ମୁମ୍ବାଇ: ହସ୍ପିଟାଲରେ ଭର୍ତ୍ତି ହୋଇଛନ୍ତି ଲୋକପ୍ରିୟ ଗାୟକ ଗୁରୁ ରନ୍ଧାୱା । ସୋସିଆଲ ମିଡିଆରେ ସେ ନିଜର ସ୍ବାସ୍ଥ୍ୟାବସ୍ଥା ନେଇ ସୂଚନା ଦେଇ ଏକ ଫଟୋ ଶେୟାର କରିଛନ୍ତି। ତାଙ୍କୁ ହସ୍ପିଟାଲର ବେଡ୍ରେ ଶୋଇଥିବାର ଦେଖାଯାଉଛି। ମୁଣ୍ଡରେ ଏକ ପଟି ବାନ୍ଧାଯାଇଛି। ବେକରେ ଏକ ନେକ୍ ବ୍ରେସ ମଧ୍ୟ ରହିଛି। ଫିଲ୍ମର ଶୁଟିଂ ସମୟରେ ରନ୍ଧାୱା ଆହତ ହୋଇଥିବା ଜଣାପଡ଼ିଛି।
ରନ୍ଧାଓ୍ବା କିଛିଦିନ ଧରି ପଞ୍ଜାବୀ ଫିଲ୍ମ ’ଶୌଙ୍କି ସର୍ଦ୍ଦାର’ର ଶୁଟିଂରେ ବ୍ୟସ୍ତ ରହିଥିଲେ। ଏହି ସିନେମାର ଏକ ଆକ୍ସନ ଦୃଶ୍ୟ ଶୁଟିଂ ସମୟରେ ସେ ଆହତ ହୋଇଥିଲେ, ଯାହା ପରେ ତାଙ୍କୁ ହସ୍ପିଟାଲରେ ଭର୍ତ୍ତି ହେବାକୁ ପଡିଥିଲା। ଫଟୋ ଶେୟାର କରି ଗୁରୁ ରନ୍ଧାୱା ଲେଖିଛନ୍ତି, ମୋର ପ୍ରଥମ ଷ୍ଟଣ୍ଟ, ପ୍ରଥମ ଥର ପାଇଁ ଆହତ ହୋଇଛି, କିନ୍ତୁ ମୋର ଦମ୍ଭ ଏପର୍ଯ୍ୟନ୍ତ ଭାଙ୍ଗି ନାହିଁ। ଆକ୍ସନ ବହୁତ କଷ୍ଟକର କାମ, କିନ୍ତୁ ମୁଁ ଦର୍ଶକଙ୍କ ପାଇଁ କଠିନ ପରିଶ୍ରମ କରିବି।
View this post on Instagram
ଅପରପକ୍ଷେ ଗାୟକଙ୍କ ଏହି ଫଟୋ ପ୍ରଶଂସକଙ୍କୁ ଦୁଃଖିତ କରିଛି। ସମସ୍ତେ ତାଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରୁଛନ୍ତି। ତାଙ୍କ ପୋଷ୍ଟରେ ଅନେକେ ବଲିଉଡ ସେଲିବ୍ରିଟି ପ୍ରତିକ୍ରିୟା ଦେଉଛନ୍ତି। ଅନୁପମ ଖେର, ଜ୍ୟାକଲିନ, ସୌମ୍ୟା ଟଣ୍ଡନ ପ୍ରମୁଖ ଶୀଘ୍ର ସୁସ୍ଥ ହେବାର କାମନା କରିଛନ୍ତି। ତେବେ ‘ଶୌଙ୍କି ସର୍ଦ୍ଦାର’ ଫିଲ୍ମରେ ଗୁରୁ ରନ୍ଧାୱାଙ୍କ ସହିତ ବବ୍ବୁ ମାନ, ନିମ୍ରିତ କୌର ଆହଲୁୱାଲିଆ ଏବଂ ଗୁଗ୍ଗୁ ଗିଲ୍ ଭଳି ଷ୍ଟାରମାନେ ମଧ୍ୟ ନଜର ଆସିବେ।
କହିବାକୁ ଗଲେ ଗୁରୁ ରନ୍ଧାୱା ସଂଗୀତ ଜଗତର ଏକ ବଡ଼ ନାମ। ସେ ନିଜ କଣ୍ଠସ୍ବରରେ ଲୋକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି। ଗୀତ ଗାଇବାରେ ଶିଖର ଛୁଇଁବା ପରେ ସେ ଗତ ବର୍ଷ ଚଳଚ୍ଚିତ୍ର ଜଗତରେ ପ୍ରବେଶ କରିଥିଲେ। ତାଙ୍କର ଏକ ଫିଲ୍ମ ’କୁଛ ଖଟ୍ଟା ହୋ ଜାୟେ’ ନାମରେ ମୁକ୍ତିଲାଭ କରିଥିଲା, ଯେଉଁଥିରେ ଗୁରୁ ମୁଖ୍ୟ ଭୂମିକାରେ ନଜର ଆସିଥିଲେ। ତାଙ୍କ ସହିତ ସାଇ ମାଞ୍ଜରେକର ଏବଂ ଅନୁପମ ଖେରଙ୍କ ଭଳି ଷ୍ଟାରମାନଙ୍କୁ ମଧ୍ୟ ଦେଖିବାକୁ ମିଳିଥିଲା। ତାଙ୍କର ନୂତନ ଫିଲ୍ମ ’ଶୌନକି ସର୍ଦ୍ଦାର’ କେବେ ମୁକ୍ତିଲାଭ କରିବ ସେ ବିଷୟରେ ଏପର୍ଯ୍ୟନ୍ତ ସୂଚନା ପ୍ରକାଶ କରାଯାଇ ନାହିଁ।
