ବଲାଙ୍ଗୀର,୫।୨(ସୁନିଲ କୁମାର ମହାନ୍ତି): ବଲାଙ୍ଗୀର ସରକାରୀ ଆୟୁର୍ବେଦିକ କଲେଜ ଏବଂ ହସ୍ପିଟାଲର ସୁବର୍ଣ୍ଣ ଜୟନ୍ତୀ ସମାରୋହ ଗୁରୁବାର ଉଦଘାଟିତ ହୋଇଛି । ଏହି ଅବସରରେ ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂଦେଓ କଲେଜ ପରିସରରେ ଥିବା ହରବାଲ୍ ଗାର୍ଡେନରେ ବୃକ୍ଷ ରୋପଣ କରିବା ସହ ଏକ ଜିମ୍ ଉଦଘାଟନ କରିଥିଲେ । ଏହା ପରେ ଆୟୁର୍ବେଦିକ କଲେଜ ସମ୍ମୁଖରୁ ଏକ ଶୋଭାଯାତ୍ରା ବାହାରି ସହର ପରିକ୍ରମା କରିଥିଲା।
ଭାଗିରଥୀ ଛକ ଠାରେ ନବନିର୍ମିତ ଆୟୁର୍ବେଦିକ କଲେଜ ସୁବର୍ଣ୍ଣ ଜୟନ୍ତୀ ଗେଟକୁ ବିଧାୟକ କଲିକେଶ ନାରାୟଣ ସିଂଦେଓ ଉଦଘାଟନ କରିଥିଲେ। ଏହି କାର୍ଯ୍ୟକ୍ରମରେ ଜିଲା ପରିଷଦ ଅଧ୍ୟକ୍ଷା ଦେବକୀ ସାହୁ, ପୌରାଧ୍ୟକ୍ଷା ଲିକା ସାହୁ, କଲେଜ ଆଲୁମ୍ନି ଆସୋସିଏସନ୍ ସଭାପତି ଡ଼ା ବାସୁଦେବ ପତି, କଲେଜ ଅଧ୍ୟକ୍ଷ ପ୍ରଫେସର ମନୋଜ କୁମାର ସାହୁ, ଡ଼ା ବିପିନ ବିହାରୀ ମିଶ୍ର, ଡ଼ ଶିବବ୍ରତ ବେହେରା, ଡ଼ ନିଗମାନଦ ବଳ, ଡ଼ ଜ୍ୟୋତି ରଂଜନ ମେହେର, ଡ଼ ସୁଶାନ୍ତ ମେହେର, ଡ଼ ସିମାଦ୍ରି ନାୟକ, ଡ଼ ସୁଶାନ୍ତ ସାହୁ, ଡ଼ ଗଣେଶ ମେହେର, ଡ଼ ସ୍ନେହଲତା ପ୍ରଧାନ, ଡ଼ ଉତ୍କଳିନି ନାୟକ, ଡ଼ ଲିପ୍ସା ଦାସ ଓ ଆୟୁଷ ଡାକ୍ତରୀ ଛାତ୍ରୀଛାତ୍ର ଓ ଅନ୍ୟମାନେ ଉପସ୍ଥିତ ଥିଲେ । ସାଂସ୍କୃତିକ ଶୋଭାଯାତ୍ରାରେ ବିଭିନ୍ନ ସାଂସ୍କୃତିକ ଦଳ ଅଂଶଗ୍ରହଣ କରିଥିଲେ ।