ଛତ୍ରପୁର,୨୨।୪,(ଦିଲ୍ଲୀପ ସାମଲ) : ଗ୍ରୀଷ୍ମ ପ୍ରବାହ ଯୋଗୁଁ ଚାରିଆଡେ ଜନ ଜୀବନ ଅସ୍ତ ବ୍ୟସ୍ତ ହୋଇପଡିଥିବା ବେଳେ ଗଞ୍ଜାମ ଜିଲାର ସଦର ମହକୁମା ଛତ୍ରପୁର ସହର ମଧ୍ୟ ଏଥିରୁ ବାଦ ପଡିନି l ଦିନରେ ପ୍ରବଳ ଗରମ ଅନୁଭୂତ ହୋଇଥିବା ଯୋଗୁ ସହରବାସୀ ଘରୁ ବାହାରକୁ ବାହାରିବାକୁ ଭୟ କଲେଣି। ଗ୍ରୀଷ୍ମକୁ ଦୃଷ୍ଟିରେ ରଖି ଲୋକଙ୍କୁ ଥଣ୍ଡା ପାନୀୟ ଜଳ ଓ ଦହି ପଣା ବଣ୍ଟନ କରି ଛତ୍ରପୁର ସ୍ଥିତ ସରକାରୀ ବାଳିକା ଉଚ୍ଚ ବିଦ୍ୟାଳୟର ବିଦ୍ୟାର୍ଥୀ ମାନେ ଏକ ନିଆରା ପ୍ରୟାସ ଆରମ୍ଭ କରିଛନ୍ତି l ସ୍ଥାନୀୟ ଲୋୟର ବସଷ୍ଟାଣ୍ଡ ଓ ମାଛ ମାର୍କେଟ ରୋଡ଼ଠାରେ ଦୁଇଟି କ୍ୟାମ୍ପ ଆୟୋଜନ କରି ବାଟୋଇ ଓ ଜନ ସାଧାରଣଙ୍କୁ ଥଣ୍ଡା ପାନୀୟ ଜଳ ସାଙ୍ଗକୁ ଦହି ପଣା ବଣ୍ଟନ କରାଯାଇଛି। ବିଦ୍ୟାଳୟର ଏନସିସି, ଗାଇଡ଼ ଓ ଜେଆରସି ସଦସ୍ୟମାନେ ଏଥିରେ ସାମିଲ ହୋଇଛନ୍ତି। ଏହାକୁ ପ୍ରଧାନ ଶିକ୍ଷକ ଦ୍ୱାରିକା ନାଥ ବେହେରା ଉଦଘାଟନ କରିଥିବା ବେଳେ ଶିକ୍ଷୟତ୍ରୀ ଶିକ୍ଷକ ଓ ବିଦ୍ୟାର୍ଥୀମାନଙ୍କ ଏହି ସେବା ମନୋବୃତ୍ତିକୁ ସହର ବାସିନ୍ଦାଙ୍କ ପକ୍ଷରୁ ବେଶ ପ୍ରଶଂସା କରାଯାଇଛି l
