ନୂଆଦିଲ୍ଲୀ,୧୯।୯ : ମହିଳା ସଂରକ୍ଷଣ ବିଲ ସମ୍ପର୍କରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଆମ ଆଦମୀ ପାର୍ଟି ମଙ୍ଗଳବାର ଭାଜପାକୁ ଟାର୍ଗେଟ କରିଛି। ଏଏପି କହିଛି ବିଲକୁ ଆମେ ନୈତିକ ଭାବରେ ସମର୍ଥନ କରୁଛୁ।
କେଜରିୱାଲ ସରକାରଙ୍କ ଜଣେ ମନ୍ତ୍ରୀ ତଥା ଏଏପି ନେତା ଅତିଶୀ ଅତିଶୀ ମାର୍ଲେନା କହିଛନ୍ତି ୨୦୨୪ ମସିହାରେ ଏହି ବିଲର ବ୍ୟବସ୍ଥା ପ୍ରଯୁଜ୍ୟ ହେବ ନାହିଁ। ମହିଳାଙ୍କ କଲ୍ୟାଣ ପାଇଁ ଭାଜପାର କୌଣସି ଆଗ୍ରହ ନାହିଁ। ଏହା ମହିଳା ସଂରକ୍ଷଣ ବିଲ ନୁହେଁ, ବରଂ ମହିଳାମାନଙ୍କୁ ବୋକା ବନାଇବା ପାଇଁ ଏକ ବିଲ।
ଆମର ଦାବି ହେଉଛି ମହିଳା ସଂରକ୍ଷଣ ବିଲରୁ ସୀମା ନିର୍ଦ୍ଧାରଣ, ଜନଗଣନା ଏବଂ ୨୦୨୪ ଲୋକସଭା ନିର୍ବାଚନରେ ସଂରକ୍ଷଣ ଲାଗୁ କରିବା। ସେ କହିଛନ୍ତି କାହିଁକି ସୀମା ନିର୍ଦ୍ଧାରଣ ଏବଂ ଜନଗଣନା ବ୍ୟବସ୍ଥା ଅନ୍ତର୍ଭୁକ୍ତ କରାଯାଇଛି? ଏହାର ଅର୍ଥ ହେଉଛି ୨୦୨୪ ଲୋକସଭା ନିର୍ବାଚନ ପୂର୍ବରୁ ମହିଳା ସଂରକ୍ଷଣ କାର୍ଯ୍ୟକାରୀ ହେବ ନାହିଁ। ,
ଜନଗଣନା କରିବା ପାଇଁ ଅତି କମରେ ଏକ ବର୍ଷ ସମୟ ଲାଗିଥାଏ। ଏହା ପରେ ସୀମା ନିର୍ଦ୍ଧାରଣ ପ୍ରକ୍ରିୟା ଆରମ୍ଭ ହେବ। ସମଗ୍ର ଦେଶରେ ଏହା ଏକରୁ ଦୁଇ ବର୍ଷ ଲାଗିବ।
ଏଏପି ରାଜ୍ୟସଭା ଏମପି ରାଘବ ଚଢା କହିଛନ୍ତି ଦେଶ ତଥା ମହିଳାମାନଙ୍କୁ ଏହି ବିଲ ଲାଗୁ ପାଇଁ ଜନଗଣନା ଏବଂ ସୀମା ଲାଗି ଅପେକ୍ଷା କରିବାକୁ ପଡ଼ିବ।
କାର୍ଯ୍ୟକାରିତା ପାଇଁ କୌଣସି ଫ୍ରେମ ବିନା ଏହି ବିଲ ପ୍ରସ୍ତୁତ କରାଯାଇଛି। ବିନା ବିଳମ୍ବରେ ମହିଳା ସଂରକ୍ଷଣକୁ ତୁରନ୍ତ କାର୍ଯ୍ୟକାରୀ କରିବାକୁ ଆମେ ଦାବି କରୁଛୁ।
