ହାଇଦ୍ରାବାଦ,୬।୪: ସନରାଇଜର୍ସ ହାଇଦ୍ରାବାଦ ଏବଂ ଗୁଜରାଟ ଟାଇଟାନ୍ସ ମଧ୍ୟରେ ଚଳିତ ସିଜିନ୍ ର ୧୯ ତମ ମୁକାବିଲା ଖେଳାଯାଉଛି। ଏହି ମୁକାବିଲାରେ ଟସ୍ ଗୁଜରାଟ ବୋଲିଂ କରିବାକୁ ନିଷ୍ପତ୍ତି ନେଇଥିଲା। କିନ୍ତୁ ପାୱାରପ୍ଲେ ସମୟରେ ଦଳକୁ ବଡ଼ ଝଟକା ଲାଗିଛି। ଷ୍ଟାର ଖେଳାଳି ଗ୍ଲେନ୍ ଫିଲିଫ୍ସ ଫିଲ୍ଡିଂ ସମୟରେ ଆହତ ହୋଇ ପଡିଆ ଛାଡିଥିଲେ।
ନ୍ୟୁଜିଲାଣ୍ଡର ଷ୍ଟାର କ୍ରିକେଟର ଗ୍ଲେନ୍ ଫିଲିଫ୍ସଙ୍କୁ ଗୁଜରାଟ ଟାଇଟାନ୍ସ ଆଇପିଏଲ ୨୦୨୫ ମେଗା ନିଲାମୀରେ ମୂଳ ମୂଲ୍ୟ ୨ କୋଟି ଟଙ୍କାରେ କିଣିଛି। ତେବେ ଏପର୍ଯ୍ୟନ୍ତ ତାଙ୍କୁ ଗୋଟିଏ ମ୍ୟାଚ ଖେଳିବାର ସୁଯୋଗ ମିଳିନାହିଁ। ତେବେ ହାଇଦ୍ରାବାଦ ବିପକ୍ଷରେ ଖେଳାଯାଉଥିବା ମ୍ୟାଚରେ ତାଙ୍କୁ ଖେଳାଳି ଭାବେ ଫିଲ୍ଡିଂ କରିବାକୁ ଆସି ଆହତ ହୋଇଛନ୍ତି।
ପ୍ରକୃତରେ, ଷଷ୍ଠ ଓଭରରେ, ପ୍ରସିଦ୍ଧ କ୍ରିଷ୍ଣାଙ୍କ ବଲ୍ ରେ ଇଶାନ କିଶାନ ବଲକୁ ଖେଳିଦେଇ ଏବଂ ଏକ ରନ ସଂଗ୍ରହ କରିଥିଲେ। ତା’ପରେ ଗ୍ଲେନ୍ ଫିଲିପ୍ସ ବଲଟିକୁ ସଂଗ୍ରହ କରି ଫିଙ୍ଗି ଦେଇଥିଲେ ଏବଂ ତା’ପରେ ସେ ଯନ୍ତ୍ରଣାରେ ଛଟପଟ ହେଉଥିବା ଦେଖାଯାଇଥିଲା। ତାଙ୍କର ହ୍ୟାମଷ୍ଟ୍ରିଙ୍ଗ୍ରେ ସମସ୍ୟା ଥିଲା ଏବଂ ସେ ପଡ଼ିଆରେ ଶୋଇ ପଡ଼ିଥିଲେ। ଏହା ଜଣାପଡୁଥିଲା ଯେ ଥ୍ରୋ କରିବା ସମୟରେ ତାଙ୍କର ହାମଷ୍ଟ୍ରିଙ୍ଗ୍ ଟାଣି ହୋଇଯାଇଥିଲା। ତାଙ୍କୁ ଯନ୍ତ୍ରଣା ହେଉଥିବା ଦେଖି, ଫିଜିଓ ତୁରନ୍ତ ପଡ଼ିଆକୁ ଆସିଥିଲେ ଏବଂ ଯେତେବେଳେ ଫିଲିପ୍ସଙ୍କ ଅବସ୍ଥାରେ ଉନ୍ନତି ନ ହେଲା, ତାଙ୍କୁ ପଡ଼ିଆରୁ ବାହାରକୁ ନିଆଯାଇଥିଲା।
Glenn Phillips came as a sub, got injured.
– Get well soon, Phillips 🤞 pic.twitter.com/BzqWhVqM5P
— Johns. (@CricCrazyJohns) April 6, 2025
