ନୂଆଦିଲ୍ଲୀ,୧୭।୧୧: ଦେଶର ପ୍ରମୁଖ ସିମେଣ୍ଟ କମ୍ପାନୀ ନୁଭୋକୋ ଭିଷ୍ଟାସ୍ କର୍ପୋରେଶନ ଲିମିଟେଡ୍ (ଏନ୍ଭିସିଏଲ୍)ର ୬ଟି ରେଡି-ମିକ୍ସ କଂକ୍ରିଟ ପ୍ଲାଣ୍ଟକୁ ସମ୍ମାନଜନକ ଗ୍ରୀନ୍ ପ୍ରୋ ପ୍ରମାଣପତ୍ର ମିଳିଛି। ବିଶେଷକରି କମ୍ପାନୀର ପାଟେନଚେରୁ, ମିୟାପୁର(ହାଇଦ୍ରାବାଦ), ହ୍ବାଇଟ୍ଫିଲ୍ଡ (ବେଙ୍ଗାଲୁରୁ), ସନଥଲ୍(ଗୁଜରାଟ), ନୋଏଡା (ଉତ୍ତରପ୍ରଦେଶ) ଏବଂ ଗୁର୍ଗାଓଁ (ହରିୟାଣା)ଠାରେ ଅବସ୍ଥିତ ପ୍ଲାଣ୍ଟକୁ ଉପରୋକ୍ତ ସ୍ବୀକୃତି ପ୍ରଦାନ କରାଯାଇଛି। ଏପରିକି ଉପରୋକ୍ତ ପ୍ଲାଣ୍ଟଗୁଡ଼ିକ ଇକୋ ଡ୍ୟୋର-ଗ୍ରୀନ୍ କଂକ୍ରିଟ ଉତ୍ପାଦନ ପାଇଁ ଇଣ୍ଡିଆନ ଗ୍ରୀନ୍ ବିଲ୍ଡିଂ କାଉନସିଲ (ଆଇଜିବିସି-ସିଆଇଆଇ) ଦ୍ୱାରା ଗ୍ରୀନ୍ ପ୍ରୋର ମାନ୍ୟତା ହାସଲ କରିଛି।
ସେହିଭଳି ଗ୍ରୀନ ପ୍ରୋ ଇକୋଲେବଲ ଗ୍ଲୋବାଲ ଇକୋଲେବଲ ନେଟ୍ୱର୍କ (ଜିଇଏନ୍) ଦ୍ୱାରା ଜେନିସେସ୍ (ଜିଇଏନ ଇଣ୍ଟରନ୍ୟାଶନାଲ କୋ-ଅର୍ଡିନେଟେଡ୍ ଇକୋଲେବଲ ସିଷ୍ଟମ) ମାଧ୍ୟମରେ ମାନ୍ୟତା ଲାଭ କରିଛି। ଏ ସମ୍ପର୍କରେ ନୁଭୋକୋ ଭିଷ୍ଟାସ୍ କର୍ପୋରେଶନ ଲିମିଟେଡ୍ର ଚିଫ୍ ଷ୍ଟ୍ରାଟେଜି ଏବଂ ମାର୍କେଟିଂ ଅଫିସର ମଧୁସ୍ମିତା ବାସୁ କହିଛନ୍ତି, କମ୍ପାନୀର କନ୍ଷ୍ଟ୍ରକ୍ସନ ଡେଭଲପମେଣ୍ଟ ଏବଂ ଇନୋଭେସନ ସେଣ୍ଟରରୁ ଅଭିନବ ଏବଂ ସ୍ଥାୟୀ ଉତ୍ପାଦ ଉଭୟ ଅଂଶୀଦାର ଏବଂ ଗ୍ରାହକଙ୍କୁ ଯୋଗାଇ ଦେଇଆସୁଛୁ। ବିଶେଷ କରି ଆମର ହିତାଧିକାରୀଙ୍କ ପାଇଁ ମୂଲ୍ୟବୋଧ ସୃଷ୍ଟି କରିବା ପାଇଁ କମ୍ପାନୀକୁ ଏହା ହେଉଛି ଏକ ପ୍ରତିବଦ୍ଧତାର ଏକ ପ୍ରମାଣ। ପ୍ରୋଟେକ୍ଟ ଆୱାର ପ୍ଲାନେଟ୍ (ପିଓପି) ସ୍ଥାୟିତ୍ୱ ଏଜେଣ୍ଡାର ଏକ ଅଂଶ ଭାବେ ନୁଭୋକୋ ଏକ ବିସ୍ତୃତ ରଣନୀତି ପ୍ରସ୍ତୁତ କରିଛି।
