ଗଞ୍ଜାମ,୨୬।୩ (ବିଦ୍ୟାଧର ସାହୁ): ଗତ କିଛି ଦିନ ହେଲା ଗଞ୍ଜାମ ସହରରେ ଗୁଟଖା କଳା ବଜାର ହେଉଛି ।ପୂର୍ବରୁ ରାଧା ଖଇନି, ପାନ ମସଲା ବିମଳ, ସଫଳ ଆଦି ପାଞ୍ଚ ଟଙ୍କାରେ ବିକ୍ରି ହେଉଥିଲା ବର୍ତମାନ ଗୋଟେ ରାଧା ଖଇନି ଓ ସଫଳ ୭/୮ ଟଙ୍କାରେ ବିକ୍ରି ହେଉଛି । ତେବେ ଲୋକେ ମଧ୍ୟ ଚଢ଼ା ଦରରେ କିଣି ସେବନ କରୁଛନ୍ତି । କେବଳ ସହରର ଜଣେ ବ୍ୟବସାୟୀଙ୍କ ଠାରେ ଏହି ଗୁଟଖା ତମାଖୁ ମିଳୁ ଥିବାରୁ ମନଇଛା ଦରରେ ବିକ୍ରି କରୁଥିବା ନେଇ ଅଭିଯୋଗ ହୋଇଛି ।
ଉକ୍ତ ବ୍ୟବସାୟୀ ଜଣକ କାଳେ ହୋଲସେଲ ଡିଲର ତେଣୁ ସେ ଏଭଳି ଦୋକାନୀମାନଙ୍କୁ ନାଲି ଆଖି ଦେଖାଉ ଥିବା ଜଣେ ଚା ପାନ ଦୋକାନୀ ନିଜ ନାମକୁ ଗୋପନ ରଖି ଗଣମାଧ୍ୟମକୁ ସୂଚନା ଦେଇଛନ୍ତି । ଅନ୍ୟାନ୍ୟ ରାଜ୍ୟରୁ ଆସୁଥିବା ଟ୍ରକ ଡ୍ରାଇଭର ଲକ୍ଷ ଲକ୍ଷ ଟଙ୍କାର ଗୁଟଖା ଏଠାରୁ ନେଉଥିବା ମଧ୍ୟ ସେ କହିଛନ୍ତି । ଅନ୍ୟପଟେ ଗୁଟଖା ତମାଖୁ ଧଡ଼ପଗଡ଼ ଧର୍ମକୁ ଆଖି ଠାର ବୋଲି ସହରରେ ଆଲୋଚନା ହେଉଛି । ଜିଲା ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସ୍ଥାନୀୟ ଅଞ୍ଚଳ ବାସୀ ଦାବି କରିଛନ୍ତି ।