେ ଯାଜପୁର ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଶିଶୁର ମୃତଦେହ ଜବତ କରିବା ସହ ଉକ୍ତ ଅଞ୍ଚଳକୁ ଅବରୋଧ କରି ଘଟଣାର ତଦନ୍ତ ପାଇଁ ସାଇଟିଫିକ୍ ଟିମ୍ ଓ ସନ୍ଧାନୀ କୁକୁରକୁ ନିୟୋଜିତ କରାଯାଇଛି। ତେବେ ଘଟଣାର ଦୁଇଦିନ ପୂର୍ବରୁ ସେଠାକାର ନଦୀ ଆରପାରିରୁ ଦୁଇଜଣ ଅଣଓଡ଼ିଆଙ୍କୁ ପିଲା ଚୋର ସନ୍ଦେହରେ ଅଟକ ରଖତ ପୋଲିସରେ ଜିମା ଦେଇଥିଲେ । ଏହି ଘଟଣାଟି ପିଲା ଚୋରଙ୍କ ଦ୍ବାରା ଘଟିଥିବା ଗ୍ରାମବାସୀ ସନ୍ଦେହ କରିବା ସହିତ ସେମାନଙ୍କର ପିଲାମାନେ ସ୍କୁଲ ଓ କଲେଜ ଯିବାକୁ ସୁରକ୍ଷିତ ମଣୁ ନାହାନ୍ତି ବୋଲି ଗ୍ରାମବାସୀ ଜଣାଇଛନ୍ତି । ଏହାର ପଦକ୍ଷେପ ନେବା ପାଇଁ ଜିଲା ପ୍ରଶାସନକୁ ଅନୁରୋଧ କରିଛନ୍ତି। ତେବେ ଘଟଣାସ୍ଥଳରେ ଯାଜପୁର ଜିଲା ଅଧୀକ୍ଷକ ରାହୁଲ ପି.ଆର. ପହଞ୍ଚି ତଦନ୍ତ ପାଇଁ ସନ୍ଧାନୀ କୁକ୍ତର ଓ ସାଇଟିଫିକ୍ ଟିମ ନିୟୋଜିତ କରିଛନ୍ତି।
