ମୁମ୍ବାଇ,୧୪।୧: ଦେଶର ପ୍ରମୁଖ ଘରୋଇ ସଂସ୍ଥା ତଥା ଇସ୍ପାତ ନିର୍ମାତା ଜିନ୍ଦଲ ଷ୍ଟିଲ୍ ଆଣ୍ଡ ପାୱାର (ଜେଏସ୍ପି)କୁ ନିକଟରେ ଗୋଲ୍ଡେନ୍ ପିକକ୍ ସିଏସ୍ଆର୍ ଆଓ୍ବାର୍ଡ ସମ୍ମାନରେ ସମ୍ମାନିତ କରାଯାଇଛି। ବିଶେଷକରି ଇସ୍ପାତ ଶିଳ୍ପ କ୍ଷେତ୍ରରେ ଜେଏସ୍ପିର କର୍ପୋରେଟ ସାମାଜିକ ଦାୟିତ୍ୱବୋଧ (ସିଏସ୍ଆର୍) କାର୍ଯ୍ୟକ୍ରମର ଉତ୍କର୍ଷ ପାଇଁ ସମ୍ମାନଜନକ ଗୋଲ୍ଡେନ୍ ପିକକ୍ ପୁରସ୍କାର-୨୦୨୨ ପ୍ରଦାନ କରାଯାଇଛି। ଏପରିକି ମୁମ୍ବାଇଠାରେ ଆୟୋଜିତ ୧୭ତମ ଆନ୍ତର୍ଜାତୀୟ ସିଏସ୍ଆର ସମ୍ମିଳନୀରେ ଜେଏସପିର ସଭାପତି ତଥା ଗ୍ରୁପ୍ ହେଡ୍ (ସିଏସ୍ଆର) ପ୍ରଶାନ୍ତ କୁମାର ହୋତା କେନ୍ଦ୍ର ଆଇନ ଓ ନ୍ୟାୟ ମନ୍ତ୍ରୀ ପ୍ରଫେସର ଏସ.ପି ସିଂ ବଘେଲଙ୍କଠାରୁ କମ୍ପାନୀ ପକ୍ଷରୁ ଉକ୍ତ ସମ୍ମାନ ଗ୍ରହଣ କରିଥିଲେ। ଏହି ପରିପ୍ରେକ୍ଷୀରେ ଇନଷ୍ଟିଚ୍ୟୁଟ୍ ଅଫ୍ ଡାଇରେକ୍ଟର୍ସ (ଆଇଓଡି)ର ସଭାପତି ଲେଫ୍ଟନାଣ୍ଟ ଜେନେରାଲ୍ (ଅବସରପ୍ରାପ୍ତ) ସୁରିନ୍ଦର ନାଥ ଏବଂ ମୁଖ୍ୟ ପରାମର୍ଶଦାତା ଦେଶ ଦୀପକ ବର୍ମା, ଆଇଏଏସ୍ (ଅବସରପ୍ରାପ୍ତ) ପ୍ରମୁଖ ଉପସ୍ଥିତ ଥିଲେ। ଉଲ୍ଲେଖଯୋଗ୍ୟ ନବୀନ ଜିନ୍ଦଲଙ୍କ ନେତୃତାଧୀନ ଜେଏସପିକୁ ୨ୟ ଥର ପାଇଁ ଏହି ଗୋଲ୍ଡେନ୍ ପିକକ ସିଏସ୍ଆର ଆଓ୍ବାର୍ଡ କରାଯାଇଛି। ସୂଚନାଯୋଗ୍ୟ ଭାରତର ପୂର୍ବତନ ପ୍ରଧାନ ବିଚାରପତି ଏମ. ଭେଙ୍କଟାଚାଲିଆଙ୍କ ସଭାପତିତ୍ୱରେ ଗଠିତ ଏକ ଜୁରୀ କମିଟି ଦ୍ବାରା ଜେଏସପିକୁ ଉକ୍ତ ପୁରସ୍କାର ପାଇଁ ଚୟନ କରାଯାଇଥିଲା। ଏ ସମ୍ପର୍କରେ ଜେଏସପିର ସିଏସଆର ୟୁନିଟ ଜେଏସପି ଫାଉଣ୍ଡେସନର ଚେୟାରପର୍ସନ ଶାଲୁ ଜିନ୍ଦଲ କହିଛନ୍ତି, ଏଭଳି ଏକ ସମ୍ମାନଜନକ ପୁରସ୍କାର ଆମକୁ ବେଶ ଆନନ୍ଦିତ କରିଛି, ଏପରିକି ଲୋକମାନଙ୍କ ପାଇଁ ଅଧିକ ଦାୟିତ୍ୱବାନ ଏବଂ ଅଧିକ ଉତ୍ତରଦାୟୀ କରିବା ସହିତ ସମାଜର ଦୁର୍ବଳ ଶ୍ରେଣୀର ଲୋକମାନଙ୍କ ଜୀବନଶୈଳୀରେ ଉନ୍ନତି ଆଣିବା ପାଇଁ ଏହା ପ୍ରେରିତ କରିବ। ଏପରିକି ଜିନ୍ଦଲ ଜୁରି ଏବଂ ଆଇଓଡିକୁ ମଧ୍ୟ ଧନ୍ୟବାଦ ଜଣାଇଛନ୍ତି।
