ବସ୍ତା,୧୬ା୪(ଡି.ଏନ୍.ଏ.): ସରକାରୀ ଔଷଧ ଜନସାଧାରଣଙ୍କୁ ବିତରଣ କରା ନ ଯାଇ ସର୍ବସାଧାରଣ ସ୍ଥାନରେ ପୋଡ଼ାଯାଇଥିବା ଦେଖିବାକୁ ମିଳିଛି।
ମିଳିଥିବା ସୂଚନା ଅନୁସାରେ, ବାଲେଶ୍ୱର ଜିଲା ବସ୍ତା ଡାକ୍ତରଖାନାଠାରୁ ୨୦୦ ମିଟର ଦୂରରେ ରାମଚଣ୍ଡୀ ମନ୍ଦିର ନିକଟ ଏକ ନଡ଼ିଆ ଗଛ ପାଖରେ ସରକାରୀ ଔଷଧ ଜନସାଧାରଣଙ୍କୁ ବିତରଣ ନ କରାଯାଇ ପୋଡ଼ି ଦିଆଯାଇ ଥିବା ଜଣାଯାଇଛି। ଏହି ଔଷଧ ମଧ୍ୟରେ କିଛି ଓଆର୍ଏସ ପ୍ୟାକେଟ ଥିବା ଦେଖିବାକୁ ମିଳିଛି। ବୋଲେରୋ ସାହାଯ୍ୟରେ ଡାକ୍ତରଖାନାର କର୍ମଚାରୀମାନଙ୍କ ପ୍ରତ୍ୟକ୍ଷ ତତ୍ୟବଧାନରେ ବିଭିନ୍ନ ଗ୍ରାାଞ୍ଚଳରେ ବୁଲି ସାଧାରଣ ଜନତାଙ୍କୁ ମାଗଣାରେ ବହୁମୂଲ୍ୟ ସରକାରୀ ଔଷଧ ବିତରଣ କରାଯାଇଥାଏ। ତେବେ ଏହି ଔଷଧଗୁଡିକୁ କିଏ କାହିଁକି ବାହାରେ ଫିଙ୍ଗି ଦେଇଛି ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ତେବେ ପାଖରେ ଥିବା ଜନୈକ ବ୍ୟକ୍ତିଙ୍କ ବୋଲେରୋ ଡାକ୍ତରଖାନାରେ ଭଡ଼ାସୂତ୍ରରେ ବିଭିନ୍ନ ଗାଁକୁ ଯାଇ ଔଷଧ ବିତରଣ କରାଯାଇଥାଏ ବୋଲି ଜଣାପଡ଼ିଛି। ଏନେଇ ଡାକ୍ତରଖାନାର ଭାରପ୍ରାପ୍ତ ଅଧିକାରୀ ଦେବବ୍ରତ ଜେନାଙ୍କ ମତାମତ ମିଳିପାରିନାହିଁ।
