Advertisement

ଲକ୍ଷ୍ୟ ହାସଲ ପାଇଁ ମାର୍ଗଦର୍ଶନ ଲୋଡ଼ା

କରୋନା ମହାମାରୀ ଶିକ୍ଷା ବ୍ୟବସ୍ଥାରେ ଅନେକ ପରିବର୍ତ୍ତନ ଆଣିଛି। ଡିଜିଟାଲ ଉପାୟରେ ଶିକ୍ଷା ପଦ୍ଧତି ବିକଶିତ ହେବା ସହ ଉଭୟ ଛାତ୍ରୀଛାତ୍ର ଓ ଶିକ୍ଷୟିତ୍ରୀ ଶିକ୍ଷକମାନେ ନିଜକୁ ପ୍ରସ୍ତୁତ କରିନେଇଛନ୍ତି। ସବୁ ସ୍କୁଲ, କଲେଜ ଓ କୋଚିଂ ସେଣ୍ଟର ବନ୍ଦ ଥିବାବେଳେ ପିଲାଙ୍କୁ ଅନ୍‌ଲାଇନ୍‌ କ୍ଲାସ୍‌ ଜରିଆରେ ଆକାଶ ଇନ୍‌ଷ୍ଟିଚ୍ୟୁଟ୍‌ ଗୁଣାମତ୍କ ଶିକ୍ଷା ଯୋଗାଇଥିଲା। ଲକ୍‌ଡାଉନ୍‌ ବେଳେ ସମ୍ପୂର୍ଣ୍ଣ ଡିଜିଟାଲ ହେବାରେ ଓଡ଼ିଶାରେ ଏହା ପ୍ରଥମ ଇନ୍‌ଷ୍ଟିଚ୍ୟୁଟ୍‌ ବୋଲି ଧରିତ୍ରୀକୁ ସାକ୍ଷାତ୍‌କାର ଦେବାବେଳେ କହନ୍ତି ଜିନ୍ଦଗୀ ଫାଉଣ୍ଡେଶନ୍‌ ଏବଂ ଆକାଶ ଇନ୍‌ଷ୍ଟିଚ୍ୟୁଟ୍‌ର ନିର୍ଦ୍ଦେଶକ ଅଜୟ ବାହାଦୁର ସିଂ।

 

ଅନ୍‌ଲାଇନ୍‌ ଶିକ୍ଷାଦାନର ମୁଖ୍ୟ ସମସ୍ୟା କ’ଣ?

ଆର୍ଥତ୍କ ଅସ୍ବଚ୍ଛଳ ବର୍ଗର ପିଲାଙ୍କ ଲାଗି ଅନ୍‌ଲାଇନ୍‌ କ୍ଲାସ୍‌ରେ ଯୋଗଦେବା କଷ୍ଟକର ହୋଇଥାଏ। ଅନେକଙ୍କ ପାଇଁ ସ୍ମାର୍ଟଫୋନ୍‌ ପାଇବା ସହଜ ହୁଏନି। ଗ୍ରାମାଞ୍ଚଳରେ ଉପଯୁକ୍ତ ନେଟୱର୍କ ମିଳିବାରେ ବି ସମସ୍ୟା ହୁଏ। ଜିନ୍ଦଗୀ ଫାଉଣ୍ଡେଶନ୍‌ର ଜଣେ ଛାତ୍ରଙ୍କୁ ଆମେ ଏକ ସ୍ମାର୍ଟଫୋନ୍‌ ଦେବାକୁ ଚେଷ୍ଟା କଲୁ। କିନ୍ତୁ ତାଙ୍କ ବାପାଙ୍କ ନମ୍ବର କାମ କରୁ ନ ଥିବାରୁ ତାଙ୍କ ପାଖରେ ପହଞ୍ଚତ୍ବା ସମ୍ଭବ ହୋଇ ନ ଥିଲା। ଏପରି କି ସେ ଫୋନ୍‌ ରିଚାର୍ଜ ବି କରିପାରି ନ ଥିଲେ। ତେବେ ଈଶ୍ୱରଙ୍କ କରୁଣାରୁ ସେ କଠିନ ପରିଶ୍ରମ କରି ସଫଳ ହୋଇପାରିଛନ୍ତି।

ଶିକ୍ଷାଦାନ ପାଇଁ କେଉଁଟି ଭଲ ମାଧ୍ୟମ, ଅନ୍‌ଲାଇନ୍‌ ନା ଅଫ୍‌ଲାଇନ୍‌?
ଦେଖନ୍ତୁ, ଅଫ୍‌ଲାଇନ୍‌ ଶିକ୍ଷାଦାନର ବିକଳ୍ପ ବାଛିବା ଅସମ୍ଭବ। ଶ୍ରେଣୀଗୃହରେ ଶିକ୍ଷାଦାନ ହେଲେ ଏହା ଛାତ୍ରୀଛାତ୍ରଙ୍କୁ ପାଠପଢ଼ାରେ ମନୋନିବେଶ କରିବା ଦିଗରେ ସହାୟକ ହୋଇଥାଏ। ଅଫ୍‌ଲାଇନ୍‌ କ୍ଲାସ୍‌ରେ ଶିକ୍ଷକମାନେ ଛାତ୍ରୀଛାତ୍ରଙ୍କ ଆଖିକୁ ଚାହିଁଦେଇ ସେମାନେ ବିଷୟଟିକୁ କେତେ ବୁଝିପାରୁଛନ୍ତି ବା ଗ୍ରହଣ କରୁଛନ୍ତି ତାହା ଜାଣିଦିଅନ୍ତି। ଅନ୍‌ଲାଇନ୍‌ କ୍ଲାସ ଏବଂ ଶ୍ରେଣୀଗୃହରେ ଶିକ୍ଷାଦାନର ଦୁଇଟି ବ୍ୟବସ୍ଥା ଏକସାଙ୍ଗେ ରହିପାରେ। ତେବେ ଅଫ୍‌ଲାଇନ୍‌ ଶିକ୍ଷାଦାନ ଉତ୍କୃଷ୍ଟ ବୋଲି ମୋର ବ୍ୟକ୍ତିଗତ ମତ।

ଛାତ୍ରୀଛାତ୍ରଙ୍କୁ ପ୍ରେରଣା ଯୋଗାଇବା ଦିଗରେ କିପରି ସହଯୋଗ କରୁଛନ୍ତି?
ଛାତ୍ରଛାତ୍ରୀମାନେ ଭଲ କରିବା ଲାଗି ସେମାନଙ୍କୁ ପ୍ରେରଣା ଦିଆଯିବା ଉଚିତ। ଆକାଶ ଇନ୍‌ଷ୍ଟିଚ୍ୟୁଟ ନିଜ ଛାତ୍ରୀଛାତ୍ରଙ୍କୁ ପ୍ରେରଣା ଦେବା ଲାଗି ଖୁବ୍‌ ଚମତ୍କାର ପଦକ୍ଷେପ ନେଇଛି। ଆମ ପିଲାମାନେ କନ୍‌ସେପ୍ଟ ଅଫ୍‌ ଫିଜିକ୍ସର ଲେଖକ ପ୍ରଫେସର ଏଚ୍‌.ସି. ବର୍ମା, ସୁପର ୩୦ ପ୍ରତିଷ୍ଠାତା ଆନନ୍ଦ କୁମାର, ଗୁଗଲ ବୟ କୌଟିଲ୍ୟ ପଣ୍ଡିତଙ୍କ ସମେତ ଦେଶର ବିଭିନ୍ନ ସ୍ଥାନରୁ ବିଶିଷ୍ଟ ବ୍ୟକ୍ତିମାନଙ୍କ ସହ ଆଲୋଚନା କରୁଛନ୍ତି।

ଓଡ଼ିଶାର ଛାତ୍ରୀଛାତ୍ରଙ୍କ ଉପରେ ଆପଣଙ୍କ ମନ୍ତବ୍ୟ କ’ଣ?
ଓଡ଼ିଶାର ଛାତ୍ରୀଛାତ୍ରମାନେ ବେଶ୍‌ ମାର୍ଜିତ। ସେମାନେ କଠିନ ପରିଶ୍ରମୀ, ଶୃଙ୍ଖଳିତ ଓ ଭଦ୍ର। ପୂର୍ବରୁ ଓଡ଼ିଶାର ଅଧିକାଂଶ ଛାତ୍ର କେବଳ ରାଜ୍ୟସ୍ତରୀୟ ଏଣ୍ଟ୍ରାନ୍ସ୍ସ ପରୀକ୍ଷାରେ ଉତ୍ତୀର୍ଣ୍ଣ ହେବାକୁ ଚିନ୍ତା କରୁଥିଲେ। ଏବେ ଆମେ ସେମାନଙ୍କୁ ଜାତୀୟସ୍ତରୀୟ ଏଣ୍ଟ୍ରାନ୍ସ ପରୀକ୍ଷା ଦେଇ ସଫଳ ହେବାକୁ ଉତ୍ସାହିତ କରୁଛୁ। ଜିପ୍‌ମେର, ଏମ୍‌ସ, ଜେଇଇ ଆଦି ପରୀକ୍ଷାରେ ସଫଳ ହେବାକୁ ସେମାନଙ୍କ ଆମତ୍ବିଶ୍ୱାସ ବଢ଼ାଉଛୁ। ଆମେ ଓଡ଼ିଶାରୁ ଜିପ୍‌ମେରରେ ସର୍ବଭାରତୀୟ ସ୍ତରରେ ୧ ନମ୍ବର ସହ ଏମ୍‌ସରେ ଚତୁର୍ଥ ଓ ଷଷ୍ଠ ର଼୍ୟାଙ୍କ ପାଇବାରେ ସଫଳ ହୋଇଛୁ। ଆମର ୩ ଜଣ ଛାତ୍ରୀଛାତ୍ର ଜେଇଇ-ମେନ୍‌ରେ ପ୍ରଥମ ଶହେ ଜଣଙ୍କ ମଧ୍ୟରେ ଆସିଛନ୍ତି। ଏଠାକାର ପିଲା ବିଦେଶରେ ମଧ୍ୟ ପାଠ ପଢ଼ିବାର ସୁଯୋଗ ପାଉଛନ୍ତି।

ମେଡିକାଲ ଏବଂ ଇଞ୍ଜିନିୟରିଂ ପ୍ରବେଶିକା ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଛାତ୍ରୀଛାତ୍ରଙ୍କୁ କି ପରାମର୍ଶ ଦେବେ?
ଏକାଗ୍ରତା ସହ ଉପଯୁକ୍ତ ମାର୍ଗଦର୍ଶନ ମିଳିଲେ ଲକ୍ଷ୍ୟ କଷ୍ଟସାଧ୍ୟ ନୁହେଁ। ପ୍ରତିଯୋଗିତା ତୀବ୍ର ହେବା ସହ ଛାତ୍ରୀଛାତ୍ରଙ୍କୁ ସମୟୋପଯୋଗୀ ଆହ୍ବାନର ସଫଳ ମୁକାବିଲା ପାଇଁ ପ୍ରସ୍ତୁତ କରିବାକୁ ଆମ ପାଠ୍ୟ ଉପକରଣ ଏବଂ ପାଠ୍ୟକ୍ରମ ବିକଶିତ କରିଚାଲିଛୁ। ସେମାନେ ଯେପରି କୌଣସି ପ୍ରତିଯୋଗିତା ଲାଗି ବିବ୍ରତ ନ ହୋଇ ଶିକ୍ଷା ପ୍ରତି ଧ୍ୟାନ ଦିଅନ୍ତି ଏବଂ ବିଷୟରେ ଦକ୍ଷତା ହାସଲ କରନ୍ତି, ସେ ଦିଗରେ ଆମ ଶିକ୍ଷକମାନେ ଯନତ୍ଶୀଳ।


Enter your email to get our daily news in your inbox.

All Right Reserved By Dharitri.Com

ବଢ଼ିବ ଟୋଲ ଫି: ପୂର୍ତ୍ତ ବିଭାଗକୁ ପ୍ରସ୍ତାବ ଦେଲା ଓବିସିସି

ଭୁବନେଶ୍ୱର,୧୪ା୧୨(ବ୍ୟୁରୋ): ରାଜ୍ୟରେ ମହଙ୍ଗା ହେବ ଟୋଲ ଟିକସ। ଗାଡି ଚାଳକଙ୍କୁ ଅଧିକ ଟିକସ ଦେବାକୁ ପଡିବ।୨୦୦୬ରେ ଧାର୍ଯ୍ୟ ହୋଇଥିବା ଟୋଲ ଟିକସରେ ସଂଶୋଧନ କରାଯିବ। ଓଡ଼ିଶା...

ଲକ୍ଷେ ୪୩ ହଜାର ଟଙ୍କାରେ ବିକ୍ରି ହେଲା ତେଲିଆ ମାଛ

ଭଦ୍ରକ ଅଫିସ,୨ା୧୦- ଭଦ୍ରକ ଜିଲା ଧାମରା ଚନ୍ଦନୀପାଳରେ ମତ୍ସ୍ୟଜୀବୀଙ୍କ ଜାଲରେ ୨୨ କି.ଗ୍ରା ଓଜନର ଏକ ତେଲିଆ ମାଛ ପଡ଼ିଥିଲା। ଶୁକ୍ରବାର କି.ଗ୍ରା ପିଛା ସାଢ଼େ...

ବେଦାନ୍ତ ଖଣିରୁ ଜଳ ନମୁନା ସଂଗ୍ରହ କଲା ସିପିସିବି

ଯାଜପୁର ଅଫିସ,୧୭ା୯: ବେଦାନ୍ତ ଫାକର ଓସ୍ତପାଳ କ୍ରୋମାଇଟ ଖଣିରୁ ପ୍ରାୟ ୧୫ ଲକ୍ଷ ଘନମିଟର ବର୍ଜ୍ୟଜଳ ଡମଶାଳା ନାଳାକୁ ବିନା ଟ୍ରିଟମେଣ୍ଟରେ ଛାଡ଼ିବା ମାମଲାରେ ସିପିସିବି(ସେଣ୍ଟ୍ରାଲ...

ଧବଳେଶ୍ୱରରୁ ମିଳିଥିବା ମୃତଦେହ ସୀତାରାମଙ୍କର ନୁହେଁ: ଏସ୍‌ଆର୍‌ସି

କଟକ ଅଫିସ,୨୫।୯: କଟକ ମୁଣ୍ଡୁଳି ଜଳ ସ୍ରୋତରେ ନିଖୋଜ ଥିବା ଓଡ୍ରାଫ କର୍ମଚାରୀ ସୀତାରାମ ମୁର୍ମୁଙ୍କ ମୃତଦେହ ଶନିବାର ଧବଳେଶ୍ୱରରୁ ଉଦ୍ଧାର ହୋଇଥିବା ନେଇ ଏସ୍‌ଆରସି...

ଓଡ଼ିଶା ଦିବସ: ଅଭିନନ୍ଦନ ଜଣାଇଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ

ଭୁବନେଶ୍ୱର,୨।୪(ବ୍ୟୁରୋ): ଭାଷା ଭିତ୍ତିରେ ୧୯୩୬ ମସିହା ଏପ୍ରିଲ ପହିଲାରେ ସ୍ବତନ୍ତ୍ର ଓଡ଼ିଶା ଗଠନ ହୋଇଥିଲା। ଅତୀତର ଏହି ଗୌରବର ସ୍ମୃତି ଚାରଣ କରିବା ପାଇଁ ପ୍ରତିବର୍ଷ...

ଶ୍ରୀଲିଙ୍ଗରାଜଙ୍କ ଜମିରେ ରହିତାଦେଶ ପ୍ରସଙ୍ଗ:ଶୁକ୍ରବାରକୁ ଘୁଞ୍ଚିଲା ଶୁଣାଣି

ପୁରୁଣା ଭୁବନେଶ୍ୱର, ୬। ୮ (ଡି.ଏନ୍‌.ଏ.): ମହାପ୍ରଭୁ ଶ୍ରୀଲଙ୍ଗରାଜଙ୍କ ନୂଆଗାଁ ମୌଜା ଗଙ୍ଗୁଆ ବ୍ରିଜ୍‌ ନିକଟରେ ରହିଥିବା ଏ୨.୬୩୦ ଡିସିମିଲ ପରିମିତ ଜାଗାରେ ବେଆଇନ ଗୃହ...

ଏଟିଏମ୍‌ କାର୍ଡ ନ ଥିଲେ ବି ଏଣିକି ଉଠାଇ ପାରିବେ ଟଙ୍କା

ନୂଆଦିଲ୍ଲୀ,୮।୪: ଏଣିକି ଏଟିଏମ କାର୍ଡ ବିନା ମଧ୍ୟ ଟଙ୍କା ଉଠାଇବାକୁ ଗ୍ରାହକ ସକ୍ଷମ ହେବେ। ରିଜର୍ଭ ବ୍ୟାଙ୍କ ଅଫ ଇଣ୍ଡିଆ (ଆରବିଆଇ) ଗଭର୍ନର ଶକ୍ତିକାନ୍ତ ଦାସ...

ତିନି ରଥର ୪ ନାହାକା ଉଠିଲା

ପୁରୀ ଅଫିସ, ୧୮।୬: ସୋମବାର ପବିତ୍ର ଦେବସ୍ନାନ ପୂର୍ଣ୍ଣମୀରେ ତିନିରଥର ୪ ନାହାକ ଉଠିଛି। ଅକ୍ଷୟତୃତୀୟା ଠାରୁ ଶ୍ରୀନଅର ସମ୍ମୁଖ ରଥଖଳାରେ ତିନି ମୁଖ୍ୟ ବିଶ୍ୱକର୍ମାଙ୍କ...

Advertisement
Archives

Model This Week