ରୋହତକ,୪ ।୯: ହରିୟାଣାର ରୋହତକରେ ଥିବା ମହର୍ଷି ଦୟାନନ୍ଦ ବିଶ୍ୱବିଦ୍ୟାଳୟରେ ଗୁଳିକାଣ୍ଡ ହୋଇଛି । ଫଳରେ ଗୁଳି ବାଜି ୪ ଛାତ୍ର ଆହତ ହୋଇଥିବା ସୂଚନା ମିଳିଛି । ଆତ ଛାତ୍ରଙ୍କ ମଧ୍ୟରୁ ଜଣେ ମହର୍ଷି ଦୟାନନ୍ଦ ବିଶ୍ୱବିଦ୍ୟାଳୟର ହୋଇଥିବା ବେଳେ ଅନ୍ୟ ୩ ଜଣଙ୍କ ପରିଚୟ ଏ ପର୍ଯ୍ୟନ୍ତ ମିଳିପାରି ନାହିଁ । ମିଳିଥିବା ସୂଚନା ଅନୁଯାୟୀ, ଗାଡିରେ ଆସି କେତେଜଣ ଯୁବକ ଆଖିବୁଜା ଗୁଳି ଚାଳନା କରିଥିଲେ । ଫଳରେ ମହର୍ଷି ଦୟାନନ୍ଦ ବିଶ୍ୱବିଦ୍ୟାଳୟ ପରିସରରେ ଭୟର ବାତାବରଣ ଖେଳି ଯାଇଥିଲା । ତେବେ ଏହା ପଛର କାରଣ କ’ଣ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ୪ ଆହତ ଛାତ୍ରଙ୍କୁ ରୋହତକ ପିଜିଆଇରେ ଚିକିତ୍ସା ପାଇଁ ଭତ୍ତି କରାଯାଇଥିବା ବେଳେ ପରେ ପରିବାର ଲୋକେ ଏମାନଙ୍କୁ ଘରୋଇ ହସ୍ପିଟାଲକୁ ସ୍ଥାନାନ୍ତର କରିଛନ୍ତି ।
ସୂଚନାଯୋଗ୍ୟ, ବିଶ୍ୱବିଦ୍ୟାଳୟରେ ରାଜ୍ୟପାଳଙ୍କ କାର୍ଯ୍ୟକ୍ରମ ଥିଲା । ଆଉ କାର୍ଯ୍ୟକ୍ରମ ସାରି ରାଜ୍ୟପାଳ ସେଠାରୁ ଚାଲିଆସିବାର ମାତ୍ର ୨୦ ମିନିଟ ପରେ ଏହି ଘଟଣା ଘଟିଛି । ତେବେ ବିଶ୍ୱିଦ୍ୟାଳୟର ସୁରକ୍ଷା ଅଧିକାରୀ ବଳରାମ ସିଂ କହିଛନ୍ତି ଟଙ୍କା କାରବାରକୁ ନେଇ ଦୁଇ ଛାତ୍ର ଗୋଷ୍ଠିଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା ।
