ଗୋଷ୍ଠୀ ଉନ୍ନୟନ ପ୍ରକଳ୍ପ କରିବ ଏଚ୍‌ସିସିବି
9:03 amDecember 26, 2023December 26, 2023 / 02

ଭୁବନେଶ୍ୱର,୨୬।୧୨: ହିନ୍ଦୁସ୍ତାନ କୋକାକୋଲା ବେଭରେଜ୍‌ (ଏଚ୍‌ସିସିବି) ଓ ୱାଇ୪ଡି ଫାଉଣ୍ଡେଶନର ମିଳିତ ସହଯୋଗରେ ଖୋର୍ଦ୍ଧା ଜିଲାର ୯ଟି ଗାଁରେ ପରିବର୍ତ୍ତନଶୀଳ ବିକାଶମୂଳକ ପ୍ରକଳ୍ପ ପାଇଁ ଉଭୟ ସଂସ୍ଥା ବ୍ୟାପକ ଯୋଜନା କରିଛନ୍ତି। ବିଶେଷକରି ପ୍ରାୟ ୩୨,୦୦୦ଲୋକ ଏହା ଜରିଆରେ ବେଶ୍‌ ଉପକୃତ ହୋଇପାରିବେ। ଏପରିକି କମ୍ପାନୀ ମଧ୍ୟ ବିଭିନ୍ନ ଅପ୍‌କମିଂ କାର୍ଯ୍ୟକ୍ରମ ମାଧ୍ୟମରେ ଓଡ଼ିଶାର ୨,୭୦୦ ବ୍ୟକ୍ତିବିଶେଷଙ୍କୁ ସଶକ୍ତ କରିବାକୁ ଏକ ବହୁମୁଖୀ କାର୍ଯ୍ୟକ୍ରମ କାର୍ଯ୍ୟକାରୀ କରିବ। ଅପରପକ୍ଷରେ ଖୋର୍ଦ୍ଧା ଜିଲାର ଟାଙ୍ଗୀବସ୍ତି, ବଧା, ଶବରସାହି, ଜେମାଦେଈ, ମୁକୁନ୍ଦପ୍ରସାଦ, ଗୁରୁଜଙ୍ଗ, କୁମାରବସ୍ତ, ତିରୁମଲ ଏବଂ ଭାଲିଆବାଡି ଗ୍ରାମରେ ଗୋଷ୍ଠୀ ଉନ୍ନୟନ ପ୍ରକଳ୍ପଗୁଡ଼ିକ ଏକ ସକାରାତ୍ମକ ପ୍ରଭାବ ସୃଷ୍ଟି କରିବ ବୋଲି ଆଶା କରାଯାଉଛି। ସେହିଭଳି ଏହି ପଦକ୍ଷେପ ଦ୍ୱାରା ବାସିନ୍ଦାଙ୍କ ଜୀବନଶୈଳୀରେ ପରିବର୍ତ୍ତନ ସହ ଦୀର୍ଘସ୍ଥାୟୀ ବିକାଶ ଉପରେ ଗୁରୁତ୍ୱାରୋପ କରାଯିବ। ଏ ସମ୍ପର୍କରେ ଜନସମ୍ପର୍କ ବିଭାଗ ମୁଖ୍ୟ, ଯୋଗାଯୋଗ ଏବଂ ଦୀର୍ଘସ୍ଥାୟୀ ଅଧିକାରୀ ହିମାଂଶୁ ପ୍ରିୟଦର୍ଶୀ କହିଥିଲେ, ସାମାଜିକ-ଅର୍ଥନୈତିକ ଦୃଶ୍ୟପଟକୁ ବୃଦ୍ଧି କରିବାରେ ଶିଳ୍ପ ପ୍ରମୁଖ ଭୂମିକା ଗ୍ରହଣ କରିଥାଏ। ଖୋର୍ଦ୍ଧା ଜିଲାର ଗୋଷ୍ଠୀ ଉନ୍ନୟନ ପଦକ୍ଷେପ ସାମଗ୍ରିକ ଅଭିବୃଦ୍ଧି ପାଇଁ ଆମର ଅଦମ୍ୟ ପ୍ରତିବଦ୍ଧତାକୁ ଦୋହରାଇଛି। ଆମର ମଲ୍ଟି-ଡାଇମେନ୍ସନାଲ ଅପ୍‌ସ୍କିଲିଂ ପ୍ରୋଗ୍ରାମଗୁଡିକ ଆର୍ଥିକ ଏବଂ ଡିଜିଟାଲ କ୍ଷେତ୍ରରେ ଲିଙ୍ଗଗତ ପାର୍ଥକ୍ୟକୁ ଦୂରକରିବା ସହ ଆଜିର ଦ୍ରୁତ ବିକାଶଶୀଳ ବ୍ୟବସାୟରେ ଉତ୍କର୍ଷ ହେବା ପାଇଁ ଯୁବବର୍ଗମାନଙ୍କୁ ଅତ୍ୟାବଶ୍ୟକ ବିକ୍ରୟ ଏବଂ ମାର୍କେଟିଂ ଉପକରଣ ମଧ୍ୟ ଯୋଗାଇବ।