ଭୁବନେଶ୍ୱର,୬ା୨: ଗତ କିଛି ମାସ ହେବ ବିଭିନ୍ନ କାରଣ ଯୋଗୁ ଦେଶରେ ଖାଇବା ତେଲ ଦର ବୃଦ୍ଧି ଘଟିଛି। ଏହାକୁ ନିୟନ୍ତ୍ରଣ କରିବା ପାଇଁ ସରକାର ଖାଇବାତେଲ ଏବଂ ତୈଳବୀଜ ସାମଗ୍ରୀ ମହଜୁଦ ଉପରେ କଟକଣା ଜାରି କରିଛନ୍ତି। ଅତ୍ୟାବଶ୍ୟକ ସାମଗ୍ରୀକୁ ଉଭୟ ବ୍ୟବସାୟୀ ଏବଂ ପ୍ରକ୍ରିୟାକରଣ କରୁଥିବା ସଂସ୍ଥାଗୁଡ଼ିକ ଆବଶ୍ୟକତାଠାରୁ ଅଧିକ ଷ୍ଟକ୍ ରଖିବା ନେଇ କଟକଣା ଜାରି କରାଯାଉଛି। ଏହି ଅନୁସାରେ ଖୁଚୁରା ବ୍ୟବସାୟୀ ଅତିବେଶିରେ ୩ଟନ ପର୍ଯ୍ୟନ୍ତ ଖାଇବା ତେଲ ମହଜୁଦ ରଖିପାରିବେ। ସେହିଭଳି ପାଇକାରୀ ବ୍ୟବସାୟୀଙ୍କ ପାଇଁ ଉକ୍ତ ସୀମା ୫୦ଟନ୍ ରହିଛି। ଚଳିତ ବର୍ଷ ଜୁନ୍ ୩୦ ପର୍ଯ୍ୟନ୍ତ ଏହି ନିୟମ ସାରା ଦେଶରେ କାର୍ଯ୍ୟକାରୀ ହେବ।
