କରାଚି,୧୩।୮(ପି.ଟି.): ପାକିସ୍ତାନ ପୂର୍ବତନ ଅଧିନାୟକ ମହମ୍ମଦ ହାଫିଜ୍ ଇଂଲଣ୍ଡରେ ଜୈବ ସୁରକ୍ଷିତ ପ୍ରୋଟୋକଲ ଉଲ୍ଲଂଘନ କରି ବିବାଦ ସୃଷ୍ଟି କରିଛନ୍ତି। ପାକିସ୍ତାନ କ୍ରିକେଟ ବୋର୍ଡ (ପିସିବି) ମଧ୍ୟ ଏ ନେଇ ବିରକ୍ତି ପ୍ରକାଶ କରିଛି। କରୋନ ମହାମାରୀକୁ ଦୃଷ୍ଟିରେ ରଖି ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ଏହି ଜୈବ ସୁରକ୍ଷିତ ପ୍ରୋଟୋକଲ ଲାଗୁ କରିଥିଲା। ଟେଷ୍ଟ ଦଳରେ ନ ଥିଲେ ମଧ୍ୟ ହାଫିଜ୍ ସୀମିତ ଓଭର ମ୍ୟାଚ୍ ଖେଳିବାକୁ ଇଂଲଣ୍ଡ ଗସ୍ତ କରିଛନ୍ତି। ପ୍ରୋଟୋକଲ ଉଲ୍ଲଂଘନ କରି ହାଫିଜ୍ ଟିମ୍ ହୋଟେଲକୁ ଲାଗି କରିଥିବା ଗଲ୍ଫ କୋର୍ସକୁ ଯାଇଥିଲେ ଓ ଜଣେ ବୟସ୍କ ମହିଳଙ୍କ ସହ ଫଟୋ ଉଠାଇ, ତାହାକୁ ଟୁଇଟ୍ କରିଥିଲେ। ଜୈବ ସୁରକ୍ଷିତ ପରିବେଶ ବାହାରକୁ ଯାଇ କାହା ସହିତ ନ ମିଶିବାକୁ ବାରଣ କରାଯାଇଥିଲେ ମଧୟ ହାଫିଜ୍ ଏହି ତ୍ରୁଟି କରିଛନ୍ତି। ଉଲ୍ଲେଖଥାଉ କି, ପ୍ରଥମ ଟେଷ୍ଟରେ ପାକିସ୍ତାନ ଇଂଲଣ୍ଡଠାରୁ ୪ ଉଇକେଟରେ ପରାସ୍ତ ହୋଇ ୩ ମ୍ୟାଚ୍ ବିଶିଷ୍ଟ ସିରିଜ୍ରେ ୧-୦ରେ ପଛରେ ପଡିଛି।
