ନୂଆଦିଲ୍ଲୀ, ୨୦।୧୨: ଆଜିକାଲି ହାର୍ଦ୍ଦିକ ପାଣ୍ଡ୍ୟା ତାଙ୍କ ପ୍ରେମ ପ୍ରକାଶ କରିବାର ଗୋଟିଏ ବି ସୁଯୋଗ ହାତଛଡ଼ା କରନ୍ତି ନାହିଁ। ଅହମ୍ମଦାବାଦରେ ଖେଳାଯାଇଥିବା ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ପଞ୍ଚମ ଟି-୨୦ ମ୍ୟାଚରେ ହାର୍ଦ୍ଦିକ ୬୩ ରନର ଏକ ଝଡ଼ମୟ ଇନିଂସ ଖେଳିଥିଲେ। ସେ ୧୬ ବଲ୍ରେ ତାଙ୍କର ଅର୍ଦ୍ଧଶତକ ପୂରଣ କରିଥିଲେ। ଟି-୨୦ କ୍ରିକେଟରେ ଏହା ଜଣେ ଭାରତୀୟଙ୍କ ଦ୍ୱାରା ଦ୍ୱିତୀୟ ଦ୍ରୁତତମ ଅର୍ଦ୍ଧଶତକ ଥିଲା। ଏହି ଅର୍ଦ୍ଧଶତକ ପରେ, ସେ ଦର୍ଶକଙ୍କ ମଧ୍ୟରେ ବସିଥିବା ତାଙ୍କ ପ୍ରେମିକା ମାହିକା ଶର୍ମାଙ୍କୁ ଏକ ଫ୍ଲାଇଂ କିସ ପଠାଇ ତାଙ୍କ ପ୍ରେମ ପ୍ରକାଶ କରିଥିଲେ।
ହାର୍ଦ୍ଦିକ ପାଣ୍ଡ୍ୟା ତାଙ୍କ ୬୩ ରନର ଇନିଂସରେ ପାଞ୍ଚଟି ଚୌକା ଏବଂ ପାଞ୍ଚଟି ଛକା ମାରିଥିଲେ। ତାଙ୍କର ଅର୍ଦ୍ଧଶତକ ପୂରଣ କରିବା ପରେ, ହାର୍ଦ୍ଦିକଙ୍କ ଭିଡିଓ ଏବଂ ଫଟୋ ଭାଇରାଲ ହେଉଛି, ଯେଉଁଥିରେ ସେ ମାହିକା ଶର୍ମାଙ୍କୁ ଫ୍ଲାଇଂ କିସ ଦେଉଥିବାର ଦେଖାଯାଉଛି। ଏହି ଫଟୋ ଏବଂ ଭିଡିଓଗୁଡ଼ିକ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି। ଏହାର ଜବାବରେ, ତାଙ୍କ ପ୍ରେମିକା ମାହିକା ଶର୍ମା ମଧ୍ୟ ହାର୍ଦ୍ଦିକଙ୍କୁ ଏକ ଫ୍ଲାଇଂ କିସ ପଠାଇ ପରିବେଶର ଆନନ୍ଦକୁ ଆହୁରି ବୃଦ୍ଧି କରିଛନ୍ତି।
ଏହା ଟି-୨୦ କ୍ରିକେଯରେ ହାର୍ଦ୍ଦିକଙ୍କ ଦ୍ରୁତତମ ଅର୍ଦ୍ଧଶତକ ମଧ୍ୟ। ସେ ପୂର୍ବରୁ IPL ୨୦୧୯ ରେ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳୁଥିବା ସମୟରେ କୋଲକାତା ନାଇଟ ରାଇଡର୍ସ (KKR) ବିପକ୍ଷରେ ୧୭ବଲ ରେ ଅର୍ଦ୍ଧଶତକ ହାସଲ କରିଥିଲେ। ବର୍ତ୍ତମାନ ସେ ଦକ୍ଷିଣ ଆଫ୍ରିକା ବିପକ୍ଷ ପଞ୍ଚମ T20I ରେ ୧୬ବଲ ରେ ଅର୍ଦ୍ଧଶତକ ହାସଲ କରି ନିଜର ବ୍ୟକ୍ତିଗତ ରେକର୍ଡକୁ ଉନ୍ନତ କରିଛନ୍ତି।
