ଏଚ୍‌-୧ ବି ଭିଜା ଆପ୍ଲିକେଶନ ଫି ବଢ଼ିଲା

ମୁମ୍ବାଇ,୨।୮: ଏଚ୍‌-୧ ବି ଭିଜା ଆପ୍ଲିକେଶନର ବେସିକ୍‌ ଫି ବା ସାଧାରଣ ଦେୟକୁ ବର୍ତ୍ତମାନ ବୃଦ୍ଧି କରାଯାଇଛି। ଏଥିଲାଗି ୪୬୦ ଡଲାର (୩୪,୪୬୭.୭୫ ଟଙ୍କା) ଦେବାକୁ ପଡୁଥିବା ବେଳେ ଏଥିରେ ବର୍ତ୍ତମାନ ୨୧% ବୃଦ୍ଧି ଘଟି ୫୫୫ ଡଲାର(୪୧,୫୮୬.୦୯ ଟଙ୍କା) ଛୁଇଁଛି। ସେହିଭଳି ଏଲ୍‌-୧ ଭିଜା ଦେୟ ପ୍ରାୟ ୭୫% ବୃଦ୍ଧି ଘଟି ୮୦୫ ଡଲାର (୬୦,୩୧୮.୫୭ ଟଙ୍କା)ହୋଇଛି। ଏଲ୍‌-୧ ଭିଜା ସାଧାରଣତଃ ଆନ୍ତଃ କମ୍ପାନୀ ସ୍ଥାନାନ୍ତର ଲାଗି ବ୍ୟବହାର ହୋଇଥାଏ। ଅକ୍ଟୋବରଠାରୁ ଏହି ନୂଆ ଫାଇଲିଂ ନିୟମ କାର୍ଯ୍ୟକାରୀ ହେବ। ନିଯୁକ୍ତିଦାତାଙ୍କ ଦ୍ୱାରା ଏହି ଭିଜା ଫି ଦିଆଯାଉଥିଲେ ମଧ୍ୟ ବିଦେଶୀ କର୍ମଚାରୀଙ୍କୁ ନିଯୁକ୍ତି ଦେବା କିମ୍ବା କାର୍ଯ୍ୟଭାର ଲାଗି ଆମେରିକା ପଠାଇବା ବ୍ୟୟବହୁଳ ହେବ ବୋଲି କୁହାଯାଉଛି। ମିଳିଥିବା ସୂଚନା ମୁତାବକ, ୨୦୧୯ ସେପ୍ଟେମ୍ବର ଶେଷ ସୁଦ୍ଧା ୩.୮୮ ଲକ୍ଷ ଭିଜା ଜାରି କରାଯାଇଛି। ଏହା ମଧ୍ୟରୁ ପ୍ରାୟ ୨.୭୮ ଲକ୍ଷ( ୭୨%) ଭିଜା ଭାରତୀୟମାନେ ଲାଭ କରିଛନ୍ତି। ଏହା ମଧ୍ୟରେ ଭିଜା ଏକ୍ସଟେନଶନ ମଧ୍ୟ ସାମିଲ ରହିଛି। ଆମେରିକାରେ ମୁଖ୍ୟାଳୟ ରହିଥିବା କମ୍ପାନୀଗୁଡିକ ଏଚ୍‌-୧ବି ଭିଜା ଦ୍ୱାରା କର୍ମଚାରୀଙ୍କୁ ନିଯୁକ୍ତି ଦେଇଥାନ୍ତି। ଭାରତୀୟମାନେ ଏହା ମଧ୍ୟରେ ସବୁଠାରୁ ଅଧିକ ଭିଜା ଲାଭ କରୁଥିବା ଜଣାପଡିଛି। କେଉଁ ଦେଶକୁ କେତେ ଏଲ୍‌-୧ ଭିଜା ମିଳିଛି ସେ ନେଇ କୌଣସି ତଥ୍ୟ ମିଳିପାରିନାହିଁ।
ଆମେରିକା ସରକାରଙ୍କ ଅପ୍ରବାସନ ଏଜେନ୍ସି ୟୁଏସ୍‌ ସିଟିଜେନଶିପ ଆଣ୍ଡ ଇମିଗ୍ରେଶନ ସର୍ଭିସେସ୍‌(ୟୁଏସ୍‌ସିଆଇଏସ୍‌) ସେଠାକାର ସରକାରଙ୍କ ପକ୍ଷରୁ ୧.୨ ବିଲିୟନ ଡଲାରର ଜରୁରିକାଳୀନ ପାଣ୍ଠି ଆବଶ୍ୟକ କରୁଛି। ଏହାର ମୋଟ୍‌ ଶ୍ରମ ଶକ୍ତି ମଧ୍ୟରୁ ଅଗଷ୍ଟ ଶେଷ ସୁଦ୍ଧା ପ୍ରାୟ ୧୩ ହଜାର କର୍ମଚାରୀଙ୍କୁ ଛଟେଇ ନେଇ ରହିଥିବା ଯୋଜନାକୁ ଏହା ବର୍ତ୍ତମାନ ସ୍ଥଗିତ ରଖିଛି। ବିଦେଶରୁ ଲୋକମାନଙ୍କର ଫାଇଲିଂ ଫିସ୍‌ରୁ ଏହି ଏଜେନ୍ସିକୁ ପ୍ରାୟ ଅର୍ଥ ମିଳିଥାଏ। ବର୍ତ୍ତମାନ ୫୦ରୁ ଅଧିକ କର୍ମଚାରୀ ରଖିଥିବା ସଂସ୍ଥାରେ ଏଚ୍‌-୧ବି କିମ୍ବା ଏଲ୍‌-୧ ଷ୍ଟାଟସ ଥିବା କର୍ମଚାରୀଙ୍କ ଅଂଶ ୫୦% ଥିଲେ ଅତିରିକ୍ତ ଦେୟ ପ୍ରଦାନ କରିବାକୁ ପଡିବ। ପ୍ରତି ନୂଆ ଏଚ୍‌-୧ ବି ଭିଜା ଲାଗି ୪ ହଜାର ଡଲାର(୨.୯୯ ଲକ୍ଷ) ଏବଂ ଏଲ୍‌-୧ବି ଭିଜା ଲାଗି କମ୍ପାନୀଙ୍କୁ ୪,୫୦୦ ଡଲାର(୩.୩୭ ଲକ୍ଷ)ର ଫି ଦେବାକୁ ପଡିବ। ଏହାବାଦ ବର୍ତ୍ତମାନ ଭିଜା ନବୀକରଣ କିମ୍ବା ସମ୍ପ୍ରସାରଣ ଲାଗି ମଧ୍ୟ ଫିସ୍‌ ଦେବାକୁ ହେବ। ଏହାଦ୍ୱାରା ପ୍ରାୟ ୨୦୦ ନିୟୁତ ଡଲାର ସଂଗ୍ରହ କରିବା ଲାଗି ୟୁଏସ୍‌ ସରକାରଙ୍କ ଉକ୍ତ ଏଜେନ୍ସି ଯୋଜନା ଧାର୍ଯ୍ୟ କରିଛି। ଏଚ୍‌-୧ବି ଭିଜା ଗ୍ରହଣ କରିଥିଲେ ସେମାନଙ୍କ ସ୍ପାଉସ (ସ୍ବାମୀ କିମ୍ବା ସ୍ତ୍ରୀ)ଙ୍କ ଓ୍ବାର୍କ ପରମିଟ୍‌ ଲାଗି ୫୫୦ ଡଲାର (୪୧,୨୧୧.୪୪ ଟଙ୍କା)ଦେୟ ଧାର୍ଯ୍ୟ କରାଯାଇଛି। ଏଥିରେ ୩୪% ବୃଦ୍ଧି ଘଟିଛି। ଯେଉଁମାନେ ଆମେରିକାରେ ନାଗରିକତା ଲାଗି ଆବେଦନ କରୁଛନ୍ତି ସେମାନଙ୍କ କ୍ଷେତ୍ରରେ ଦେୟକୁ ୬୪୦ରୁ ୧୧୭୦ଡଲାର (୮୭,୬୬୭.୯୮ ଟଙ୍କା)କୁ ବୃଦ୍ଧି କରାଯାଇଛି। ଏହି ବର୍ଗରେ ପ୍ରାୟ ୮୩% ବୃଦ୍ଧି ପରିଲକ୍ଷିତ ହୋଇଛି। ଅପରପକ୍ଷରେ ବାୟୋମେଟ୍ରିକ୍ସ ଭଳି ବିଭିନ୍ନ ବର୍ଗରେ ସେବାରେ ଫି ବୃଦ୍ଧି ଘଟିଥିବା ଜଣାପଡ଼ିଛି।


Enter your email to get our daily news in your inbox.

All Right Reserved By Dharitri.Com

ସେଣ୍ଟ୍ରାଲ ବ୍ୟାଙ୍କରେ ସତର୍କତା ସଚେତନତା

ଭୁବନେଶ୍ୱର,୧୮-୪: ସଚେତନତା ଅଭାବ ଓ ଚାରିତ୍ରିକ ବିଷମତା ଯୋଗୁ ମଣିଷ ଭ୍ରଷ୍ଟାଚାରରେ ଲିପ୍ତ ହୋଇଥାଏ। ଏହା ଦ୍ୱାରା ସାମାଜିକ ପ୍ରଣାଳୀ ଏବଂ ଆର୍ଥତ୍କ ବ୍ୟବସ୍ଥା ଦୁର୍ବଳ...

ଅଟୋ ସେକ୍ଟରରେ ମାନ୍ଦାବସ୍ଥା ପ୍ରଭାବ ଗମ୍ଭୀର: ଅଗଷ୍ଟରେ ମାରୁତି ବିକ୍ରି ୩୩% ହ୍ରାସ

ନୂଆଦିଲ୍ଲୀ,୨-୯: ଅଟୋ ସେକ୍ଟରକୁ ମାନ୍ଦାବସ୍ଥାରୁ ବାହାର କରି ଆଣିବା ଲାଗି କେନ୍ଦ୍ର ସରକାରଙ୍କ ପକ୍ଷରୁ ପଦକ୍ଷେପ ଘୋଷଣା ହୋଇଥିଲେ ମଧ୍ୟ ଏହାର ପ୍ରଭାବ ସେଭଳି ଅନୁଭୁତ...

ସରଳ ହେବ ଜିଏସ୍‌ଟି ଫାଇଲିଂ

ନୂଆଦିଲ୍ଲୀ,୧୭-୧୧: ସାମଗ୍ରୀ ଓ ସେବା ଟିକସ (ଜିଏସ୍‌ଟି) ବ୍ୟବସ୍ଥାରେ ରହିଥିବା ବିଭିନ୍ନ ଅସୁବିଧା ଆଗାମୀ ଦିନରେ ଦୂର ହେବ। ଏହି ପ୍ରସଙ୍ଗରେ ଅର୍ଥମନ୍ତ୍ରୀ ନିର୍ମଳା ସୀତାରାମନ...

ବିମାନ ଚଳାଚଳ କ୍ଷେତ୍ରର ୨୦ ଲକ୍ଷ ଚାକିରି ବିପଦରେ

ନୂଆଦିଲ୍ଲୀ,୧୬ା୪: ଭାରତର ବିମାନ ଚଳାଚଳ କ୍ଷେତ୍ର ଏବଂ ସ୍ବାଧୀନ କ୍ଷେତ୍ରଗୁଡିକରେ ୨୦ ଲକ୍ଷ ଚାକିରି ଏବେ ବିପଦରେ ରହିଛି। କରୋନା ଯୋଗୁ ବଜାର କ୍ଷତିଗ୍ରସ୍ତ ହେବାରୁ...

୧୮ ଦିନ କାମ ବନ୍ଦ କଲା ଅଶୋକ ଲେଲ୍ୟାଣ୍ଡ

ନୂଆଦିଲ୍ଲୀ,୧୦-୯: ଅଟୋ ସେକ୍ଟରରେ ଦେଖାଦେଇଥିବା ମାନ୍ଦାବସ୍ଥା ଯୋଗୁ ଚିନ୍ତିତ କମ୍ପାନୀଗୁଡ଼ିକ କାର୍ଯ୍ୟ ସମୟ ହ୍ରାସ କରିବା ଭଳି ଉପାୟ ଆପଣାଇବା ଆରମ୍ଭ କଲେଣି। ମାରୁତି ତା’ର...

ପୂର୍ବତଟ ରେଳପଥର କ୍ଷତି ୧୦ କୋଟି ଟପିଲା

ଭୁବନେଶ୍ୱର,୧୨-୫ (ବ୍ୟୁରୋ): ପ୍ରାରମ୍ଭିକ ଆକଳନ ଅନୁସାରେ ଫନୀ ଯୋଗୁ ପୂର୍ବତଟ ରେଳପଥ ୧୦ କୋଟି ଟଙ୍କାରୁ  ଉର୍ଦ୍ଧ୍ୱ କ୍ଷତି ସହିଛି। କ୍ଷତି ପରିମାଣ ବଢିବ ବୋଲି...

ଗରିବୀ ସର୍ଭେ ଆରମ୍ଭ କଲେ ସରକାର

ନୂଆଦିଲ୍ଲୀ,୨୨-୨: ଦେଶରେ ଗରିବୀର ଆକଳନ କରିବା ଲାଗି ସରକାର ନୂଆ ସର୍ଭେ ଆରମ୍ଭ କରିଛନ୍ତି। ଏହା ମଧ୍ୟରେ ପୋଷଣର ମାତ୍ରା, ପିଇବା ପାଣି, ହାଉସିଂ, ରନ୍ଧନ...

ବିଦେଶୀ ସଭରେନ ବଣ୍ଡ ଯୋଜନା; ପୁନର୍ବିଚାର ଲାଗି ସୀତାରାମନ୍‌ ଅରାଜି

ନୂଆଦିଲ୍ଲୀ,୨୯-୭: ବିଦେଶୀ ସଭରେନ ବଣ୍ଡ ଜାରି କରି ଭାରତ ପ୍ରାୟ ୧୦ ବିଲିୟନ ଡଲାର ଋଣ ଆଣିବାକୁ ବିଚାର କରୁଛି। ଏହାକୁ ଦେଶର ବହୁ ନାମିଦାମୀ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *